လှဖို့အတွက် အလေ့အကျင့်ကောင်းတွေ ရှိဖို့လိုတယ်

လူတစ်ယောက်အနေနဲ့ ဘဝအောင်မြင်မှုအတွက် အလေ့အကျင့်ကောင်းတွေ မွေးမြူရသလို အသားအရေ လှပကျန်းမာဖို့အတွက်လည်း အလှအပဆိုင်ရာ အလေ့အကျင့်ကောင်းတွေကို မွေးမြူ ပေးဖို့လိုအပ်ပါတယ်။ အလှအပနဲ့ဆိုင်တဲ့ အလေ့အကျင့်ကောင်းလေးတွေဆိုတော့ ဘယ်လို အကြောင်း အရာမျိုးလေးတွေများဖြစ်မလဲဆိုတာ လေ့လာကြည့်ကြရအောင်။

ကြေးချွတ်ခြင်း

ကြေးချွတ်တယ်ဆိုတာ အခြေခံအလှအပဆိုင်ရာ အလေ့အကျင့်တစ်ခု ဖြစ်ပေမယ့် လူနည်းစု လောက်သာ ဆောင်ရွက်ကြတဲ့ အပြုအမူတစ်ခုပါ။ တကယ်တော့ ကြေးချွတ်ခြင်းကသာ အသားအရေအတွက် အမှန်တကယ် လိုအပ်တဲ့ ကိုယ်လိမ်းခရင်တွေ၊ အလှဆီတွေရဲ့ အာဟာရဓာတ်တွေကို အသားအရေ အတွင်း ဆုံးအလွှာထိ စိမ့်ဝင်နေနိုင်အောင် ဆောင်ရွက်ပေးပါလိမ့်မယ်။ အဲ့ဒီအတွက် ကြေးချွတ်တဲ့ကိစ္စကို ဘယ်တော့မှ မမေ့အောင် ရေချိုးခန်းထဲမှာ ကြေးချွတ်တဲ့ပစ္စည်း ဒါမှမဟုတ် ကြေးချွတ်ဂုဏ်သတ္တိပါဝင်တဲ့ ရေချိုးဆပ်ပြာ တစ်မျိုးမျိုး အသုံးပြုပေးပါ။

အသားအရေအတွက် အုန်းဆီ

အုန်းဆီကလည်း အသားအရေ စိုပြေလှပလိုသူများ အသုံးပြုသင့်တဲ့ အခြေခံပစ္စည်းတစ်မျိုးပါ။ အုန်းဆီကို ဆံသားအတွက်သာ အဓိကသုံးနေကြပေမယ့် ခန္ဓာကိုယ်အတွက်ပါ အကျိုးရှိရှိ အသုံးချနိုင်ပါတယ်။ အကောင်းဆုံးနည်းလမ်းကတော့ ရေချိုးပြီးတဲ့အခါတိုင်း အုန်းဆီကို ခန္ဓာကိုယ်ရဲ့ ခြောက်သွေ့ကြမ်းတမ်း လွယ်တဲ့နေရာတွေဖြစ်တဲ့ တံတောင်ဆစ်၊ ဒူးခေါင်း၊ ခြေဖဝါးတို့မှာ လိမ်းထားပေးပါ။ ဒါပေမယ့် ရေတွေနဲ့ အရမ်းစိုစွတ်ပြီး ချွဲကျိမနေဖို့တော့ သတိပြုပါ။ Vasline အသုံးပြုပါ။

Vasline က အသားအရေကို အမှန်တကယ် အာဟာရဖြစ်စေရဲ့လား ဒါမှမဟုတ် အရေပြားအပေါ်ယံလွှာကိုသာ ရေဓါတ်ဖြည့်ပေးနိုင်တာလားဆိုတာနဲ့ ပတ်သက်ပြီး အသားအရေအထူးကုပညာရှင်တွေအကြား ကြီးမားတဲ့ အငြင်းအခုကြီး ဖြစ်ခဲ့ဖူးပါတယ်။ ဘယ်လိုပဲ ဖြစ်နေပါစေ ဆာဟာရသဲကန္တာရကြီးလို ခြောက်သွေ့ကွဲအက်နေတဲ့ နှုတ်ခမ်း၊ အသားအရေကို ဘယ်သူမှမလိုချင်ကြတာတော့ အသေအချာပါ။ အဲဒီအတွက် သွားလေရာမှာ Vasline ဘူးအသေးလေးလိုမျိုး အိတ်ထဲ မပါမဖြစ်ဆောင်ထားတာ အကောင်းဆုံးဖြစ်ပါတယ်။

လာဗင်ဒါကိုအသုံးပြုပါ

လာဗင်ဒါဆိုတာ အချစ်ရဲ့သင်္ကေတရနံတစ်ခုဖြစ်သလို သဘာဝအိပ်ဆေးတစ်ခုပါ။ ညဘက်အိပ် ရေးပျက်သူတွေ၊ စိတ်ဖိစီးမှုတွေများပြီး နုံးချိနေသူတွေ၊ အိပ်မရသူတွေအနေနဲ့ လာဗင်ဒါအဆီကို ရေချိုးတဲ့အခါဖြစ်စေ အသုံးပြုပေးနိုင်ပါတယ်။ စိတ်ကြည်လင်စေပြီး အိပ်စက်တဲ့အခါ အထောက်အကူ ဖြစ်စေပါတယ်။

အချိန်ပေးပါ

အလှအပအလေ့အထတွေနဲ့ ပတ်သက်ပြီး အရေးကြီးဆုံးတွေထဲက တစ်ခုကတော့ ကိုယ့်အတွက် အချိန်ယူတတ်ဖို့ပဲဖြစ်ပါတယ်။ တစ်နေ့ကို ကိုယ်ပိုင်အချိန် မိနစ် (၂၀) ခန့်ထားပြီး အနားယူပါ။ အဲဒီနားနေချိန် မိနစ်(၂၀)မှာ သီချင်းနားထောင်တာ၊ စိတ်ပြေလက်ပျောက် စာအုပ်ဖတ်တာ အနားယူတာမျိုးတွေနဲ့ အပန်းဖြေကြည့်ပါ။ ဘယ်အရာမဆိုစိတ်ရွှင်လန်းလာပြီး ခွန်အားသစ်တွေပြည့်ဝလာပါလိမ့်မယ်။

ခန္ဓာကိုယ်လိမ်းအလှဆီသုံးပေးပါ

Body Lotion ဆိုတာ လူတိုင်းနီးပါးသုံးကြတဲ့ အသားအရေထိန်းသိမ်းတဲ့ ပစ္စည်းတစ်ခုဖြစ်ပေမယ့် အများစုအသုံးပြုကြတာက လက်ပဲဖြစ်ပါတယ်။ ခြေထောက်အပါအဝင် ခန္ဓာကိုယ်အနှံ့သေချာစွာ လိမ်းပေးပါ။ အသားအရေက သိသာစွာ ပြောင်းလဲသွားပါလိမ့်မယ်။

နေရောင်ကာကွယ်ဆေးသုံးပေးပါ

နေရောင်ခြည်နဲ့ မကြာခဏထိတွေ့ခြင်းက အရေးအကြောင်းတွေ၊ အရွယ်မတိုင်မီ အိုမင်းရင့်ရော် ခြင်းတွေနဲ့ အရေပြားကင်ဆာတို့ကို ဖြစ်ပေါ်စေနိုင်ပါတယ်။ အဲဒါကြောင့် အပြင်သွားတိုင်း နေရောင်ကာကွယ် ဆေး အသုံးပြုပေးပါ။

မိတ်ကပ်အသုံးအဆောင်ပစ္စည်းများ မကြာခဏ သန့်ရှင်းပေးပါ

မိတ်ကပ်အသုံးအဆောင်ပစ္စည်းကိရိယာတွေကို သန့်ရှင်းရေးလုပ်တာကလည်း အလှအပဆိုင်ရာ အလေ့အကျင့်ကောင်းတစ်ခုပါ။ ဒါပေမဲ့ လူနည်းစုလောက်သာ လုပ်ကြတဲ့အလုပ်ဖြစ်ပါတယ်။ ညစ်ပေနေတဲ့ ဘရပ်ရ်ှတွေ၊ ရေမြုပ်တွေမှာ ဘက်တီးရီးယားတွေက တွယ်ကပ်နေနိုင်ပြီး အသားအရေမှာ အရေပြားဆိုင်ရာ ပြဿနာတွေကို ဖန်တီးပေးနိုင်ပါတယ်။

ဝက်ခြံအတွက် သွားတိုက်ဆေး

ဝက်ခြံဆိုတာ အရေပြားရဲ့ ဘယ်နေရာမှာမဆို အချိန်မရွေးဖြစ်ပေါ်နိုင်တဲ့ အရေပြားဆိုင်ရာ ပြဿနာ တစ်ခုဖြစ်ပါတယ်။ ဒီလို ဝက်ခြံတွေကို အလျင်မြန်ဆုံး ပျောက်ကင်းစေမယ့် နည်းလမ်းကောင်းကတော့ ညဘက်အိပ်ရာဝင်ချိန်မှာ ဝက်ခြံကို သွားတိုက်ဆေးအနည်းငယ် ပွတ်လိမ်းထားပေးဖို့ဖြစ်ပါတယ်။ ဒီနည်းလမ်းက ဝက်ခြံကို လုံးဝအရှင်းမပျောက်သွားပေမယ့် ဝက်ခြံကြောင့် အရေပြားဖူးယောင်ခြင်းကို သက်သာစေပါလိမ့်မယ်။

Eye Liner ဘယ်လိုသုံးမလဲ

Eye Liner တော့ သုံးကောင်း သုံးချင်ပါရဲ့။ ဒါပေမဲ့ မျက်ခွံပေါ်ရောက်တဲ့အခါ ပေရေစွန်းထင်းသွားမယ်။ သိပ်သိပ်သည်းသည်းလည်း မရှိဘူး။ အဲဒီအတွက်တော့ စိတ်မပူပါနဲ့ Eye Liner ကိုမသုံးခင်မှာ ရေခဲသေတ္တာထဲ (၁၅) မိနစ်ခန့် အအေးခံထားလိုက်ပါ။ မျက်ဝန်းပေါ်မှာသုံးတဲ့အခါ ပိုပြီး သိပ်သိပ်သည်းသည်းနဲ့ ကြည့်ကောင်းသွားပါလိမ့်မယ်။

ဝဿန်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape