ပျိုးခင်းကတက်လာတာ အခုဆို၂ နှစ်ရှိသွားပြီ။..................ရတနာဗို








၂နှစ်တာကာလအတွင်းမှာတော့ ကိုယ်လုပ်ချင်တဲ့ကာရိုက်တာမျိုးလေးတွေ သိပ်မ လုပ်ရသေးတဲ့အတွက် အားရ ကျေနပ်မှုတော့ သိပ်မရှိသေးပါဘူး…
ရတနာဗို

လူမင်းနဲ့စကေးကြမ်းတယ်ဆိုတဲ့ ကားလေးရိုက်ထားပါတယ်…
လက်ရှိအန်ကယ်လေးကိုလူမင်းနဲ့ စကေးကြမ်းတယ်ဆိုတဲ့ ကားလေးရိုက်ထားပါတယ်။ ကားကြီး အနေနဲ့ကတော့ ရှေ့သွားနောက်လိုက်ဆိုတဲ့ ကားရိုက်ထားတယ်။ ဒါပြီးသွားရင်တော့ မန္တလေးမှာ Media 7 နဲ့ ဇာတ်လမ်းတွဲရိုက်ဖို့ရှိပါတယ်။ ဒါရိုက်တာ ကိုသားညီပေါ့။ ဇာတ်လမ်းတွဲမှာ ကိုဟိန်းဝေယံ၊ ကိုထွန်းကိုကို၊ ဇွန်သံစဉ်တို့ပါမယ်။ ညီမတို့အဖွဲ့သားတွေပါပဲ။ အများကြီးပဲ။ ကာရိုက်တာက ဘယ်လိုလဲဆိုတော့ မန္တလေးသူ၊ သူဌေးသမီးပေါ့။ ရတနာပုံတက္ကသိုလ်မှာ ကျောင်းတတ်ကြတယ်။ ကျောင်းသူကျောင်းသားတွေစုံတယ်။ အဲဒီ လိုလေးပါပဲ။ ဇာတ်လမ်းတွဲက ပထမဆုံးပဲ၊ အခုမှစရိုက်ကြည့်မှာ။ ဇာတ်လမ်းတွဲအားပေးတဲ့ ပရိသတ်ကလည်း သီးသန့်ရှိတော့ ပရိသတ်တွေကလည်းရိုက်ဖို့ပြောတာနဲ့ ကိုယ့်ကိုလည်းလာကမ်းလှမ်းတာနဲ့ ဇာတ်ကလည်း ဒရာမာဆန်ဆန်လေးဆိုတော့ လက်ခံဖြစ်သွားတာပါ။

မန္တလေးသူဖြစ်တော့ အဓိကတော့ ကာရိုက်တာနဲ့ လိုက်ဖက်မယ့်ဝတ်စားပြင်ဆင်မှုပေါ့…
ဇာတ်လမ်းတွဲဆိုတော့ တီဗွီလိုင်းမှာတချိန်လုံးထုတ်လွှင့်နေမှာမို့ ဖက်ရှင်ပိုင်းလေးတွေရော၊ ကိုယ်က လည်း မန္တလေးသူဖြစ်တော့ အဓိကတော့ ကာရိုက်တာနဲ့လိုက်ဖက်မယ့် ၀တ်စားပြင်ဆင်မှုပေါ့။ အဲဒါလေးတော့ ကြိုတင်ပြင်ဆင်ထားပါတယ်။ အဓိက ဇာတ်ကားမရိုက်ခင်မှာ ဇာတ်ကားအတွက် ကာရိုက် တာနဲ့ ဇာတ်ညွှန်း ပေးတယ်။ ကိုယ်ကလည်းကြိုတင်ပြီးဖတ်ထားတယ်။ ပြီးတော့ လိုအပ်မယ်ထင် တာလေးတွေပြင်ဆင်ထား တယ်။ ရိုက်ကွင်းမှာလည်း ဒီကာရိုက်တာနဲ့ပဲ ပတ်သက်ပြီး စိတ်သွင်းတယ်။ စီးမျောသွားတယ်။ 
တခါတလေ ကျရင်ဟိုဘက်ကားမပြီးတော့ ဟိုဘက်ကားကို မနက်ပိုင်းရိုက်ပေးရတဲ့ ရအခါမျိုးတွေ ရှိတယ်။ အဲဒီလိုမျိုးဆိုရင် တော့ အဓိကကိုယ်ပါဝင်ရမယ့်နေရာမှာ ဇာတ်ကောင်စရိုက်စီးမျောအောင် သေသေ ချာချာအာရုံစိုက်ပြီး လုပ်ဖြစ်ပါတယ်။အခုရိုက်မယ့်ဇာတ်လမ်းတွဲမှာက ရိုးရိုးလူငယ် ပေါ့ပေါ့ပါးပါးပဲဆိုတော့ ကျောင်းသူတစ်ယောက်ဖြစ်တဲ့အတွက် အ၀တ်အစားပိုင်းမှာ လုံလုံခြုံခြုံမြန်မာဆန်ဆန်ဝတ်ရတယ်။ ဇာတ်ရှိန်မြင့်လာတဲ့အခါမှတော့ ဒရာမာပိုင်းလေး တွေသေချာကြိုးစားပြင်ဆင်ပြီးတော့ လုပ်သွားမယ် လို့စိတ်ကူးထားပါတယ်ရှင့်။

ပျိုးခင်းကတက်လာတာ အခုဆို၂ နှစ်ရှိသွားပြီ။ ၂ နှစ် အတွင်းမှာ ကိုယ့်ဆရာ၅ယောက်က အလေးစားဆုံးနဲ့ အရိုက်ချင်ဆုံးပေါ့…
ညီမ ပျိုးခင်းကတက်လာတာ အခုဆို၂ နှစ်ရှိသွားပြီ။ ၂ နှစ်အတွင်းမှာ ကိုယ့်ဆရာ ၅ ယောက်က အလေးစားဆုံးနဲ့ အရိုက်ချင်ဆုံးပေါ့။ ဆရာတွေနဲ့လည်းရိုက်ဖြစ်တယ်။ အပြင်ကအနုပညာ အစ်ကို အစ်မတွေနဲ့ လည်းရိုက်ဖြစ်တယ်။ ပြီးတော့ ကိုယ်တကယ်လေးစားရတဲ့ စီနီယာတွေနဲ့လည်းရိုက်ဖြစ်ပါတယ်။ ဆုံတဲ့လူနဲ့ လည်းဆုံတယ်။ မဆုံတဲ့လူနဲ့လည်းမဆုံသေးပါဘူး။ ဒါပေမဲ့ ၂နှစ်တာကာလအတွင်းမှာတော့ ကိုယ်လုပ်ချင်တဲ့ ကာရိုက်တာမျိုးလေးတွေ သိပ်မလုပ်ရသေးတဲ့အတွက်အားရကျေနပ်မှုတော့ သိပ်မရှိသေးပါဘူး။

ညီမတို့က စာချုပ်နဲ့ဆိုတော့ ဇာတ်ကားတစ်ခုရရင် ဆရာတွေက ဒါဆိုရတနာဗိုနဲ့လိုက်တယ်၊ ဒါဆိုဘယ်သူနဲ့ လိုက်တယ်ဆိုပြီး ဆရာတွေက ရွေးပေးတာ
ညီမတို့ကစာချုပ်နဲ့ဆိုတော့ ဇာတ်ကားတစ်ခုရရင် ဆရာတွေက ဒါဆိုရတနာဗိုနဲ့လိုက်တယ်၊ ဒါဆို ဘယ်သူနဲ့လိုက်တယ်ဆိုပြီး ဆရာတွေကရွေးပေးတာဖြစ်တဲ့အတွက် ဆရာတွေရဲ့သင်ကြားမှုအောက်မှာ၊ ဆုံးမမှု အောက်မှာနေရတာဖြစ်တဲ့အတွက် ဆရာတွေကတွဲပေးတာလေးတွေပဲရိုက်ဖြစ်သေးတယ်။ အခုနောက်ပိုင်း ဒရာမာလေးတွေတော့ပိုရိုက်ဖြစ်လာတယ်။ အန်ကယ်လေးနဲပိုရိုက်ဖြစ်တယ်။ အန်ကယ်လေးနဲ့ပိုရိုက်ဖြစ်တာ ဒီလိုသားအဖဇာတ်တွေ တော်တော်များများရိုက်ဖြစ်တယ်။ အဲဒီလိုရိုက်ခွင့်ရတဲ့အတွက် ညီမအနေနဲ့ပျော်ပါ တယ်။

သဘောအကျဆုံးဆိုရင်တော့ မထွန်းအိန္ဒြဗိုလ်။ သူ့ကို acting ပိုင်းနဲ့ပတ်သက်ပြီး သဘောကျတယ်။ မအူဝဲတို့၊ မကစ်၊ မဖွေးတို့ သူတို့ acting တွေလည်းသဘောကျတယ်…
အခု ညီမတို့လောကမှာတော့ ထိပ်ပိုင်းရောက်နေတဲ့လူတွေက တကယ်ကိုအရည်အချင်းရှိပြီး တကယ်ကိုကြိုးစားကြလို့ ရောက်နေတာပေါ့နော်။ သူတို့ရဲ့ဇာတ်ကားတွေ ညီမလေ့လာပါတယ်။ ကြည့်ပါတယ်။ သူတို့တွေမှာ ကောင်းတဲ့အချက်လေးတွေအများကြီးတွေ့ရပါတယ်။ သူတို့အလုပ်ပေါ်မှာ အာရုံစိုက်တာတွေ၊ သူတို့ဘယ်လိုလေ့လာတယ်ဆိုတာလေးတွေ ကြုံရင်ကြုံသလိုသင်ပေးတယ်။ ကိုယ်တွေကလည်း သင်ယူနေပါ တယ်။ သဘောအကျဆုံးဆိုရင်တော့ မထွန်းအိန္ဒြာဗိုလ်။ သူ့ကို acting ပိုင်းနဲ့ပတ်သက်ပြီး သဘောကျတယ်။ ပြီးတော့ မအူဝဲတို့၊ မကစ်၊ မဖွေးတို့ သူတို့ acting တွေလည်း သဘောကျတယ်။

စလုပ်တုန်းက နယ်ကတက်လာတဲ့လူဆိုတော့  သရုပ်ဆောင်ပြိုင်ပွဲတွေဝင်ပြိုင်တယ်။ ထုတ်လုပ်ရေးတွေက ရွေး ရင်သွားပြိုင်တယ်။ အရွေးခံရတာတွေရှိသလို မလုပ်ပေးတာတွေလည်း အမျိုးမျိုးကြုံခဲ့ရတယ်…
ညီမတို့က စလုပ်တုန်းကနယ်ကတက်လာတဲ့လူဆိုတော့ အဆက်အသွယ်လည်းမရှိဘူး။ မြေတောင် မြှောက်ပေးမယ့် လူလည်းမရှိဘူး။ သရုပ်ဆောင်ပြိုင်ပွဲတွေဝင်ပြိုင်တယ်။ ထုတ်လုပ်ရေးတွေကရွေးရင် သွားပြိုင် တယ်။ အရွေးခံရတာတွေရှိသလို လုပ်ပေးတာတွေရှိတယ်။ မလုပ်ပေးတာတွေလည်း အမျိုးမျိုးကြုံခဲ့ရတယ်။  ကိုယ်ကဒီလမ်းကြောင်းကိုလျှောက်မယ်ဆိုပြီး ဒီလမ်းကြောင်းကို ၀ါသနာပါလို့ရွေးချယ်ခဲ့တာ။  အဓိကတော့ ကိုယ်ဖြစ်ချင်တာ၊ ၀ါသနာပါတာကို လုပ်ခွင့်ရသွားတယ်။  အရမ်းအကြီးအကျယ်ကြီး နာမည်ကြီးဖို့တော့ မဟုတ်ပါဘူး။ ကိုယ်လုပ်တဲ့အလုပ်ကို အောင်မြင်မှုအများကြီးရချင်တာ။

၂၀၁၇ ကစပြီးပရိသတ်ကြီး အားလုံးအလုပ်အကိုင်တွေ အားလုံးအဆင်ပြေပါစေ။ ဖြစ်ချင်တဲ့ဘ၀နဲ့ ဆန္ဒတစ်ထပ် တည်းကျပါစေ…
၂၀၁၇ ကစပြီး ပရိသတ်ကြီးအားလုံး အလုပ်အကိုင်တွေအားလုံးအဆင်ပြေပါစေ။ ဒီထက်မကလည်း ဖြစ်ချင်တဲ့ဘ၀နဲ့ဆန္ဒတစ်ထပ်တည်းကျပါစေ။ ညီမလည်း ၂၀၁၇ ကစပြီး ပရိသတ်တွေလိုချင်တဲ့ သရုပ်ဆောင် ကောင်းတစ်ယောက်ဖြစ်အောင် အများကြီးကြိုးစားသွားပါ့မယ်။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment