မြိတ်ကတ်ကြေးကိုက်၊ ငှက်ပျောပေါင်း










ထမင်းနဲ့ဟင်းပဲစားနေရတာ တစ်ခါတလေလည်း ထမင်းလွတ်စားလို့ရတာလေး စားချင်လာတာပေါ့။ မယ်တော်မားသားကိုပြောလိုက်တော့လည်း အေးဟုတ်တယ်။ ဘာလုပ်စားကြရင်ကောင်းမလဲဆိုပြီး ထောက်ခံ တယ်။ သားမိနှစ်ယောက်တိုင်ပင်ကြည့်တော့ မြိတ်ကတ်ကြေးကိုက် မစားရတာကြာပြီပေါ့နော်။ အဲဒီတော့ မြိတ် ကက်ကြေးကိုက်လေးပဲစားကြရအောင်လို့ သဘောတူညီချက်ရသွားတယ်။ ကတ်ကြေးကိုက်ကြီးပဲကျတော့ လည်း မဟုတ်ပြန်ဘူး။ အချိုပွဲလေးပါ တွဲထည့်လိုက်မယ်ပေါ့။ စဉ်းစားလိုက်တော့ အိမ်မှာ ငှက်ပျောသီးရော၊ အုန်းသီးပါရှိနေတော့ ငှက်ပျောပေါင်းပဲလုပ်လိုက်တော့မယ်။

မြိတ်ကက်ကြေးကိုက်
မြိတ်ကတ်ကြေးကိုက်အတွက် မယ်တော်မားသားကတော့ ဈေးခြင်းတောင်းလေးဆွဲ ဈေးသွားပြီး ပြန်လာတာနဲ့ လုပ်ငန်းစကြတာပေါ့။ ကတ်ကြေးကိုက်ကြော်မှာကို တော့ မယ်တော်မားသားက ဆန်ခေါက် ဆွဲ ကို အပြားလိုက်မညှပ်ရသေးတာဝယ်ခဲ့တယ်။ ဒါမှကိုယ့် စိတ်ကြိုက်ခပ်ကြီးကြီးလေး ညှပ်လို့ရမှာလေ။ မုန့်ဟင်းခါးအတွက် ဆန်ခေါက်ဆွဲကျတော့ ညှပ်ထားတာလေးတွေက သေးတယ်လေ။ အဲဒီတော့ အဆင် မပြေဘူး။ ဆန်ခေါက်ဆွဲကို ကိုယ့်စိတ်ကြိုက် လက်မပြားလောက်ညှပ်ထားလိုက်မယ်။ အသားကိုတော့ ပုဇွန်၊ ပြည်ကြီးငါးနဲ့ ကြက်ရင်ပုံသားထည့်မယ်။

 ပြည်ကြီးငါးကိုတော့ အကွင်းလေးတွေ လှီးထည့်လိုက်မယ်။ ပုဇွန်ကိုတော့ ခေါင်းဖြုတ်ပြီး အမြီးမှာ နောက်ဆုံးအခွံလေးတစ်ဆစ်ထားပြီး အခွံခွာကျောခွဲထားလိုက်မယ်။ ကြက်ရင်ပုံသားကိုတော့ လက်မလောက်အပြားလေးတွေ လှီးထားလိုက်မယ်။ မြိတ်ကတ်ကြေးကိုက်မှာ အစပ်အရသာလေးပါအောင် ငရုတ်သီးမှုန့်နဲ့ ဆီနီချက်ထားလိုက်မယ်။ ဆီကို ကိုယ်ကြော်မှာလောက်မှန်းပြီး အပူပေးလိုက်မယ်။ အရောင်ပိုလှအောင် နနွင်းမှုန့်လေးပါနည်းနည်းထည့်လိုက်မယ်။ ဆီအပူရှိန်နဲ့ ငရုတ်သီးအရောင်တင် မှုန့်ကျက်တယ်လေ။ အခုက အရောင်ရော အစပ်အရသာရအောင် ငရုတ်သီးအရှည် တောင့်နဲ့လုပ်ထားတဲ့ အရောင်တင်မှုန့်ကိုသုံးတာ ပိုအဆင်ပြေတယ်။ ဆီအပူရှိန်နဲ့အရောင်တင်မှုန့်နဲ့ နနွင်းမှုန့် ကျက်ပြီဆိုမှ ဆီအနီကိုစစ်ယူပြီး အနည်တွေကို ဖယ်ထားလိုက်မယ်။ 

ဒါဆိုရင် မြိတ်ကတ်ကြေးကိုက်အတွက်  အစပ်အရသာရော အရောင်ပါလှမယ့် ဆီနီရပါပြီ။ ကြက် သွန်မြိတ်ကိုတော့ လက်တစ်ဆစ်လောက်လှီးထား မယ်။ ပဲပင်ပေါက်ကိုတော့ ရေစင်စင်ဆေးပြီး စစ်ထား လိုက်မယ်။ ကြက်သွန်ဖြူကိုလည်း ဓားပြားရိုက်ပြီး ညက်အောင်စင်းထားလိုက်မယ်။ ပဲပေါင်းကတော့ ကိုယ်တိုင်မလုပ်နိုင်လို့ ဈေးသည်ကနေပဲဝယ်တာ ပိုအဆင်ပြေပါတယ်။ အရင်ဆုံး ဆီနီကို တစ်ပွဲစာသင့်ရုံ ထည့်လိုက်မယ်။ ကြက်သွန်ဖြူစင်းထားတာ နည်းနည်း ထည့်ပြီး ဆီသတ်မယ်။ ကြက်သွန်ဖြူမွှေးလာပြီဆိုမှ ကြက်သားထည့်မယ်။ ကြက်သားထည့်လို့ သုံးမိနစ် လောက်နေမှ ပြည်ကြီးငါးနဲ့ ပုဇွန်ထည့်မယ်။ ဆန်ခေါက်ဆွဲပြားထည့်မယ်။ အရသာအပေါ့အငံအတွက်ကတော့ ပဲငံပြာရည်အကြည်နဲ့ ကြက်သား မှုန့်လေးပဲလိုက်မယ်။ အရသာအဆင်ပြေပြီဆိုမှ ဘဲဥခေါက်ထားတာထည့် မယ်။ ပဲပင်ပေါက် ပဲပေါင်းနဲ့ ကြက်သွန်မြိတ်ကိုချခါနီးမှာထည့်လိုက်မယ်။ ဒါဆိုရင်တော့ မြိတ်ကက်ကြေးကိုက် တစ်ပွဲ အဆင်ပြေပြီပေါ့နော်။

ငှက်ပျောပေါင်း
အချိုပွဲအတွက် ငှက်ပျောပေါင်းလုပ်လိုက်ရအောင်။ ငှက်ပျောသီးကိုတော့ ဖီးကြမ်းငှက်ပျောသီးကို သုံးပါမယ်။ ငှက်ပျောသီးအခွံခွာပြီး ရေလေးမြုပ်ရုံထည့်ပြီး ဆူအောင်တည်လိုက်မယ်။ ရေဆူလာပြီဆိုရင် ငါးမိနစ်လောက်နေမှ ရေတွေကိုပြန်စစ်လိုက်မယ်။ ဒါမှ ငှက်ပျောသီးမှာရှိတဲ့ ဖန်တဲ့အရသာ ထွက်သွားမှာ ပြီးမှ ရေသင့်ရုံထည့်ပြီး ငှက်ပျောသီးနူးအောင်တည်လိုက်မယ်။ ငှက်ပျောသီးနူးခါနီးမှ အုန်းနို့ထည့်မယ်။ ဆားလေးနည်းနည်းထည့်မယ်။ အချိုကတော့ ကိုယ်ကြိုက်သလောက် သကြားထည့်ရုံပါပဲ။ သူနဲ့ တွဲစားဖို့အတွက်ကတော့ ကောက်ညှင်းလေးပါပေါင်းထားလိုက်မယ်။ ငှက်ပျောပေါင်းထဲကို ကောက်ညှင်း ပေါင်းလေးထည့်စားရင် ပိုစားလို့ကောင်းတယ်။ 

ဒီတစ်ပတ်ကတော့ မြိတ်ကတ်ကြေးကိုက်ရယ်၊ အချိုပွဲအတွက် ငှက်ပျောပေါင်းလေးရယ်နဲ့ဆိုတော့ စားလို့ကောင်းမှာသေချာတာပေါ့ဗျာ။ အော်မေ့နေလို့ ကြက်ရင်ပုံသားက အရိုးလေးတွေနဲ့ မြိတ်ကတ်ကြေး ကိုက်အတွက် ဟင်းရည်လေးချက်ထားသေးတယ်။ ဒါကတော့ လွယ်ပါတယ်။ ကြက်ရိုးလေးတွေပြုတ် ဆားလေး၊ သကြားလေးသင့်ရုံထည့်ပြီး ငရုတ်ကောင်းမှုန့်လေး ခပ်လိုက်ရုံပါပဲ။ အချဉ်ကတော့ ဘိတ်(မြိတ်) ချဉ်လေးပဲလုပ်လိုက်မယ်။ ပဲငံပြာရည်အာကည်ကောင်းကောင်းလေးထဲကို သကြားလေးနည်းနည်းထည့်ပြီး ကြေအောင်မွှေလိုက်မယ်။ ကြက်သွန်ဖြူနဲ့ငရုတ်သီးစိမ်း မထူမပါးလေးလှီးထည့် လိုက်ရင် ဘိတ်(မြိတ်) ချဉ်အတွက်က အဆင်ပြေပါပြီ။ ဒီတစ်ပတ်အတွက်ကတော့ ဒီလောက်ပဲပေါ့နော်။ နောက်တစ်ပတ်ကျမှ ဆွေမျိုးတွေနဲ့ပြန်ဆုံပြီး နောက်တစ်မျိုးချက်ကြတာပေါ့။ အားလုံး အဆင်ပြေပျော်ရွှင် ပါစေ။

Royal


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment