အမျိုးသားတွေ ပါဝင်ပေးရမယ့် အမျိုးသမီးကျန်းမာရေးကိစ္စများ

ဒီနေ့ခေတ်မှာ အမျိုးသမီးတွေနဲ့ ပတ်သက်တဲ့ အကြောင်းအရာ တော်တော်များများကို ရှေ့တန်းတင် ပြော ဆိုလာကြတာ သတိထားမိမှာပါ။ အမျိုးသမီးတွေမှာ ဘယ်လိုအခွင့်အရေးတွေ ရှိသလဲ အသိပညာပေးကြ တယ်၊ ဒါမှ သူတို့အနေနဲ့ သူတို့ရဲ့ အခြေခံအခွင့်အရေးတွေအကြောင်း သိလာမယ်၊ တောင်းဆိုတတ်လာ မယ်။ သူတို့ကိုချည်း ပြောနေလို့မရဘဲ တစ်ဖက်မှာလည်း အမျိုးသားတွေရဲ့ ပူးပေါင်းပါဝင်မှုရှိလာအောင် ကြိုးစားကြရပါတယ်။ ဒါမှ အောင်မြင်မှာပါ။

ဒီဆောင်းပါးမှာတော့ အမျိုးသမီးတွေ ကြုံတွေ့ရတတ်တဲ့ ကျန်းမာရေးပြဿနာတွေမှာ အမျိုးသား တွေ အနေနဲ့ ဘယ်လိုပါဝင်လို့ရသလဲဆိုတာကို ဆွေးနွေးသွားမှာဖြစ်ပါတယ်။

၁။ ဆေးလိပ်မသောက်ဖို့

ဆေးလိပ်ရဲ့ဆိုးကျိုးတွေကတော့ အများကြီးပါပဲ။ အဆုတ်ကင်ဆာ အားလုံးရဲ့ (၉၀)ရာခိုင်နှုန်းက ဆေး လိပ်ကြောင့်ဖြစ်တယ်။ တခြားအသက်ရှူလမ်းကြောင်းဆိုင်ရာ ရောဂါတွေ၊ နှလုံးရောဂါ၊ သွေးကြောနဲ့ ပတ်သက်တဲ့ ရောဂါတွေ၊ လေဖြတ်တာ စသဖြင့် အများကြီးကို ရှိပါတယ်။

အရက်နဲ့မတူတာကတော့ သောက်တဲ့သူတင် ဖြစ်တာမဟုတ်ဘဲ ဘေးနားက ရှူတဲ့သူပါ ရောဂါဖြစ်နိုင် တာ ပါပဲ။ ယောကျာ်းက ဆေးလိပ်သောက်တတ်တယ်ဆိုရင် အမျိုးသမီးဖြစ်သူမှာလည်း အဆုတ်ကင်ဆာ ဖြစ်နိုင်ချေ ၂၀ ရာခိုင်နှုန်းကနေ ၃၀ ရာခိုင်နှုန်းထိ မြင့်တက်စေတယ်။ အဲဒီအပြင် ကိုယ်ဝန်ရဖို့ခက်သွားတတ် တယ်။ ကိုယ်ဝန်ဆောင်စဉ်မှာ ရှူမိရင် လမစေ့ဘဲမွေးတာ၊ ကလေးအသေ မွေးတာ၊ ပေါင်မပြည့်တာ၊ မွေးပြီးပြီး ချင်း ဆုံးပါးသွားတာ၊ ဒါမျိုးတွေ ဖြစ်တတ်ပါတယ်။

မြန်မာနိုင်ငံမှာ အဖြစ်အများဆုံး ကင်ဆာဆိုရင် ရင်သားကင်ဆာ၊ သားအိမ်ခေါင်းကင်ဆာ၊ အဆုတ် ကင်ဆာ စသဖြင့် အစဉ်လိုက်ရှိပါတယ်။ အရင်ကတော့ ရင်သားကင်ဆာနဲ့ သားအိမ်ခေါင်းကင်ဆာက အမျိုး သမီးတွေပဲ အဓိကဖြစ်ပြီး၊ အဆုတ်ကင်ဆာကတော့ အမျိုးသားတွေပဲဖြစ်တယ်လို့ ထင်ကြပါတယ်။ ဘာလို့ ဆိုတော့ ကျွန်တော်တို့ရဲ့ လူနေမှုပုံစံအရ အမျိုးသမီးတွေ ဆေးလိပ်သောက်တာ အင်မတန်ရှားတာကိုး။ နောက်ပိုင်းမှာတော့ အမျိုးသမီးတွေလည်း အဆုတ်ကင်ဆာဖြစ်လာကြတာ တွေ့ရပါတယ်။ အကြောင်းတစ်ခုကတော့ ဒီလိုဆေးလိပ်ငွေ့တွေနဲ့ ထိတွေ့မိတာကြောင့်ပါပဲ။

နောက်တစ်ခုက Third hand smoke လို့ခေါ်တဲ့ ဆေးလိပ်ငွေ့ရဲ့ အကြွင်းအကျန် ဓါတုဓါတ်တွေက အိမ်ရဲ့ အတွင်းပိုင်း နံရံ၊ ကော်ဇော၊ ကြမ်းပြင်တွေမှာ၊ ကိုယ့်ရဲ့ အကျီ၊ လက်ချောင်း စတာတွေမှာ ကပ်ကျန် နေတတ်တာ ကိုလည်း တွေ့လာရပါတယ်။ ဒီကနေတစ်ဆင့် ကလေးဆီကိုရောက်သွားပြီး ကလေးကလည်း ဒီဓါတုပစ္စည်းတွေနဲ့ ထိတွေ့ရသလို ဖြစ်သွားမှာပါ။ ဒါကြောင့်မို့ အပြင်မှာထွက် ဆေးလိပ်သောက်မယ်ဆို တောင်မှ ဆေးလိပ်ငွေ့ရဲ့ အန္တရာယ်က ကိုယ့်အမျိုးသမီး၊ ကိုယ့်သားသမီးအတွက် ရှိနေဦးမှာဖြစ်ပါတယ်။

၂။ လိင်မှုကိစ္စမှာ စောင့်ထိန်းဖို့၊ တာဝန်ယူမှုရှိဖို့

အကောင်းဆုံးကတော့ တစ်လင်တစ်မယားစနစ် ကျင့်သုံးတာပါပဲ။ ဒါဆိုရင် လူမှုရေးပြဿနာ တွေလည်း ကင်းသလို၊ လိင်ကတစ်ဆင့် ကူးစက်တဲ့ရောဂါတွေလည်း မရတော့ဘူးပေါ့။ တကယ်လို့များ အခြေအနေ အကြောင်းကြောင်းကြောင့် မှားယွင်းခဲ့ရင်တောင်၊ တစ်ပါးသူနဲ့ ဆက်ဆံမိရင်တောင် ဒီအမျိုး သားဟာ တာဝန်သိဖို့ လိုပါတယ်။ အကာအကွယ် ကွန်ဒုံးသုံးတာမျိုးပေါ့။ အဲဒီလိုလည်း မသုံးမိလိုက်ဘူး ဆိုရင်တော့ ကိုယ့်အမျိုးသမီး အပေါ် ဖွင့်ဟပြောဆိုဖို့ လိုပါမယ်။ ဘာလို့ဆိုတော့ ကိုယ်ဟာ အကာအကွယ်မဲ့ ဆက်ဆံမိလိုက်တဲ့အတွက် လိင်က တစ်ဆင့် ကူးစက်တဲ့ရောဂါတခုခု ရလာနိုင်တယ်။ သိပ်ဆိုးရင် HIV ပိုးလောက်အထိ ဖြစ်နိုင်တယ်။ ဒီအခါမှာ ပုံမှန် အတိုင်း ဘာမှမဖြစ်သလို ဟန်ဆောင်ဖုံးကွယ်ပြီး အမျိုးသမီးနဲ့ အတူနေလိုက်ရင် သူ့ဆီလည်း အဲဒီပိုးက ရောက် သွားနိုင်တယ်။ အချက်အလက်တွေအရ အာရှဒေသက အမျိုးသမီးတွေ ကာလသားရောဂါ ဖြစ်ရခြင်းအဓိက အကြောင်းက အမျိုးသားဆီက ကူးစက်တာဖြစ်တယ်။ ဒါကြောင့်မို့ အမျိုးသမီးကို ရိုးရိုးသားသား ဖွင့်ဟပြောဖို့၊ တာဝန်သိဖို့ လိုပါမယ်။ အဲ့လိုပြောလိုက်ရင် အိမ်ထောင် ကွဲမှာပေါ့ ဆိုလာရင်တော့ အစောကတည်းက ဒီလိုမဖြစ်ချင်ရင် စောင့်ထိန်းပါ၊ အကာအကွယ်သုံးပါလို့ပဲ ပြန်ဖြေရမှာဖြစ်ပါတယ်။

အမျိုးသမီးတွေမှာ အင်မတန်မှကို အဖြစ်များတဲ့ သားအိမ်ခေါင်းကင်ဆာဆိုလည်း လိင်ကတစ်ဆင့် ကူးစက်တဲ့ ရောဂါတစ်မျိုး ဖြစ်ပါတယ်။ Human Papilloma Virus လို့ခေါ်တဲ့ ပိုးကြောင့် ဒီကင်ဆာဖြစ်တာပါ။ အဲဒီပိုးက လိင်ဆက်ဆံရာကတစ်ဆင့် ကူးစက်ပါတယ်။ ဘယ်လိုလူတွေမှာ အဖြစ်များလဲဆိုရင် လိင်ဆက်ဆံ ဖက်များတဲ့သူ၊ အသက်ငယ်ငယ်နဲ့ လိင်ဆက်ဆံမှု စတင်ခဲ့သူ၊ ကလေးအများကြီးမွေးထားသူ၊ အဲဒီထဲက တစ်ချက်ကတော့ ကိုယ့်ယောကျာ်းက လိင်ဆက်ဆံဖက်များရင် ကိုယ့်မှာ သားအိမ်ခေါင်းဖြစ်နိုင်ချေ ပိုများ တာပါပဲ။ HIV ပိုး၊ ကာလသားပိုးတွေက နှစ်ဦးအတူတူ ကူးစက်ခံရပါတယ်၊ သားအိမ်ခေါင်းကင်ဆာလို ရောဂါမျိုးကတော့ အမျိုးသမီးမှာပဲ ဖြစ်ပါတယ်။ ဒါကြောင့်မို့ အမျိုးသားတွေအနေနဲ့ ကိုယ်နဲ့မဆိုင်သလို လုပ်မနေဘဲ၊ ကိုယ့်အမျိုးသမီးရဲ့ လိင်မှုဆိုင်ရာ ကျန်းမာရေးအတွက် စောင့်ထိန်းသင့်တာတွေ စောင့်ထိန်းကြဖို့ လိုပါတယ်။

၃။ သားဆက်ခြားတဲ့ကိစ္စမှာ ပူးပေါင်းပါဝင်ပေးဖို့

သားဆက်ခြားတာဆိုလည်း အမျိုးသမီးနဲ့ပဲဆိုင်တယ်လို့ တော်တော်များများက ထင်တတ်ကြပါတယ်။ သားအိမ်ဆိုတာကလည်း အမျိုးသမီးမှာပဲ ပါတယ်၊ ကိုယ်ဝန်ဆောင် ကလေးမွေးရတယ်ဆိုလည်း သူပဲ လုပ်ရ တာကိုး။ ဒါပေမယ့် ဒီနေရာမှာလည်း အမျိုးသားတွေရဲ့ အခန်းကဏ္ဍက ပါဝင်ပါသေးတယ်။

တစ်ခါက အမျိုးသမီးတစ်ယောက်နဲ့ ကြုံဖူးပါတယ်။ ဘာလဲဆိုတော့ ကျွန်တော်တို့ဆေးခန်းမှာ သားအိမ်ထဲထည့်တဲ့ပစ္စည်း လာထည့်သွားတယ်။ နောက် ၂ ရက်လောက်နေတော့ မျက်နှာမှာ ရောင်ကိုင်းပြီး ပြန်ရောက်လာတယ်။ ဘာဖြစ်တာလဲဆိုတော့ သူ ဒီပစ္စည်းသုံးသွားတာ ယောကျာ်းသိသွားလို့တဲ့၊ ငါ့မပြောဘဲ လုပ်လာရအောင် နင်က ဖောက်ပြန်ချင်လို့လားဆိုပြီး ရိုက်တာတဲ့။ ဆိုလိုတာက ကျွန်တော်တို့ လူ့အသိုင်း အ၀ိုင်းရဲ့ သတ်မှတ်ချက်တွေကြောင့် ယောကျာ်းက မိန်းမထက် တစ်ဆင့်မြင့်သလို ဖြစ်နေတယ်။ အမျိုးသမီးက သားဆက်ခြားချင်တယ်၊ ဒီနည်းတွေ သုံးချင်တယ်ဆိုရင်တောင်မှ အမျိုးသားက ခွင့်မပြုလို့၊ သဘောမတူလို့ မသုံးရဘူးဆိုတာတွေရှိတယ်။ တချို့နေရာတွေမှာဆို ဘယ်လောက်ဆိုးလဲဆိုတော့ နင့်ကို ငါယူထားတာ ကလေးမွေးဖို့၊ ဘာတားဆေးမှမသုံးနဲ့ဆိုပြီးတော့ကို ပြောထားတာတွေတောင် ကြုံဖူးတယ်။ ဒီလို အနေ အထားတွေမှာ အမျိုးသမီးတွေအနေနဲ့ ကိုယ်ဝန်တားဖို့၊ မိခင်သေနှုန်း၊ ကလေးသေနှုန်း လျော့ကျသွားမယ် ဆိုတဲ့ သားဆက်ခြားခြင်းရဲ့ အကျိုးကျေးဇူးတွေရဖို့ ခက်ပါတယ်။

ခွင့်ပြုတယ် ဆိုရုံတင်မကဘဲ အမျိုးသားတွေအနေနဲ့ ထပ်ပြီးလုပ်ဆောင်သင့်တာလေးတွေ ရှိပါတယ်။ ဘာလဲဆိုတော့ ဒီသားဆက်ခြားနည်းတွေနဲ့ပတ်သက်ပြီး အမျိုးသမီးနဲ့အတူတူ တိုင်ပင်မယ်။ သူ့အတွက် ဘယ်နည်းလမ်းက အကောင်းဆုံးဖြစ်မယ်ဆိုတာကို ၀ိုင်းစဉ်းစားပေးမယ်။ သူ့ဆုံးဖြတ်ချက်ကိုလည်း လေးစား ပေးမယ်။ ဒါဆိုရင် အမျိုးသမီးအနေနဲ့ သူ့ရွေးချယ်မှုနဲ့ပတ်သက်ပြီး ပိုလို့သက်သောင့်သက်သာ ခံစားရပါမယ်။

အဲဒီအပြင် တချို့သောသားဆက်ခြားနည်းတွေက အမျိုးသားတွေရဲ့ ပူးပေါင်းပါဝင်မှု လိုပါတယ်။ ဥပမာဆို ကွန်ဒုံး။ ကွန်ဒုံးက အမျိုးသမီးသုံးရှိပေမယ့် အမျိုးသားသုံးလောက် ၀ယ်ရမလွယ်ဘူး၊ ရှားတယ်။ ဒီတော့ အမျိုးသမီးက ဟော်မုန်းရဲ့ ဘေးထွက်ဆိုးကျိုးတွေ မခံစားချင်လို့၊ ကလေးကလည်း အခိုက်အတန့် လောက်ပဲတားမှာမို့ ဒီနည်းလမ်းသုံးချင်တယ်ဆိုတဲ့အခါ အမျိုးသားရဲ့ ပူးပေါင်းပါဝင်မှု လိုလာတယ်။ နောက်ပြီး ရက်ရှောင်တဲ့နည်းတွေမှာဆိုလည်း အမျိုးသားက စနစ်တကျလိုက်နာဖို့လိုပါတယ်။ ဒါမှ အမှားအယွင်းနည်း နည်းနဲ့ ကိုယ်ဝန်တားနိုင်မှာပါ။

နောက်ဆုံးအနေနဲ့တော့ အမျိုးသမီးကို ဖေးမကူညီပေးဖို့ပါပဲ။ သားဆက်ခြားနည်းတွေအားလုံးမှာ ဘေးထွက်ဆိုးကျိုးဆိုတာ ရှိပါတယ်။ သုံးစမှာ သွေးဆင်းမယ်၊ ရာသီပုံမမှန်ဖြစ်မယ်၊ ဗိုက်အောင့်တာ၊ ခေါင်းမူး တာ၊ ပျို့အန်ချင်တာ၊ ၀လာတာ၊ ဒါတွေဖြစ်တတ်တယ်။ ဒီအခါမှာ အမျိုးသားက အားပေးမယ်၊ လိုအပ်တာ စောင့်ရှောက်ပေးမယ်ဆိုရင် ဒီအမျိုးသမီးက ဒီနည်းလမ်းကို စိတ်ရှည်ရှည်နဲ့ဆက်သုံးဖြစ်မယ်၊ ဒီတော့ သားဆက်ခြားခြင်းရဲ့ အကျိုးကျေးဇူးတွေကို ရနိုင်တာပေါ့။ အဲဒီလိုမဟုတ်ဘဲ သွေးနည်းနည်းဆင်းတာနဲ့ ပစ္စည်း သွားထုတ်လိုက်တော့ မင်းတခုခုဖြစ်ရင် မင်းပဲခံ ဆိုတာမျိုး ပြောလိုက်ရင်တော့ ဒီအမျိုးသမီးဟာ ဘယ်လိုမှ ဒါကို ဆက်သုံးဖြစ်တော့မှာ မဟုတ်ပါဘူး။ ဒါကြောင့် ဘေးထွက်ဆိုးကျိုးကြုံတွေ့နေရတဲ့ အမျိုးသမီးတွေ အတွက် အမျိုးသားများရဲ့ အနီးကပ်အားပေးကူညီမှုက ဆရာဝန်၊ ဆရာမတွေက ပေးတဲ့ဆေးတွေလိုပဲ အကျိုးရှိစေပါတယ်။

တကယ်တော့ အမျိုးသားနဲ့ အမျိုးသမီးဆိုတာ ကမ္ဘာကြီးရဲ့ တောင်ပံတစ်စုံလိုပါပဲ။ တစ်ဖက်တည်း သန်စွမ်းနေလို့ မရပါဘူး။ တစ်ဖက်က ပျက်နေရင်၊ အားနည်းနေရင် နောက်တစ်ဖက်က ဘယ်လောက်လုပ်လုပ် အောင်မြင်မှာမဟုတ်ပါဘူး။ ဒါကြောင့်မို့ အမျိုးသမီးဆိုတဲ့ တောင်ပံတစ်ဖက် သန်စွမ်းဖို့၊ အမျိုးသမီးတွေရဲ့ ကျန်းမာရေးအဆင့်အတန်း တိုးတက်လာဖို့၊ မဖြစ်သင့်တဲ့ ရောဂါတွေမဖြစ်ဖို့ အမျိုးသားများရဲ့ ပူးပေါင်းပါဝင်မှု သိပ်အရေးကြီးပါတယ်။

ဒေါက်တာ ဖြိုးသီဟ