အနုပညာအရည်အချင်းက အမြဲတမ်းအားကောင်းနေဖို့လိုတယ်… အိချောပို

အိချော အနာဂတ်အတွက် ကြိုတင်စိတ်ကူးယဉ်ထားတာမျိုးရှိလား။

အိချောကတော့ အနာဂတ်အတွက် စဉ်းစားတာထက် ကိုယ်လုပ်တဲ့အလုပ်ကို လက်ရှိရောက်နေတဲ့ အချိန် အတိုင်းအတာတစ်ခုမှာ ပျော်ပျော်နေတယ်။ ကိုယ်ရတဲ့အခွင့်အရေးကို ရရင်ရသလို ကြိုးစားတယ်။ အဲဒီလိုပဲ အိချော တွက်ထားတယ်။

ဒီလောကမှာ နာမည်တစ်ခုရလာပြီဆိုတော့ ကိုယ့်နာမည်ကို ဘယ်လိုပုံစံမျိုးနဲ့ ကျန်ရစ်စေချင်ပါလဲ။

          ဘယ်လိုပုံစံကျန်ရစ်ချင်လဲဆိုတော့ အိချောက အနုပညာသမားတစ်ယောက်ဖြစ်တဲ့အတွက် အနုပညာ အရည်အချင်းပြည့်ဝတဲ့၊ အနုပညာအရည်အချင်းပြည့်မီတဲ့ သရုပ်ဆောင်ကောင်းတစ်ယောက်အဖြစ်နဲ့ နာမည်ကို ကျန်ရစ်စေချင်တယ်။

အိချော ဒီလိုသရုပ်ဆောင်တစ်ယောက်ဘ၀နဲ့ သရုပ်ဆောင်တစ်ယောက်မဖြစ်ခင်ဘ၀ ဘယ်လိုကွာခြားမှု တွေရှိလဲ။

          ဘယ်လိုကွာခြားလဲဆိုတော့ အိချောလည်း သိပ်တော့ မသိလိုက်ဘူး။ အိချော (၁၀)တန်း ကျောင်းသူ လောက်မှာ ဒီအနုပညာလောကထဲဝင်တာဆိုတော့ ပြင်ပလူငယ်တစ်ယောက်ရဲ့အရသာကို အိချော မခံစား လိုက်ရဘူး။ အနုပညာသမားတစ်ယောက်ရဲ့အရသာကိုပဲ ခံစားလိုက်ရတဲ့အတွက် အဲဒါကိုပဲ အိချောပျော်ပါ

တယ်။

ဒီလောကထဲမှာ အိချောရဲ့စံပြထားလောက်တဲ့ တစ်ယောက်ဆိုရင် ဘယ်သူဖြစ်မလဲ။

          အိချောရဲ့ စီနီယာတွေပေါ့။ ပြည်တွင်းကပဲဖြစ်ဖြစ်၊ ပြည်ပကပဲဖြစ်ဖြစ် အားလုံးက အိချောစံထားရတဲ့ ပုဂ္ဂိုလ်တွေပါပဲ။ ဘာပဲပြောပြော အိချောတို့ငယ်ငယ်ကတည်းက ဒီလိုဗီဒီယိုဇာတ်ကားတွေကြည့်လာတယ်။ ကြည့်လာပြီးတော့ ဒီလိုပဲကြိုးစားခဲ့ရတာဆိုတော့လေ။

သရုပ်ဆောင်တစ်ယောက်၊ မင်းသမီးတစ်ယောက်မှာ ရှိသင့် ရှိထိုက်တဲ့ အရည်အချင်းဆိုရင် အိချော ဘယ်လိုသတ်မှတ်မလဲ။

          သရုပ်ဆောင်တစ်ယောက်၊ မင်းသမီးတစ်ယောက်မှာ ရှိသင့်တဲ့ အရည်အချင်းဆိုရင်တော့ အနု ပညာအရည်အချင်း ပြည့်ဝနေရမယ်။ ဘယ်ကာရိုက်တာ၊ ဘယ်ဇာတ်ရုပ်မဆို အနုပညာအရည်အချင်းက အမြဲတမ်းအားကောင်းနေဖို့လိုတယ်လို့ အိချောကတော့ထင်တယ်။ အိချောလည်း အတတ်နိုင်ဆုံးကြိုးစားတယ်။ ကိုယ့်ကိုယ်ကိုယ် တတ်နေပြီဆိုတဲ့စိတ်ကို အိချောဘယ်တော့မှ မတွေးဘူး။ အမြဲတမ်းကြိုးစားချင်တဲ့စိတ်ရှိ တယ်။ ကိုယ့်ကိုယ်ကိုယ် အသစ်တစ်ယောက်လိုပဲ သတ်မှတ်ထားတယ်။

အိချောရဲ့စိတ်ကို အပန်းပြေစေမယ့်အရာဆိုရင် ဘယ်လိုအရာမျိုးလေးများဖြစ်မလဲ။

          အဲဒါကတော့ ခရီးထွက်တာပဲ။ အိချော အရမ်းစိတ်ပင်ပန်းလာပြီဆိုရင် ခရီးထွက်တယ်။ သီချင်း နားထောင်တယ်၊ စာအုပ်ဖတ်တယ်၊ ဒီလောက်ပါပဲ။

အိချောကို ရင်ခုန်စိတ်လှုပ်ရှားစေမယ့် ယောက်ျားလေးတစ်ယောက်က ဘယ်လိုအရည်အချင်းမျိုးရှိရမှာလဲ။

          အဲဒါကတော့ တွေ့လာရင်တော့ သိရမှာပေါ့နော်။ အခုလောလောဆယ် မတွေ့ရသေးတော့ ရင် ဘယ်လို ခုန်ရမလဲတောင်မသိဘူး။ (ရယ်လျက်) ခုမှ ကလေးပဲ ရှိသေးတယ်။

အိချောတို့လို အနုပညာပျိုးခင်းကထပ်ပြီး ပွင့်လန်းလာမယ့် ပန်းလေးတွေကို အိချော ဘယ်လိုပုံစံမျိုးလေး ကြို ဆိုချင်ပါလဲ။

          ဟုတ်၊ အရမ်းဝမ်းသာစွာနဲ့ ကြိုဆိုပါတယ်။ အိချောတို့တုန်းကလည်း ဒီလိုပဲ မမျှော်လင့်ဘဲနဲ့ ပျော်ခဲ့ရ သလို ထပ်ပြီးတော့ ရွေးခံရမယ့် ညီမတွေအတွက်လည်း ၀မ်းသာတယ်။ ပြီးတော့ ကြိုးစားကြပါ။ ကိုယ့်ဘက်က ကြိုးစားတာနဲ့ ဒီအစ်ကိုတွေတင်ပေးတာနဲ့ ပရိသတ်ကြိုက်သွားရင်၊ လက်ခံသွားရင် ဘာပဲပြောပြော ပြည်သူချစ် တဲ့ အနုပညာရှင်တစ်ယောက် ဖြစ်သွားမှာပဲလေ။ အဲဒီတော့ အိချောပြောချင်တာက ကိုယ့်အတွက် အခွင့်အရေး ရလာပြီဆိုရင် ကြိုးစားဖို့ပဲ အဓိကစိတ်ထဲမှာထားပါလို့ ပြောချင်ပါတယ်။

ကမ္ဘာပေါ်မှာရှိတဲ့ အလှဆုံးနေရာတစ်ခုရွေးပြီး ရုပ်ရှင်၊ ကာဗာ၊ ဗီဒီယိုရိုက်ရမယ်ဆိုရင် ဘယ်လိုနေရာမျိုးလေးမှာ ရိုက်ချင်ပါလဲ။

          အိချောက ကျွန်းနိုင်ငံလေးတွေ အရမ်းကြိုက်တယ်။ ကမ်းခြေပုံစံမျိုးလေးတွေဆို အရမ်းကြိုက်တယ်။ ဥပမာ ဗီယမ်နမ် နိုင်ငံမျိုးပေါ့။ အဲဒီလိုနေရာမျိုးလေးတွေမှာ အိချော ရိုက်ချင်ပါတယ်။

ငယ်စဉ်ကနေ လက်ရှိအချိန်ထိ ပျော်စရာအကောင်းဆုံးအချိန်လေးတွေက ဘယ်လိုအချိန်လေးတွေဖြစ်မလဲ။

          ပျော်စရာအကောင်းဆုံးဆိုရင် ဒီအနုပညာအလုပ်လုပ်နေရရင် ပျော်တယ်။ အဲဒီလို အလုပ်တွေ မလုပ်ရတဲ့ ရက်တွေဆိုလည်း မနေတတ်ဘူး။ ဒါကြောင့် ဒီအနု ပညာအလုပ်လုပ်ရတာ အရမ်းပျော်တယ်။

ဘ၀မှာ လိုချင်တာကိုမရဘဲ ငြင်းပယ်ခံရဖူးတာမျိုးရှိလား၊ ရှိရင် ပြောပြပေးပါဦး။

          လိုချင်တာကိုတော့ မျှော်မှန်းတာလူတိုင်းမှာရှိကြပါတယ်။ အိချောတို့မှာလည်း ရှိတယ်။ လုပ်ချင် တာလေးတွေ၊ ဖြစ်ချင်တာလေးတွေ ရှိခဲ့တယ်။ ဒါပေမဲ့ တစ်ခါတလေကျ မဖြစ်လာရင်ဆိုတဲ့စိတ်ကို အိချော အမြဲတမ်းကြိုတွေးတယ်။ အဆိုးဘက်ကိုလည်း အိချော ကြိုတွေးလေ့ရှိတယ်။ အဲဒီတော့ အိချော သိပ်ပြီးစိတ် ဒုက္ခမခံစားရဘူးပေါ့။

အနုပညာ မောင်နှမတွေထဲမှာ ရဲဘော်ရဲဘက်စိတ်နဲ့ အမြဲတမ်းအားကိုးစရာကောင်းတဲ့လူမျိုးရှိလား၊ ဘယ်သူများ ဖြစ်မလဲ။

          အဲဒါ ဘယ်သူတွေလည်းဆိုရင် အိချောရဲ့အနုပညာပျိုးခင်းက အစ်ကိုတွေပါပဲ။ ဘာမဆို တိုင်ပင်တယ်၊ အိချောကို အမြဲတမ်း သွန်သင်ဆုံးမတယ်။ သူတို့က ရဲဘော်ရဲဘက်လိုလည်း ဟုတ်တယ်၊ ဆရာလိုလည်း ဟုတ် တယ်။

သူတို့က ဘယ်လိုအရာမျိုးတွေမှာ ရဲဘော်ရဲဘက်စိတ်နဲ့ ကူညီဖြေရှင်းပေးခဲ့ပါလဲ။

          ဘယ်လိုအရာမျိုးတွေလဲဆိုတော့ အိချော အခက်အခဲတစ်ခုဖြစ်လာပြီ၊ ကောလာဟလတွေ အိချောမဟုတ်ဘဲနဲ့ ထွက်တဲ့သတင်းတွေရှိလာပြီဆိုရင် ဒီအစ်ကိုတွေကို သတိရတယ်၊ မေးတယ်။ ဘာပဲပြောပြော ၀ိုင်းပြီးဖြေရှင်းပေးတယ်။ ဘယ်လိုဖြစ်လာတာလဲပေါ့။ အိချောကလည်း ဒီအစ်ကိုတွေကို အမြဲတမ်းတိုင်ပင်လေ့ရှိတယ်။ အကုန်လုံးကိုပေါ့။ ကိုမြင့်မြတ်၊ ကိုနေတိုး၊ ကိုခန့်၊ ကိုပြေတီ၊ ကိုလူမင်း အကုန်လုံးကို အိချော တိုင်ပင်တယ်။ အားလုံးကလည်း ၀ိုင်းဝန်းပြီးဖြေရှင်းပေးပါတယ်။

မြန်မာ့ရုပ်ရှင်နဲ့ဗီဒီယိုအနုပညာလောကကြီးမှာ ကွက်လပ်လေးတွေ၊ လစ်ဟာမှုရှိနေတာလေးတွေကို ဘယ်လိုမျိုး ပြုပြင်ပြောင်းလဲစေချင်လဲ။

          အိချောစိတ်ထဲမှာရှိတာပြောရရင် သရုပ်ဆောင်ပိုင်းမှာပေါ့။ နိုင်ငံခြားကအတိုင်း ဖြစ်စေချင်တယ်။ အိချောတို့ မြန်မာနိုင်ငံက သရုပ်ဆောင်တွေက ပိုပြီးပင်ပန်းတယ်လို့ထင်တယ်။ ကြားရတာ၊ တွေ့ရတာတွေက ဒီလောက်ထိ မပင်ပန်းဘူးလို့ ပြောကြတယ်။ ဒီနိုင်ငံမှာလည်း အဲဒီလိုပုံစံမျိုးလေးတွေ ဖြစ်စေချင်တယ်။ ဘာပဲပြောပြော တိုးတက်စေချင်တယ်။

မိုးစက် (၀ဿန်)

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

 

Share on Google Plus