Plussized Woman Fashion








လူတစ်ယောက်ဖြစ်လာပြီဆိုကတည်းက သဘာဝကပေးအပ်ထားတဲ့ ရုပ်ရည်နဲ့ ခန္ဓာကိုယ်ကို ပိုင်ဆိုင် လာပြီးသားပါ။ အရပ်ရှည်တဲ့လူရှိသလို ပုတဲ့လူလည်းရှိမယ်၊ ပိန်တဲ့လူရှိသလို ၀တဲ့လူတွေလည်းရှိမယ်။ အဲဒီလူတွေရဲ့လိုအပ်ချက်တွေပေါ်လိုက်ပြီး ဖက်ရှင်ဆိုတာလည်း ရှိနေပြီးသားပါ။ ဖက်ရှင်ဆိုတာ ခန္ဓာကိုယ်သွယ်လျပြီး ပြီးပြည့်စုံနေတဲ့လူတွေအတွက်တင်မဟုတ်ပါဘူး။ ဒါဆို ခန္ဓာကိုယ် အရွယ်အစားကြီးမားတဲ့ အမျိုးသမီးတွေအနေနဲ့ကော…

ဒီလို ခန္ဓာကိုယ်အရွယ်အစားကြီးမားတဲ့ အမျိုးသမီးတွေအနေနဲ့ ဖက်ရှင်အတွက်ပြင်ဆင်ရာမှာ အနည်းငယ်ခက်ခဲတတ်ပေမယ့် တကယ်လို့ ကိုယ်နဲ့သင့်လျော်သွားတဲ့အခါမှာလည်း အများတကာနဲ့မတူဘဲ ထင်ရှားပေါ်လွင်နေတတ်ပါတယ်။ တကယ်လို့ ကိုယ်ဟာအရပ်ထောင်ထောင်မောင်းမောင်းနဲ့ ခန္ဓာကိုယ်အရွယ်အစားမညီမျှဖြစ်နေတယ်လို့ထင်ရင် အခုပြောပြမယ့် အချက်လေးတွေလေ့လာကြည့်ပါ။
ဦးစွာ ကိုယ့်ရဲ့စိတ်ဓာတ်ပိုင်းဆိုင်ရာနဲ့ စတင်လိုက်ပါ။ ကိုယ့်ကိုယ်ကိုယ်ယုံကြည်မှုရှိနေဖို့ပဲလိုအပ်ပါတယ်။ ယုံကြည်မှုဟာ ဘယ်သူ့အတွက်မဆို ဆွဲဆောင်မှုရှိစေတဲ့ လက်နက်တစ်မျိုးဖြစ်ပါတယ်။

တင်းကျပ်လွန်းတဲ့အ၀တ်အစားတွေ
ကိုယ့်ခန္ဓာကိုယ်နဲ့ မတော်တလျော်ဖြစ်နေတဲ့ တင်းကျပ်လွန်းတဲ့အ၀တ်အစားတွေ အထူးသဖြင့် Pencil Skirt ၊ ဂျင်းအကျပ်ဝတ်စုံတွေ ၀တ်ဆင်ခြင်းရှောင်ပါ။ တကယ်လို့ ၀တ်ဆင်မယ်ဆိုရင် ဆွဲသားလိုအ၀တ်အစားမျိုး ရွေးချယ်ပါ။

အရွယ်အစားကြီးလွန်းတဲ့အ၀တ်အစားတွေ
ကိုယ့်ခန္ဓာကိုယ်အရွယ်အစားထက်ကြီးမားတဲ့ ၀တ်စုံတွေဟာလည်း မှားယွင်းတဲ့ဝတ်စား ဆင်ယင် မှုတွေဖြစ်ပါတယ်။ ကိုယ့်ခန္ဓာကိုယ်အရွယ်အစားကို ဖုံးကွယ်ပေးထားနိုင်မယ့်အစား ပိုပြီးကြီးမားသွားစေပါတယ်။

မိတ်ကပ်၊ ဆံပင်ပြင်ဆင်မှုကလည်း အရေးကြီးပါတယ်
ခန္ဓာကိုယ်အလှကို အထောက်အပံ့ပေးနိုင်ဖို့အတွက် ဆံသားကနေစပြီး ပြင်ဆင်ပါ။ တက်ကျွမ်းနားလည်သူနဲ့ ကိုယ့်ရဲ့ဆံကေသာအနေအထားကို ပြင်ဆင်ပါ။ ခန္ဓာကိုယ်ထက် မျက်နှာအလှကို ပိုပြီးသတိထားမိစေဖို့အတွက် မျက်ဝန်း၊ ပါးရိုး၊ နှုတ်ခမ်းအလှတို့ကို အသားပေးပြီးချယ်မှုန်းပါ။

အနက်ရောင်ရွေးချယ်ပါ
အရောင်ရင့်တွေဟာ ခန္ဓာကိုယ်ကို သေးသွယ်သွားနိုင်စွမ်းရှိကြပါတယ်။ အနက်ရောင်တစ်မျိုးတည်း ၀တ်ဆင်စရာမလိုပါဘူး။ တခြားပန်းရင့်ရောင်၊ ခရမ်းရောင်၊ အစိမ်းရင့်ရောင်တို့နဲ့ တွဲဖက်ဝတ်ဆင်ပါ။ အရောင်နုကို နှစ်သက်သူများအနေနဲ့ ခန္ဓာကိုယ်ရဲ့ဆွဲဆောင်မှုအရှိဆုံးအစိတ်အပိုင်းလို့ထင်ရတဲ့နေရာမှာ တွဲဖက်ဝတ်ဆင်ပါ။ အရောင်ရင့်တွေကတော့ မညီညာ၊ မပြေပြစ်မှုတွေကို ဖုံးကွယ်ပေးထားနိုင်ပြီး ခါးကိုသေးသွယ်စေပါတယ်။

ကြီးမားလှတဲ့ အပွင့်အခက်တွေရှောင်ပါ
အ၀တ်အစားအဆင် ဒီဇိုင်းရွေးချယ်ရာမှာ ဒီလိုအမျိုးသမီးတွေအနေနဲ့ ကြီးမားလှတဲ့ အပွင့်အခက်တွေ၊ အစင်းကြားတွေ ရှောင်ရှားပါ။ ခန္ဓာကိုယ်ကို ပုံပျက်စေပါတယ်။

သားမွေးဝတ်စုံ
သားမွေးဝတ်စုံတွေကတော့ ခန္ဓာကိုယ်ကြီးမားလှတဲ့ အမျိုးသမီးတွေအနေနဲ့ အထူးရှောင်ရှားသင့်တဲ့ အ၀တ်အစားဖြစ်ပါတယ်။ ကိုယ့်ခန္ဓာကိုယ်ကို (၂)ဆတိုးစေပြီး ကြည့်ရဆိုးစေပါတယ်။

အဆင်တန်ဆာရွေးချယ်ရာဝယ်
အဆင်တန်ဆာတွေက ခန္ဓာကိုယ်အရွယ်အစားကြီးမားတဲ့ အမျိုးသမီးတွေအနေနဲ့ အထူးလိုအပ်လှပါတယ်။ ကိုယ်အလှပဆုံးလို့ထင်တဲ့နေရာ လက်၊ ခြေထောက်၊ ခါး၊ လည်ပင်းတစ်ဝိုက် သင့်လျော်သလိုဆင်မြန်းနိုင်ပါတယ်။ ဦးထုတ်၊ ပုဝါ အစရှိတာတွေကတော့ ဒီလိုအမျိုးသမီတွေ မရှိမဖြစ်သုံးဆောင်သင့်တဲ့ Accessories တွေဖြစ်ပါတယ်။

အ၀တ်အစားရွေးချယ်ရာမှာ
ခန္ဓာကိုယ်အပေါ်ပိုင်းတစ်ဝက်ခန့်သာဖုံးပေးထားတဲ့ ဂျာကင်၊ ဂျင်းဝတ်စုံမျိုးရှောင်ပါ။ ၄င်းတို့က ခါးနဲ့တင်ပါးတို့ကို ပိုပြီးသတိထားမိစေပါတယ်။ ပေါင်တစ်ဝက်သာသာရှိတဲ့ စကတ်တိုတွေထက် ဒူးခေါင်းအပေါ်သာသာရှိတဲ့ စကတ်တိုတွေက ခန္ဓာကိုယ်အရွယ်အစားကို ချိန်ညှိပေးပါလိမ့်မယ်။
ဝဿန်


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment