“လိင်စိတ်ဖြေခြင်းအကြောင်း”








ပထမဆုံးပြောလိုတာက ဒါဟာ ရှက်စရာ မလိုဘူးဆိုတာပါပဲ။ ၂၀၀၇ ခုနှစ်က ယူကေမှာ လုပ်ထားတဲ့ စစ် တမ်းတစ်ခုအရ အမျိုးသားတွေရဲ့ ၉၅ ရာခိုင်နှုန်းနဲ့ အမျိုးသမီးတွေရဲ့ ၇၁ ရာခိုင်နှုန်းဟာ သူတို့ဘ၀မှာ တစ်ခါတော့ လိင်စိတ်ဖြေဖူးတယ် ဆိုတာ ကို တွေ့ရတယ်။ နောက်ပြီး လိင်ဆက်ဆံဖက်ရှိနေသူ အိမ်ထောင် သည်တွေတောင်မှ ဒီလိုလုပ်တာမျိုးရှိတယ်။ ဒါကြောင့်မို့ ဒီကိစ္စဟာ အရွယ်ရောက်လာသူတစ်ယောက် အတွက် ပုံမှန်ပဲဆိုတာလေး ညေးတို့ကို အရင်ဆုံးသိစေချင်ပါတယ်။ ဘာလို့ဒါကို စပြောရတာလဲဆိုတော့ ဆယ်ကျော်သက်ဘ၀မှာ ဒီလိုလုပ်ပြီး သွားတိုင်း အပြစ်တစ်ခုကျူးလွန်သလို၊ ယုတ်ညံ့တဲ့ လုပ်ရပ်တစ်ခုကို လုပ်မိလိုက်သလို ခံစားရတတ်တာကြောင့်ပါ။
လူပျိုဖော်ဝင်လာပြီဆိုရင် လိင်နဲ့ပတ်သက်တဲ့ စိတ်ဆန္ဒတွေ ဖြစ်လာမယ်။ အပြာကားတွေ ကြည့်ချင် လာ မယ်၊ ကြည့်တတ်လာမယ်။ တစ်ဖက်မှာလည်း အိမ်က မလွတ်လပ်တာ ရှိမယ်၊ ဒါမှမဟုတ် အဖေ အမေက တအား ကို တင်းကြပ်လာတာတွေ ရှိနိုင်တယ်။ ဒါဟာ သဘာဝပဲဆိုပေမယ့် ညေးတို့ကို ကလေးလိုပဲ မြင်နေ သေးတဲ့ မိဘတွေကတော့ ဒါကို လက်ခံဖို့ရာ ခက်ခဲတယ်။ မိဘတွေနဲ့ ဆွေးနွေးပွဲလေးတစ်ခုလုပ်တော့ အမေ တစ်ယောက် က ဘာပြောလဲဆိုရင် “ကျွန်မ သားရဲ့ဖုန်းထဲမှာ အဲဒီကားတွေတွေ့တော့ ကျွန်မလေ တအားကို ငိုချင်သွားတယ်၊ သြော် င့ါသားဟာ ဒီအရွယ်တောင် ရောက်နေပြီလား ဆိုပြီးတော့လေ” တဲ့။ ဒါဟာ မိဘတိုင်း မှာဖြစ်တတ်ကြတဲ့ စိတ်ခံစားချက်လေးတွေပေါ့။ ဒီအခါ မိဘတွေက အသိပညာပေး ပွင့်ပွင့်လင်းလင်း ဆွေးနွေး ရမယ့်အစား ညေး တို့ကိုကြောက်အောင် ပြောတာတွေရှိလာမယ်။ ဟဲ့ အဲ့လိုတွေ လုပ်တာ ကျန်းမာရေး ထိခိုက် မယ် ဘာညာပေါ့။ ဒီအခါ ညေးတို့မှာ ဒါနဲ့ပတ်သက်တဲ့ ဗဟုသုတတွေ မရှိတော့ဘူး။ အပေါင်းအသင်းက ပြောတာလောက်ပဲ သိမယ်။ ဒါကြောင့် လိင်စိတ်ဖြေခြင်းနဲ့ပတ်သက်ပြီး ညေးတို့သိထားသင့်တာလေးတွေကို ဒီဆောင်းပါးလေးကတစ်ဆင့် ပြောပြလိုတယ်။
၁။ ကျန်းမာရေး ထိခိုက်နိုင်သလား
လိင်စိတ်ဖြေလို့ရှိရင် ကြီးလာတဲ့အခါ ကလေးမရနိုင်တော့ဘူး၊ မြုံသွားမယ်၊ လိင်အင်္ဂါ သေးသွားမယ် စ သဖြင့် ထင်နေကြတာရှိပါတယ်။ တကယ်တော့ သိပ္ပံနည်းကျတွေ့ရှိချက်တွေအရ လိင်စိတ်ဖြေခြင်းကြောင့် ကျန်း မာရေး အကျိုးကျေးဇူးတွေ အများကြီးရနိုင်တယ်။ စိတ်ဖိစီးမှုကို လျော့စေတယ်။ ကောင်းကောင်း အိပ် ပျော်စေတယ် (ဒါကြောင့် ညဘက်လုပ်ပြီး အိပ်လိုက်ရင် မနက်ကျ အိပ်ရာထနောက်ကျတယ်လေ ဟုတ်တယ် ဟုတ်)။ ကိုယ့်ကိုယ် ကိုယ် ကျေနပ်မှုကိုရစေတယ်။ ကြွက်သားတွေ တင်းနေတာကို ဖြေလျော့စေတယ်။ အဓိက ကတော့ လိင်မှုဆန္ဒပြည့် ၀ပြီး ပျော်ရွှင်တဲ့အနေအထားကို ပိုင်ဆိုင်ရတယ်။ ဒီလို ကျန်းမာရေးအကျိုးကျေးဇူးတွေ ရှိနိုင်တယ်။ နောက်ပြီး ယောကျာ်းတွေမှာတွေ့ရတတ်တဲ့ ဆီးကြိတ်ကင်ဆာဆိုလည်း သုက်ရည်ထွက်ခြင်း (Ejaculation) နဲ့ ဆက်စပ်နေ တယ်လို့ဆိုတယ်။ ဘာကြောင့်ဆိုတာ တိတိကျကျ မပြောနိုင်သေးပေမယ့်လို့ သုက်ရည်ထွက်တဲ့အကြိမ် များတဲ့ သူတွေမှာ ဆီးကြိတ်ကင်ဆာဖြစ်နှုန်းက နည်းသွားတယ်လို့ သိရပါတယ်။ ဒါကြောင့် ကျန်းမာရေးထိခိုက် တယ် ဆိုတာထက် ရတဲ့အကျိုးက ပိုများတယ်လို့ပဲ ဆိုရမှာပါ။
၂။ ဘယ်နှကြိမ်ကို များတယ်လို့ ခေါ်တာလဲ
ကျန်းမာရေးအတွက် ကောင်းတယ်ဆိုတိုင်း အပြေးလေ့ကျင့်သလို အမြဲလုပ်နေသင့်လားဆိုတော့ ဒီလိုတော့ လည်း မဟုတ်သေးဘူး။ ဒါဖြင့် ဘယ်နှကြိမ်လောက်ထိလုပ်သင့်လဲ ဆိုတော့လည်း တိတိကျကျ ပြောလို့မရပြန်ဘူး။ တချို့ တစ်ပတ်တစ်ခါ၊ တချို့ တစ်ပတ် နှစ်ခါ သုံးခါ၊ တချို့ဆို တစ်နေ့တစ်ခါလောက် အထိ စသဖြင့် တစ်ယောက် နဲ့တစ်ယောက်ရဲ့ ခန္ဓာကိုယ်အနေအထား၊ လိင်စိတ်ဆန္ဒပြင်းပြမှု၊ အခြေအနေပေးမှု စတာတွေပေါ်မူတည်ပြီး ကွာခြားနိုင်တယ်။ ဒါပေမယ့် ဒီလိုလိင်စိတ်ဖြေတာကိုပဲ စိတ်က စွဲလမ်းနေမယ်၊ နေ့နေ့ညည ဒါကိုပဲ စိတ်ရောက်နေ မယ်၊ ပညာရေးမှာ ထိခိုက်လာပြီ၊ အာရုံစူးစိုက်မှုနည်းလာပြီ၊ လူရှိနေတာ တောင် ကြိတ်ပြီးလုပ်နေတဲ့အဆင့်မျိုးထိ ဖြစ်လာပြီဆိုရင်တော့ မကောင်းဘူးလို့ဆိုရမှာ ဖြစ်ပါတယ်။ ဒါဆို ဆရာဝန်တစ်ယောက်ယောက်နဲ့ ဆွေးနွေးကြည့် တာမျိုး လုပ်သင့်သလို၊ သူငယ်ချင်းတွေနဲ့ အပြင်ထွက်တာ၊ အိမ်တွင်းပုန်းမနေဘဲ အပေါင်းအသင်းနဲ့နေတာ၊ မိသားစုနဲ့အချိန်ကုန်ဆုံးတာ စတဲ့အာရုံပြောင်းမှုတွေလည်း လုပ်နိုင်ပါတယ်။
၃။ သတိထားသင့်တဲ့ အချက်များ
(က) မြန်မြန်မလုပ်နဲ့။
အစ်ကို ဟိုးတစ်လောက သုက်လွှတ်မြန်ခြင်းအကြောင်း ဆောင်းပါးရေးခဲ့တယ်။ မထင်မှတ်ထား လောက်အောင် အဲဒီဆောင်းပါးက လူဖတ်များသွားခဲ့တာကို သတိထားမိတယ်။ ဆိုလိုတာက ဒီပြဿနာဟာ အရွယ်ရောက်ပြီး ယောကျာ်းတွေမှာ ရှိသင့်သလောက် ရှိနေတယ်ဆိုတာပဲ။ အဲဒီလို သုက်လွှတ်မြန်ရခြင်း အကြောင်းရင်းတွေထဲမှာ ဆယ်ကျော်သက်ဘ၀က လိင်စိတ်ဖြေတော့ လူမိမှာစိုးလို့ ခပ်မြန်မြန်တွန်းပြီး လုပ်တာ၊ ပြီးသွားဖို့အဓိက သဘောနဲ့ လုပ်တာတွေကလည်း အကြောင်းတစ်ခုအနေနဲ့ ပါဝင်ပါတယ်။ ဒါက ချုပ်ချယ်တတ်တဲ့ မိဘတွေရဲ့ သားတွေဆို ပိုဖြစ်နိုင်တယ်။ ဒါကြောင့်မို့ ဒီလိုမျိုး အမေမိမှာ အဖေမိမှာစိုးလို့ ခပ်သွက်သွက် လိင်စိတ်ဖြေတဲ့ အလေ့အထဟာ မကောင်းတဲ့အကျင့်တစ်ခု ဖြစ်တယ်၊ နောင် အသက်အရွယ် ရလာတဲ့အခါမှာ လိင်မှုဆိုင်ရာပြဿနာတွေ ပေးနိုင်တယ်ဆိုတာကို သိစေချင်ပါတယ်။
(ခ) သန့်ရှင်းရေး ဂရုစိုက်ပါ။
– မလုပ်ခင်မှာ လက်ကို သေချာဆေးပါ။ ဘာလို့ဆိုတော့ ဒီလိုလုပ်ရင် လိင်တံမှာ မျက်စိနဲ့ မမြင်နိုင်တဲ့ ပွန်းပဲ့မှုလေးတွေ ဖြစ်သွားနိုင်တာမို့ လက်ဆေးထားတာ အကောင်းဆုံးပါ။
– လိင်တံအရေပြား မဖြတ်ထားသူတွေက များသောအားဖြင့် လိင်တံကိုပဲကိုင်ပြီး စိတ်ဖြေကြတယ်။ လိင်တံထိပ်က Glans penis လို့ခေါ်တဲ့ အရေပြားနုနုကို လက်နဲ့ထိတာ နည်းပါတယ်။ ဒါကြောင့်မို့ ချောဆီတခုခုသုံးဖို့ လိုချင်မှလိုမယ်။ အဲဒီလိင်တံထိပ်နုနုကို ထိချင်တယ်ဆိုရင်တော့ ချောဆီသုံးပါ။ ဖြတ်ထားရင်တော့ တိုက်ရိုက်ထိနိုင်တာမို့ ချောဆီတခုခုသုံးတာ ပိုကောင်းပါတယ်။
– တကယ်လို့  ပြီးဆုံးသွားရင် သန့်ရှင်းရေး သေချာလုပ်ပါ။ အထူးသဖြင့် လိင်တံအရေပြား ဖြတ်မထားရင် ပိုလုပ်သင့်ပါတယ်။ မဟုတ်ရင် အဲဒီအရေပြားအောက်မှာ အညစ်အကြေးတွေစုနေပြီး ကြာလာတဲ့အခါ အနံ့အသက် မကောင်းတာမျိုး ဖြစ်နိုင်တယ်။ ဒီအရေပြားကို ဖြတ်သင့် မဖြတ်သင့် ပညာရှင်တွေကြားထဲတောင် ငြင်းခုန်နေကြဆဲမို့ မဖြတ်လည်း ရပါတယ်။ ဒါပေမယ့် သန့်ရှင်းရေးတော့ ဂရုစိုက်ဖို့လိုပါမယ်။
(ဂ) Sex toy တွေများ သုံးမယ်ဆို ဝေမျှမသုံးပါနဲ့
ဒါကတော့ ခုခေတ်အတွက်ပေါ့လေ။ ဆီလီကွန်အရုပ်တွေ ရှိလာတဲ့အခါ ဒါတွေကိုများ သုံးမယ်ဆို ဘယ်တော့မှ ဝေမျှမသုံးပါနဲ့။ ပြီးတော့ သုံးပြီးတိုင်းမှာလည်း အဲဒါကို သန့်ရှင်းရေး သေချာလုပ်ပါ။
၎။ တစ်ယောက်ကို တစ်ယောက် အာသာဖြေပေးတာ
တကယ်တော့ လိင်စိတ်ဖြေတယ်ဆိုတာ စိတ်အချရဆုံးနည်းတစ်ခု ဖြစ်ပါတယ်။ ကိုယ်ဝန်လည်း မရဘူး။ ရောဂါလည်း မကူးစက်ဘူး။ ဒီနည်းက တစ်ယောက်တည်းလုပ်လို့ရသလို၊ ညေးတို့ ကိုယ့် ကောင်မလေးနဲ့လည်း တစ်ယောက်ကို တစ်ယောက် အပြန်အလှန်လုပ်ပေးလို့ ရတယ်။ (အဲဒီလိုမဟုတ်ဘဲ တစ်ယောက်ကိုတစ်ယောက် ကြည့်ပြီး ကိုယ့်ဘာသာကိုယ် လုပ်တာမျိုးလည်း ရှိသေးတယ်) ဒီနည်းက မတော်တဆ အပြင်တွေသွားရင်း အကြောင်းကဖန်လာပြီး တအားကိုချစ်စိတ်တွေ မွှန်ထူလာတဲ့အခါ အသုံး ၀င်တယ်။ ထိုးသွင်းဆက်ဆံမှုမရှိလို့ ကိုယ်ဝန်ရမှာလည်း စိုးရိမ်စရာမလိုဘူး။ ညေးတို့ကောင်မလေးတွေလည်း အရေးပေါ်ဆေး သောက်စရာမလိုတော့ဘူးပေါ့။ ညေးတို့ကိုယ်တိုင်လည်း တခုခုများ ဖြစ်သွားမလား စိုးရိမ် မနေရတော့ဘူး၊ ဘယ်လောက်ကောင်းလဲ။
အဲဒီလိုလုပ်တဲ့အခါ တစ်ခုလေး သတိထားစေလိုတာကတော့ ကိုယ်ဝန်ရဖို့ဟာ ထိုးသွင်းဆက်ဆံမှ မဟုတ်ဘဲ၊ ညေးတို့ရဲ့ သုတ်ရည်ကကောင်မလေးရဲ့ မိန်းမကိုယ်ထဲ ၀င်သွားရင်ကို ရနိုင်တယ်ဆိုတာပဲ။ တချို့ညေးတွေက ကိုယ့်ဟာကိုယ် လက်နဲ့စိတ်ဖြေတယ်၊ သုက်ရည်က လက်မှာပေကုန်တယ်၊ ပြီးတော့ အဲဒီလက်နဲ့ပဲ မိန်းကလေးကို စိတ်ဖြေပေးတာမျိုးတွေလုပ်တယ်။ အဲဒါကတော့ နည်းနည်းလေး စိတ်ပူစရာ ရှိတယ်။ ဒါကြောင့်မို့ သုတ်ရည်ဝင်ရင်ကို (ဘယ်နည်းနဲ့ဝင်ဝင်) ကိုယ်ဝန်ရနိုင်ချေရှိတယ် ဆိုတာလေးကို သိစေချင်ပါတယ်။
ခုပြောခဲ့တာတွေကတော့ လူပျိုဖော်ဝင်လာပြီဆိုရင် မလွဲမသွေ ကြုံလာရတဲ့ အပြောင်းအလဲ တစ်ခု အကြောင်း ဖြစ်ပါတယ်။ ဒါတွေကို ဘယ်မိဘ၊ ဘယ်အုပ်ထိန်းသူကမှ မပြောဖြစ်ကြပါဘူး။ တချို့လည်း သိသာ သိစေ မမြင်စေနဲ့ သဘောထားထားကြတယ်။ တချို့ကတော့လည်း ဒါကို ပညာရေးထိခိုက်မှာစိုးလို့ ပိတ်ပင် ကြတယ်။ ဘယ်လိုပဲဖြစ်ဖြစ် ညေးတို့သိထားရမှာကတော့ ဒီလိုလုပ်တာဟာ ပုံမှန်ပဲ ဆိုတာရယ်၊ ကိုယ့်ရဲ့ ပညာ ရေး၊ အလုပ်အကိုင်နဲ့ လူမှုဘ၀တွေမှာ ထိခိုက်မှုမရှိဖို့တော့ လိုမယ်ဆိုတာရယ်၊ တရားလွန် စွဲလမ်းနေတယ် ဆိုရင်လည်း တစ်ဦးတစ်ယောက်ရဲ့ အကူအညီယူဖို့ ရှက်ကြောက်မနေဖို့ရယ်နဲ့ နောက်ဆက်တွဲဆိုးကျိုး များတဲ့ ထိုးသွင်းဆက်ဆံခြင်းအစား ဒီနည်းကိုသာ သုံးနိုင်မယ်ဆိုရင် မလိုလားအပ်တဲ့ ပြဿနာတွေလည်း ညေးတို့ရော ညေးတို့ကောင်မလေးတွေပါ မကြုံရနိုင်တော့ဘူး ဆိုတာလေးကို သိစေချင်ပါတယ်။
ဒေါက်တာ ဖြိုးသီဟ
 
Share on Google Plus

0 comments:

Post a Comment