လက်မောင်းတွင်းထည့်ပစ္စည်းနှင့် ပတ်သက်သော အယူအဆမှား ၃ ခု









 

၁။ လက်မောင်းထဲ ပိုက်ထည့်တယ်ဆိုတာ ခွဲစိတ်ရတာလား
အခုနောက်ပိုင်း အမျိုးသမီးတွေ တော်တော်စိတ်ဝင်စားလာကြတဲ့ ကိုယ်ဝန်တားနည်းတစ်ခုကတော့ လက်မောင်းထဲမှာထည့်တဲ့ ပစ္စည်းလေးပေါ့။ ဒီပစ္စည်းလေးက တစ်ခါထည့်ထားပြီးရင် ၅နှစ်အထိ ကိုယ်ဝန် တားပေးနိုင်တယ်။ ၃နှစ်ခံ၊ ၄နှစ်ခံပစ္စည်းတွေလည်း ရှိတယ်။ ကလေးလိုချင်ပြီဆိုလည်း ပစ္စည်းပြန်ထုတ်လိုက် တာနဲ့ ကိုယ်ဝန်ချက်ချင်းပြန်ရနိုင်တယ်။ အခုမှ အိမ်ထောင်ကျတယ်၊ အသက်ကလည်း ငယ်သေးတော့ ၄ ၅နှစ် ကိုယ်ဝန်တားထားဦးမယ်၊ ထိုးဆေးတွေ သောက်ဆေးတွေလည်း မသုံးချင်ဘူးဆိုတဲ့ အမျိုးသမီးတွေအတွက် အရမ်းအဆင်ပြေတဲ့ နည်းတစ်ခုပေါ့။
ခွဲစိတ်ရတာလားဆိုတဲ့ ကိစ္စနဲ့ပတ်သက်လို့ကတော့ ဒီပစ္စည်းထည့်ပုံထည့်နည်းလေးကို ပြောပြလိုက်ရင် ရှင်းသွားမယ်ထင်ပါတယ်။ အရင်ဆုံးပြောချင်တာက ဒီပစ္စည်းဟာ ပိုက်မဟုတ်ဘူး ဆိုတာပါပဲ။ မီးခြစ်ဆံ အရွယ်လောက်ရှိတဲ့ အဖြူရောင်ပလပ်စတစ်အချောင်း(၂)ချောင်းကို အင်္ဂလိပ်အက္ခရာ V ပုံစံ ထည့်ပေးတာ ဖြစ်ပါတယ်။ (၃)နှစ်ခံပစ္စည်းကတော့ (၁)ချောင်းတည်းပဲ ထည့်စရာလိုပါတယ်။ ပြောနေကြသလို အပ်တို့ ပိုက်တို့ မဟုတ်တဲ့အတွက် ထည့်ပြီးသွားတဲ့အခါ လက်မောင်းမှာ နာမှာကျင်မှာ စိတ်ပူစရာမလိုသလို၊ နေရာ ရွေ့သွားတာ၊ ရှာမတွေ့တော့တာ၊ ပျောက်သွားတာမျိုးတွေလည်း မဖြစ်တတ်ပါဘူး။ ဘယ်နေရာမှာထည့်တာ လဲဆိုရင် သိပ်အသုံးမပြုတဲ့ဘက်၊ မသန်တဲ့ဘက်၊ ပြောရရင် ညာသန်ဆိုရင် ဘယ်ဘက်လက်မောင်း၊ ဘယ်သန်ဆိုရင် ညာဘက်လက်မောင်းရဲ့ အတွင်းဘက်၊ အရေပြားအောက်မှာ ထည့်တာပါ။ အရင်ဆုံး ဒီပစ္စည်းလေးထည့်တော့မယ်ဆိုရင် လက်မောင်းကို ဆပ်ပြာနဲ့ရေနဲ့ သေချာဆေးကြောသန့်စင်ဖို့ လိုပါတယ်။ ပြီးရင် ထုံဆေး စပေးပါတယ်၊ ထုံဆေးပေးတဲ့ခဏတော့ ဆေးထိုးသလောက် နာပါလိမ့်မယ်၊ အဲ့ဒီနေရာမှာ ထုံသွားပြီ၊ ဘာမှမခံစားရတော့ဘူး၊ မသိတော့ဘူးဆိုတဲ့အခါကျမှ လက်သည်းခွံရဲ့ တစ်ဝက်သာသာလောက်ပဲ ရှိတဲ့ ဓါးလေးကိုအသုံးပြုပြီး ဒီပစ္စည်းလေးကို ထည့်လိုက်တာ ဖြစ်ပါတယ်။ မီးဖိုချောင်ဝင်ရင်း လက်မှာဓါးရှတာ ကမှ ဒီအနာနဲ့စာရင် ကြီးနေပါဦးမယ်။ ပြီးသွားတဲ့အခါမှာလည်း အဲ့ဒီအနာလေးကို အနာကပ်ခွါ (Hansaplast) လေးနဲ့ပဲ ကပ်ပေးလိုက်တာပါ၊ ချုပ်ရိုးတွေဘာတွေနဲ့ ပြန်ချုပ်ပေးရလောက်တဲ့အထိ မဟုတ်ပါဘူး။ ပစ္စည်း ထည့်ပြီးသွားပြီဆိုရင်တော့ အဲ့ဒီအမျိုးသမီးအနေနဲ့ လုပ်ရမှာက (၃)ရက်လောက် ပတ်တီးစည်းထားရမယ်၊ အနာကပ်ခွါကိုတော့ (၅)ရက်ကပ်ထားပေးရမယ်၊ အဲဒီ(၅)ရက်အတွင်းမှာလည်း အနာကို ရေမစိုစေဘဲ ခြောက်ခြောက်သွေ့သွေ့ ထားပေးရပါမယ်၊ အနာကိုလည်း နေ့စဉ်သန့်ရှင်းရေး လုပ်နေစရာမလိုပါဘူး၊ ဒီအတိုင်း ထားထားပြီးတော့ (၅)ရက်ပြည့်မှ အနာကပ်ခွါလေးကို ခွါလိုက်ရင် ရပါပြီ။ ပစ္စည်းထည့်ပြီးစ အဲ့ဒီနေရာမှာ အညိုကွက်တွေ ပေါ်လာတာ၊ ယားယံတာမျိုးတွေ ဖြစ်လာခဲ့ရင်လည်း စိတ်ပူစရာ မလိုပါဘူး၊ သူ့ဟာသူ ၂ရက်လောက်အတွင်းမှာ ပျောက်သွားတတ်ပါတယ်။ ဒီပစ္စည်းထည့်ြ့ပီးရင် အညှော်ရှောင်ရမယ်၊ မလှုပ်မရှားဘဲ အနားပေးထားရမယ်ဆိုတာမျိုးတွေလည်း လုပ်စရာမလိုပါဘူး၊ ထည့်လိုက်တဲ့တစ်ရက်လောက်ပဲ နည်းနည်းလေး အနားပေးထားမယ်ဆို လုံလောက်ပါတယ်။
၂။ သွေးတိုးရှိရင် လက်မောင်းထဲ ပစ္စည်းထည့်လို့ မသင့်တော်ဘူး
ဒီပစ္စည်းလေးထည့်ဖို့အတွက် မသင့်တော်ဘူးဆိုတဲ့ အခြေအနေတွေတော့ ရှိပါတယ်၊ ဘာတွေလဲ ဆိုတော့ ရင်သားကင်ဆာ၊ ခြေထောက်မှာ သွေးခဲတာ၊ အသည်းရောဂါ ဒါတွေဖြစ်ဖူးတယ်၊ ဖြစ်နေတယ် ဆိုရင်တော့ ဒီပစ္စည်းထည့်ဖို့ မသင့်တော်ပါဘူး။ နောက်ပြီး တီဘီဆေးတွေ၊ အတက်ကျဆေးတွေ၊ မှိုရောဂါ ကုသတဲ့ဆေးတွေ သောက်နေရတယ်ဆိုရင်လည်း သူ့ရဲ့အာနိသင်က ကျသွားတတ်တဲ့အတွက် မထည့်သင့် ပါဘူး။ ဒီလိုအခြေအနေတွေကလွဲရင်တော့ ဒီပစ္စည်းလေးကို ဘယ်သူမဆို အသုံးပြုလို့ ရပါတယ်။ ဒီပစ္စည်းဟာ (၃)လခံထိုးဆေးနဲ့ ဆင်တူတယ်ဆိုပေမဲ့ (၃)လခံဆေးက သွေးပေါင်ချိန်(၁၆၀)နဲ့အထက် ထိုးဖို့ မသင့်တော်ဘူး ရယ်လို့ ရှိပါတယ်၊ ဒီပစ္စည်းကတော့ သွေးတိုးသမားတွေလည်း စိတ်ချလက်ချ အသုံးပြုလို့ ရပါတယ်။
၃။ ဒီပစ္စည်းထည့်ရင် ဘာမှတော့ မဖြစ်တတ်ပါဘူးနော်
ကိုယ်တိုင်ပစ္စည်းထည့်သွားပြီး အရမ်းလည်း အဆင်ပြေတယ်၊ ကိုယ့်ဆွေမျိုးတွေ မိတ်ဆွေတွေကို လည်း ဒါလေး သုံးစေချင်တယ်၊ ကိုယ့်လိုပဲ အဆင်ပြေစေချင်တယ် ဆိုတဲ့ အမျိုးသမီးတွေ ညွှန်းလေ့ရှိတဲ့ စကားပါ။ အဲ့ဒီလောက်ထိလည်း အစွန်းမရောက်စေချင်ပါဘူး။ အကြောင်းအရာတစ်ခုနဲ့ ပတ်သက်ပြီး မှန်မှန် ကန်ကန် သိထားခြင်းကသာ အကောင်းဆုံးပါ။ တကယ်တော့ ကိုယ်ဝန်တားပေးတဲ့ ဆေးတွေမှ မဟုတ်ပါဘူး၊ ကမ္ဘာပေါ်မှာ ရှိသမျှဆေးအားလုံးမှာ ဘေးထွက်ဆိုးကျိုးတွေ၊ နောက်ဆက်တွဲဆိုးကျိုးတွေဆိုတာ ရှိတတ် ပါတယ်။ ဒီမှာလည်း ဒီအတိုင်းပါပဲ။ လက်မောင်းထဲကိုထည့်ရတဲ့ ပစ္စည်းဟာ (၃)လခံထိုးဆေးနဲ့ ဆင်တူပါတယ်၊ ဒါကြောင့် (၃)လခံထိုးဆေးထိုးရင် ဖြစ်တတ်တဲ့ ရာသီသွေးမပေါ်တော့တာ၊ ရာသီသွေးပုံမမှန်ဆင်းတာ၊ ခေါင်းမူး တာ၊ ၀လာတာ၊ အသားအရည် အပြောင်းအလဲ ဖြစ်တာတွေ ရှိတတ်ပါတယ်။ ဖြစ်တတ်တယ် ဆိုတဲ့စကားကိုပဲ သုံးပါတယ်၊ ဖြစ်မယ်လို့ မပြောထားပါဘူး၊ တချို့ဖြစ်တယ်၊ တချို့မဖြစ်ဘူး၊ တစ်ယောက်နဲ့တစ်ယောက် မတူနိုင် ပါဘူး၊ ပြောနိုင်တာတစ်ခုကတော့ လူကို ထိခိုက်လောက်အောင် ဆိုးဆိုးရွားရွားတော့ မဖြစ်နိုင်ဘူးဆိုတာပါပဲ။ နောက်ပြီး သားကြောဖြတ်တာလို ပြန်ပြင်လို့ မရတော့တဲ့နည်းလမ်း မဟုတ်တဲ့အတွက်လည်း ပစ္စည်းထည့်ပြီးတဲ့ နောက် အဆင်မပြေဘူးဆိုရင် အချိန်မရွေး ပြန်ထုတ်လို့ ရပါတယ်။

ဒေါက်တာ ဖြိုးသီဟ

 

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment