ဒီတစ်ပတ်တော့
စမတ်ဖုန်းနဲ့ ဂိမ်းဆော့တဲ့အခါ အနည်းငယ်လှုပ်လှုပ်ရှားရှားလေးဖြစ်စေမယ့် Action ဂိမ်းလေးတစ်ခုကိုဖော်ပြပေးချင်ပါတယ်။
ဒီဂိမ်းလေးကတော့ Action ဂိမ်းဆိုပေမယ့် အရမ်းကြီး အာရုံစူးစိုက်စရာမလိုဘဲ ပျော်ပျော်ရွှင်ရွှင်နဲ့ဆော့ကစားနိုင်မယ့်
Mini Ninia ဆိုတဲ့ ဂိမ်းလေးပါ။ အခမဲ့ဂိမ်းတစ်ခုဖြစ်တဲ့ ဒီဂိမ်းကို download ပြုလုပ်မယ်ဆိုရင်
အရွယ်အစားသိပ်မကြီးတာကြောင့် လျင် လျင်မြန်မြန်ရယူနိုင်ပါလိမ့်မယ်။ ဒီဂိမ်းကိုနာမည်ကြီး
အခမဲ့ဂိမ်းတွေဖြစ်တဲ့ Final Fantasy ($ 8.99), Chrono Trigger ($ 9.99) အစရှိ တဲ့ဂိမ်းတွေ
ရေးသားထုတ်လုပ်နေတဲ့ Square Enixlne က ရေးသားပေးထားတာ ဖြစ်ပါတယ်။ ဒီဂိမ်းမတိုင်ခင်
ထုတ်လုပ်ခဲ့တဲ့ Deadman’s Cross, Bloodmasque, Guardian Cross အစရှိတဲ့ Action RPG
အခမဲ့ဂိမ်းတွေဟာလည်း အလွန်ကိုလူကြိုက်များခဲ့ပါတယ်။ ဒါ့အပြင် ($ 16.99) တန်ဖိုးရှိတဲ့
Chaos နဲ့ $ 15.99 တန် Final Fantasy IV တို့ဟာလည်း
ဈေးအလွန်ကြီးပေမယ့် ရောင်းအားအကောင်းဆုံး ဂိမ်းတွေဖြစ်ခဲ့ပြီး Action ဂိမ်းနှစ်သက်သူတွေရဲ့
အသည်းစွဲဖြစ်ခဲ့ရပါတယ်။
Mini Ninjaရဲ့ဆော့ကစားရမယ့်ပုံစံကတော့
တခြား Ninja ဂိမ်းတွေလိုမျိုးမဟုတ်ဘဲ အနည်းငယ် ကွဲပြားပါတယ်။ ဂိမ်းထဲက Ninja လေးတွေကို
ပြင်ပက Ninja ဇာတ်လမ်းတွေထဲကလိုမျိုး လျင်မြန်မှုနဲ့ ကျွမ်းကျင်မှုရဲ့ အဓိကစွမ်းရည်တွေကိုအခြေခံထားပြီး
ရေးဆွဲထားတဲ့အတွက် ပိုမိုသဘာဝကျလာစေပါ တယ်။ လျင်မြန်တဲ့ ခြေလှမ်းလှမ်းပုံ၊ တိုက်ခိုက်ပုံ၊
ပုန်းကွယ်သွားလာပုံတွေနဲ့အတူ တကယ်ကိုချစ်စရာ အသွင်အပြင် မျိုးဖြစ်အောင်လည်း ပြင်ဆင်ထားပါတယ်။
တိုက်ခိုက်ရေးဂိမ်းတွေမှာ မြင်တွေ့နေကျ သွေးထွက်သံယို မြင်ကွင်း တွေ၊ ထိတ်လန့်ကြောက်ရွံ့ဖွယ်ပုံရိပ်တွေကို
ဒီဂိမ်းမှာအသုံးပြုထားခြင်း လုံးဝမရှိခဲ့ပါဘူး။
Hiro ဆိုတဲ့ Ninja လေးတစ်ယောက်ဟာ သူ့ရဲ့သူငယ်ချင်းတွေနဲ့အတူ
ထူးဆန်းတဲ့တော နက်ကြီးတွေ၊ နယ်မြေတွေမှာ ခုန်ပေါက် ပြေးလွှားသွားလာရင်းအခိုးခံရတဲ့ တန်ဖိုးကြီးရှေးဟောင်း ပစ္စည်းတွေကို
ပြန်လည်ရယူဖို့ ရှာဖွေတိုက်ခိုက် ရမှာဖြစ်ပါတယ်။ ဒီလိုတိုက်ခိုက်တဲ့နေရာမှာ စွမ်းအားမြင့်မားတဲ့
မိစ္ဆာဆာမူရိုင်းကြီးတွေနဲ့ ရင်ဆိုင်ရမှာဖြစ်သလို တစ်ခါတစ်ရံမြေလျှိုးမိုးပျံနိုင်တဲ့
ဆာမူရိုင်းတပ်တွေနဲ့လည်း တိုက်ခိုက်ရမှာဖြစ်ပါတယ်။ ဒီနေရာမှာ Mini Ninja လေးတွေမှာရှိတဲ့
Kuji စွမ်းအင်ကိုပိုမိုတိုးတက်အောင် ပြုလုပ်ရမှာဖြစ်ပြီး တောထဲမှာရှိတဲ့ တိရိစ္ဆာန်လေးတွေ
ကိုဖမ်းပြီးဖြစ်စေ၊ တိုက်ပွဲတွေမှာအနိုင်ရလို့ဖြစ်စေ ဒီစွမ်းအင်ကတိုးတက်လာမှာဖြစ်ပါတယ်။
တိုက်ပွဲမှာ တိုက်ခိုက်နေရင်း အဖမ်းခံထားရတဲ့ ကိုယ့်ရဲ့ Ninja သူငယ်ချင်းတွေကိုလွတ်မြောက်အောင်
ကယ်တင်ရမှာ ဖြစ်ပြီး ဒီလိုလွတ်မြောက်လာတဲ့အခါ Ninja လေး တွေမှာမတူညီတဲ့ ကိုယ်ပိုင်စွမ်းရည်
တစ်မျိုးစီပါရှိလာမှာ ဖြစ်ပါတယ်။ ရန်သူတွေကိုတိုက်ခိုက်တဲ့အခါ ဒီစွမ်းရည်တွေဟာ အလွန်အသုံးဝင်မှာဖြစ်ပြီး
တစ်မျိုးချင်းစီရဲ့ အသုံးဝင်ပုံကလည်း စိတ်ဝင်စားစရာကောင်းလှပါတယ်။ ဒါ့အပြင် တောထဲက
ဖမ်းယူရရှိလာတဲ့ ကြိုးကြာ၊ ပန်ဒါ ၀က်ဝံနဲ့ မြေခွေးအစရှိတဲ့ တိရိစ္ဆာန်တွေကိုလည်း လိုသလိုခိုင်းစေအသုံးချနိုင်မှာဖြစ်ပြီး
ဂိမ်းအတွက်များစွာ အထောက်အကူပြုစေမှာဖြစ်ပါတယ်။
Banruka
--------------------------------------------------------
ရသစုံလင် အနုပညာဖျော်ဖြေမှု
ကောက်ကြောင်းများကို Shape Entertainment မှာ ဖတ်ရှုလိုက်ပါ ...www.facebook.com/shapejournal
www.facebook.com/groups/weloveshape
0 comments:
Post a Comment