Lazy Swipe လို့ခေါ်တဲ့ Apps လေးကတော့










Floating tools နဲ့ မကိုက်ညီဘူးဆိုရင်တော့ အခုဖော်ပြပေးမယ့် Lazy Swipe လို့ခေါ်တဲ့ Apps လေးကတော့ အဆင်ပြေစေမှာဖြစ်ပါတယ်…

Android စမတ်ဖုန်းတွေဟာ အခုနောက်ပိုင်းမှာ OS Version မြင့်လာတဲ့အခါမှာ ထုတ်လုပ်သူတွေ ထည့် သွင်းပေးလိုက်တဲ့ User Interface(UI) ဟာ အတော်အသင့် အသုံးပြုဖို့အဆင်ပြေလာခဲ့ကြပါပြီ။ စနစ်ကျ သပ်ရပ်လာတဲ့ Widgests တွေ၊ တည်ငြိမ်အဆင့်မြင့်လာတဲ့ notification စနစ်တွေနဲ့အတူ အလွယ် တကူခေါ်ယူအသုံးပြုနိုင်တဲ့ shortcut တွေ၊ button တွေနဲ့အတူ system setting တွေကို ထိန်းချုပ်ဖို့ အတွက် သီးသန့် Apps တွေမလိုလောက်အောင်ပြည့်စုံလာခဲ့ကြပါတယ်။ 

ဒါပေမဲ့ စမတ်ဖုန်းအမှတ်တံဆိပ်တစ်ခုနဲ့တစ်ခုမတူညီတဲ့ ကိုယ်ပိုင် UI တွေအသုံးပြုထားတဲ့အတွက် အသုံးပြုသူတွေကြားထဲမှာ အကြိုက်တစ်မျိုးစီကွဲပြားနေမှာအသေအချာပါပဲ။ ဒီအခါမှာ ဖုန်းရဲ့ Home Screen မျက်နှာပြင်ပေါ်ကနေ shortcut သဖွယ် အလွယ်တကူခေါ်ယူအသုံးပြုနိုင်မယ့် floating tools လို သီးသန့် Apps လေးတွေ ထပ်မံထည့်သွင်းအသုံးပြုလာခဲ့ကြပါတယ်။ တချို့အသုံးပြုသူတွေက မျက်နှာပြင်ပေါ်မှာ နေရာပေးထားရတာကိုမနှစ်သက်တဲ့အတွက် floating tools နဲ့မကိုက်ညီဘူး ဆိုရင်တော့ အခုဖော်ပြပေးမယ့် Lazy Swipe လို့ခေါ်တဲ့ Apps လေးကတော့ အဆင်ပြေစေမှာဖြစ်ပါတယ်။

 ဒီ Apps ကိုအသုံးပြုဖို့အတွက် ဖုန်းရဲ့မျက်နှာပြင်ပေါ်မှာ ဘာမှနေရာပေးစရာ၊ အမှတ်အသားပြုလုပ် ထားစ ရာ မလိုအပ်သလို ဖုန်းရဲ့ system resource အသုံးပြုမှုကိုလည်း လျော့ချပေးထားတာတွေ့ရ မှာဖြစ်ပါ တယ်။ Apps ရဲ့နာမည်ကိုက Lazy Swipe လို့ဆိုထားပေမယ့် တစ်ခုခုကိုအလွယ်တကူ အသုံးပြုချင် တဲ့အခါ လျင်လျင်မြန်မြန်အသုံးပြုနိုင်စေတာကို တွေ့ရမှာဖြစ်ပါတယ်။ ဒီ Apps ကိုအသုံးပြုဖို့အတွက် ပေးထားတဲ့ Link [ http://bit.ly/2iAHWdo ]ကနေ ရယူပါ။ 

ဒါမှမဟုတ် Play Store မှာ Lazy Swipe လို့ရိုက်ထည့်ပြီး install ပြုလုပ်ပါ။ ပြီးရင် Apps ကိုဖွင့်လိုက်ပါ။ စစချင်း Welcome ပေါ်လာပြီး ဖုန်းရဲ့ဘယ်ဘက်သို့မဟုတ် ညာဘက်အောက်နားထောင့်ကနေ မျက်နှာပြင်ပေါ်ကို ဖိဆွဲကြည့်ဖို့ညွှန်ကြားပါလိမ့်မယ်။

အဲဒီလိုဖိဆွဲလိုက်ရင် မကြာသေးခင်ကကိုယ်အသုံးပြုခဲ့တဲ့ Apps တွေ၊ Settingတွေနဲ့ Toggle တွေကို အလျင်အမြန်ပြန်လည်ခေါ်ယူအသုံးပြုနိုင်စေဖို့ ပြုလုပ်ထားနိုင်မှာဖြစ်ပါတယ်။ Social apps တွေကနေ notifocation တက်လာတဲ့အခါ သတိပေးဖော်ပြနိုင်စေဖို့လည်း notification service ကို enable ပြုလုပ်ပေးရပါမယ်။ တစ်ဆက်တည်းမှာပေါ်လာတဲ့ Notification Access မှာ Lazy Swipe ကို အမှတ်ကလေးခြစ်ပေးကာ ရွေးချယ်ပေးထားရပါမယ်။ ပြီးရင် စတင်အသုံးပြုနိုင်ဖို့အတွက် Start ကိုဆက်နှိပ်ပေးပါ။ 

အခုဆိုရင် ဖုန်းရဲ့ညာဘက်/ ဘယ်ဘက်အောက်ထောင့်စွန်းနားလေးကို ဖိပြီးဆွဲတင်လိုက်တာနဲ့ ကိုယ်အသုံးပြုချင်တဲ့ လုပ်ဆောင်ချက်တွေ၊ Apps တွေနဲ့ Setting တွေကို ဘယ်မှဆက်သွားစရာမလိုဘဲ တိုက်ရိုက်ခေါ်ယူအသုံးပြုနိုင်မှာဖြစ်ပါတယ်။ Recent, Favorites, Toolbox  အစရှိတဲ့လုပ်ဆောင်ချက် (၃)ခုကိုလည်း တစ်ခုချင်းစီဆွဲလှည့်ပြီး ပြောင်းလဲအသုံးပြုနိုင်မှာဖြစ်ပါတယ်။ ခုဆိုရင် ဖုန်းရဲ့ Home Screen ပေါ်မှာ shortcut တွေ Page အပိုတွေအများကြီးထားစရာမလိုတော့ဘဲ အကျစ်လျစ်ဆုံး ရှင်းလင်းထားနိုင်ပြီဖြစ်ပါတယ်။

မင်းသုနောင်
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment