“အကာအကွယ်မဲ့ ဆက်ဆံမိသွားခဲ့ရင် …”











တကယ်တော့ အကာအကွယ်မဲ့ လိင်ဆက်ဆံမှုပြုမိတယ်ဆိုတာ အစ်ကိုတို့ မလိုချင်ဆုံး၊ ဘယ်သူ့ကို မှလည်း မဖြစ်စေချင်ဆုံး ကိစ္စတစ်ခုဖြစ်ပါတယ် ညေးတို့ရေ။ ဒီအတွက်လည်း ကျန်းမာရေး အသိပညာပေးမှု တွေ လုပ်နေကြတာပါ။
အကာအကွယ်မဲ့ ဆက်ဆံမှုပြုလိုက်တယ်ဆိုတာ ဘာကိုပြောတာလဲဆိုရင် ကွန်ဒုံးလို့ခေါ်တဲ့ ရာဘာ အစွပ် မသုံးလိုက်ဘဲနဲ့ ဆက်ဆံမိလိုက်တာကို ခေါ်တာပါ။ ကွန်ဒုံးဟာ ကာကွယ်မှုနှစ်မျိုး (Dual protection) ကို ပေးနိုင်ပါ တယ်။ တစ်ခုက ကိုယ်ဝန်၊ နောက်တစ်ခုက လိင်ကတစ်ဆင့် ကူးစက်တဲ့ ရောဂါတွေကိုပါ။ ဒါကြောင့် ကွန်ဒုံးမသုံးဘဲ အတူနေလိုက်ရင် ကိုယ်ဝန်ရော ကူးစက်ရောဂါပါ ရသွားနိုင်ပါတယ်။
ကိုယ်တွေက သိပြီးသား၊ သုံးလည်းသုံးဖူးတယ်ဆိုပေမယ့် တစ်ခါတစ်လေမှာ မမျှော်လင့်ဘဲနဲ့ အကာအကွယ်မဲ့ ဆက်ဆံမိလိုက်တာမျိုး ရှိနိုင်တယ်။ ဒါဆို ဘာဆက်လုပ်ရမလဲ။ ပြည့်တန်ဆာ အမျိုးသမီး၊ ကိုယ်နဲ့မသိကျွမ်းတဲ့ အမျိုးသမီးနဲ့ဆို ရောဂါများကူးသွားမလား စိတ်ပူရမယ်။ ကိုယ့်ချစ်သူမိန်းကလေးနဲ့ဆိုရင် တော့ သူ့မှာများ ကိုယ်ဝန်ရသွားမလား စိုးရိမ်ရမယ်။ ဒီလိုအခြေအနေ ၂ မျိုးအတွက် ဘာတွေဆက်လုပ်ရမလဲ ဆိုတာကို ခြုံငုံပြီးတော့ ရေးပြပါမယ်။
(၁) ကိုယ်ဝန်တားပါ ကိုယ်ဝန်တားပါ ကိုယ်ဝန်တားပါ
သိပ်အရေးကြီးပါတယ် ညေးတို့ရေ။ ဖြစ်လာမှ မရှူနိုင်မကယ်နိုင် ဘယ်လိုဖျက်ချရမလဲ လိုက်မေးနေ မယ့်အစား စောစောစီးစီးကတည်းက တားထားပါ။ များသောအားဖြင့် မိန်းကလေးတွေဟာ အရှက်အကြောက် ကြီးသမို့ ဒါတွေလိုက်မေးဖို့၊ ဆေးကိုကိုယ်တိုင်ဝယ်ဖို့ အင်မတန်ရှက်ကြပါတယ်။ ညေးတို့ကပဲ မေး၊ ညေးတို့ ကပဲ ဆေးဆိုင်မှာသွားဝယ် လုပ်နေကြတာ အစ်ကိုသိတယ်။ ဒါကြောင့် ညေးတို့ကို ဒါတွေပြောပြထားရတာ။
ပုံမှန်ကိုယ်ဝန်တားနည်းတွေကတော့ ဆက်ဆံမှုမစခင်မှာ ကြိုသုံးရတယ်။ ဆက်ဆံပြီးမှ သုံးမယ်ဆို အချိန်မမီပါဘူး။ ဒါပေမယ့်လည်း ကံကောင်းတာက ခုလို မရည်ရွယ်ဘဲ အကာအကွယ်မဲ့ ဆက်ဆံမိတာတွေ အတွက် အရေးပေါ်ကိုယ်ဝန်တားဆေးဆိုတာ ရှိနေပြီ။ ညေးတို့လည်း သိကြမှာပါ။
ဒီဆေးက ဘယ်လို အမျိုးသမီးမျိုးနဲ့မဆို သင့်တော်ပါတယ်။ အသုံးပြုပုံကတော့ အကာအကွယ်မဲ့ ဆက်ဆံပြီး နာရီ (၁၂၀)အတွင်း သောက်ရတယ်။ (၅)ရက်အချိန်ရတယ် ဆိုပေမယ့် စောစောသောက်လေ ကောင်းလေပါပဲ။ ရက်ကြာလာတာနဲ့အမျှ အာနိသင်က ကျကျလာပါတယ်။ နှစ်လုံးပါတဲ့ ဆေးကတ်တွေ ဆိုရင်တော့ အဲဒီနှစ်လုံးစလုံးကို တစ်ပြိုင်တည်းသောက်ရမှာပါ။ တစ်လုံးသောက်ပြီး (၁၂)နာရီခြားပြီးမှ နောက် တစ်လုံးထပ်သောက်ရတယ် ဆိုတာမျိုး လုပ်စရာမလိုတော့ပါဘူး။ နှစ်လုံးစလုံး တစ်ပြိုင်တည်းသောက်လည်း အာနိသင်အတူတူပဲ။ (၁၂)နာရီခြားစရာ မလိုတော့တာမို့ ပိုလို့ အမှားနည်းသွားနိုင်ပါတယ်။ ခုဆိုရင် တစ်လုံး တည်းပါတဲ့ ဆေးကတ်တွေတောင် ရှိနေပါပြီ။ ဆေးသောက်ပြီး (၂)နာရီအတွင်း အံထွက်ခဲ့ရင် ထပ်သောက်ဖို့ လိုမှာဖြစ်ပြီး ဘေးထွက်ဆိုးကျိုးအနေနဲ့တော့ ခေါင်းမူးတာ၊ ပျို့အန်တာ၊ ရာသီသွေးပုံမမှန်ဆင်းတာ၊ ရာသီလာ ရမယ့်ရက်ထက် နည်းနည်းနောက်ကျပြီးမှလာတာတွေ ဖြစ်တတ်ပါတယ်။ ဆိုးဆိုးရွားရွား ထိခိုက်စေတာမျိုး မရှိတာမို့ စိတ်ချလက်ချ အသုံးပြုနိုင်ပါတယ်။
(၂) ကိုယ်ဝန်ရှိမရှိ စစ်ဆေးပါ
အရေးပေါ်ကိုယ်ဝန်တားဆေးဟာ ပုံမှန်အသုံးပြုရတဲ့ သားဆက်ခြားနည်းတွေနဲ့စာရင် ထိရောက်မှု နည်းတယ်။ ဒါကြောင့်မို့ ဒီဆေးအချိန်မီ သောက်လိုက်နိုင်တယ်ဆိုဦးတော့၊ ကိုယ်ဝန်မရနိုင်ဘူးလို့ ယတိပြတ် ပြောမရပါဘူး။ ဒီတော့ ကိုယ်ဝန်ရှိမရှိ စစ်ဆေးကြည့်ဖို့ လိုလာပါတယ်။ ဒီနေရာမှာ ညေးတို့တော်တော်များများ မှားနေကြတဲ့ကိစ္စကတော့ အတူနေပြီး တစ်ပတ်လောက်ကြာတာနဲ့ ဆီးစစ်ကြည့်တာပဲ။ ဆီးစစ်တယ်ဆိုတာက သန္ဓေသားလေး သားအိမ်နံရံမှာ ကပ်လိုက်တဲ့အခါ ထွက်လာတဲ့ ဟော်မုန်းကို စစ်ကြည့်တာပါ။ ဘယ်နေ့မှာ စစ်ရင် ပေါ်နိုင်မယ်ဆိုတာ အတိအကျပြောမရပေမယ့် ယေဘုယျအားဖြင့်တော့ ရာသီထိန်ပြီး တစ်ပတ်လောက် နေလို့ စစ်ကြည့်တော့မှ မှန်ကန်တဲ့အဖြေကို ရပါလိမ့်မယ်။ ဒါကို မသိထားဘဲ စစ်ကြည့်လိုက်လို့ ကိုယ်ဝန်မရှိ ဘူးဆိုပြီး စိတ်ချလက်ချနေပြီးမှ ကိုယ်ဝန်ပေါ်လာရင် ညေးတို့စုံတွဲတွေကြားထဲမှာ အထင်လွဲစရာ ဖြစ်လာနိုင်ပါ တယ်။ ဒါကြောင့်မို့ အတူနေပြီး နာရီ(၁၂၀)အတွင်း အရေးပေါ်ဆေးသောက်ပါ။ ရာသီရက် နည်းနည်းလောက် နောက်ကျသွားတတ်တာမို့ ပေါ်ရမယ့်ရက် ပေါ်မလာလည်း စိတ်မပူပါနဲ့။ ရာသီထိန်သွားပြီး တစ်ပတ်လောက် နေရင်သာ ဆီးစစ်ကြည့်လိုက်ပါ။ မရှိသေးဘူးဆိုရင်တော့ စိတ်ချရပါပြီ။
(၃) လိင်မှတစ်ဆင့် ကူးစက်တဲ့ရောဂါတွေမရအောင် ကာကွယ်ပါ
ဒါကတော့ ပြည့်တန်ဆာအမျိုးသမီးနဲ့ ဆက်ဆံမိသွားတဲ့အခါတွေမှာ သတိထားသင့်တာပါ။ ဒီရောဂါတွေကို အဓိကအားဖြင့် နှစ်မျိုးပြန်ခွဲလို့ရသေးတယ်။ ကုလို့ရတဲ့ ရောဂါနဲ့ ကုလို့မရတဲ့ ရောဂါ။ ကုလို့မရဘူးဆိုတာကတော့ HIV ပိုးကို ပြောတာပါ။ ဒီပိုးကို ထိန်းထားလို့ရတဲ့ဆေးတွေ ပေါ်နေပြီ၊ ဒီပိုးကူးစက်ခံလိုက်ရလည်း လူ့သက်တမ်းစေ့ နေလို့ရနေပြီဆိုပေမယ့် အရှင်းပျောက်အောင်တော့ ကုလို့မရသေးပါဘူး။ ကုလို့ရတဲ့ ရောဂါတွေကတော့ ဆီးပူညောင်းကျ၊ ဆစ်ဖလစ်၊ ဒီလို ကာလသား ရောဂါတွေကို ဆိုလိုပါတယ်။ ပိုးသတ်ဆေးတွေနဲ့ စနစ်တကျ ကုသလို့ရနိုင်ပါတယ်။
အဲဒါတွေအတွက် ဘယ်လိုလုပ်ဆောင်သင့်လဲ။
ကာလသားရောဂါတွေအတွက်ကတော့ ရောဂါပိုးဝင်သွားရင် လက္ခဏာပြဖို့ လွယ်ပါတယ်။ ဘာတွေ ဖြစ်လာတတ်လဲဆိုရင် လိင်အင်္ဂါကနေ ပြည်ထွက်တာ၊ အဖြူရည်ကျတာ၊ အနာဖြစ်လာတာတွေ ဖြစ်တတ် တယ်။ ဒါဆို ဆေးရုံဆေးခန်းကို ပြသင့်ပြီ။ မြို့နယ်ဆေးရုံတွေမှာ ကာလသားရောဂါ တိုက်ဖျက်ရေးဌာနတွေ ရှိသလို NGO ဆေးခန်းတွေလည်း ရှိပါတယ်။ အဲဒီမှာ သွားရောက်ကုသမှု ခံယူလို့ရပါတယ်။ ပိုးသတ်ဆေး ပေးမယ်၊ လိုအပ်ရင် ညေးတို့ကောင်မလေးကိုပါ ကုဖို့လိုကောင်းလိုလိမ့်မယ်။ ကွန်ဒုံးတွေလည်း ပေးမယ်၊ သုံးပုံသုံးနည်း မသိရင်လည်း သင်ပေးတယ်၊ လိုအပ်ရင် ဆေးစစ်ပေးတယ်၊ နှစ်သိမ့်ဆွေးနွေးမှုတွေလည်း လုပ်ပေးပါတယ်။ ဒါကြောင့်မို့ နီးစပ်ရာဆေးခန်းတွေမှာ သွားပြတာထက် စနစ်တကျ ကုပေးနိုင်တဲ့နေရာတွေမှာ သွားပြတာ ပိုကောင်းပါတယ်။
နောက်တစ်ခုကတော့ HIV ပိုးပါ။ ဒီပိုးကတော့ သွေးစစ်ဆေးကြည့်မှပဲ သိနိုင်ပါတယ်။ ပိုးဝင်သွားရင် ဒီပိုးက လူခန္ဓာကိုယ်ရဲ့ ခုခံအားစနစ်ကို တိုက်ဖျက်ပါတယ်။ ဒီအခါ လူက တဖြည်းဖြည်း ခုခံအားကျဆင်းလာ မယ်။ ခဏခဏဖျားမယ်၊ ၀မ်းလျှောမယ်၊ ပိန်သွားမယ်၊ အစားအသောက် ပျက်လာမယ်၊ ဒီလိုလက္ခဏာတွေ ပေါ်လာမယ်။ ဒါဆိုရင်တော့ AIDS အဆင့်ကို ရောက်နေပြီလို့ သတ်မှတ်ပါတယ်။
အဲဒီအဆင့်မရောက်ခင် သိဖို့ကတော့ တစ်နည်းပဲရှိပါတယ်။ အဲဒါ သွေးစစ်ဆေးခြင်းပါ။ သွေးစစ်တာနဲ့ ပတ်သက်လို့ တော်တော်များများ မသိကြသေးတာတစ်ခုကတော့ စိတ်အပူလွန်ပြီး ချက်ချင်းသွေးစစ်ကြတာ ပါပဲ။ HIV ပိုးကို စစ်လို့မပေါ်နိုင်သေးတဲ့အချိန်မှာ သွားစစ်တော့ ပိုးမရှိဘူးဆိုတဲ့ အဖြေမျိုးပဲ ရမှာပေါ့။ ဒါက တကယ်မကူးစက်သွားတာလည်း ဖြစ်နိုင်သလို၊ ကူးစက်ခံလိုက်ရပြီး မပေါ်သေးတာလည်း ဖြစ်နိုင်ပါတယ်။ မကူးစက်သွားရင်က ပြဿနာမရှိပေမယ့် ကူးစက်ခံလိုက်ရပြီး မပေါ်သေးတာကို မရှိဘူးလို့ အထင်မှားသွား ရင်တော့ ပြဿနာကြီးပါတယ်။ ကိုယ့်ဆီကနေ တခြားလူတွေဆီ သွေးကတစ်ဆင့်၊ လိင်ဆက်ဆံရာကတစ်ဆင့် ကူးစက်သွားနိုင်လို့ပါ။ ဒါကြောင့်မို့ အကာအကွယ်မဲ့ ဆက်ဆံပြီး အနည်းဆုံး(၃)လကြာတော့မှ သွေးစစ်ဆေး ကြည့်သင့်ပါတယ်။
စစ်ဆေးတဲ့အခါမှာ ကျွမ်းကျင်သူနဲ့ နှစ်သိမ့်ဆွေးနွေးမှုခံယူပြီးမှ စစ်နိုင်တယ်ဆို အကောင်းဆုံးပါပဲ။ ကောင်းကောင်းဆွေးနွေးမှုမခံယူဘဲ သွေးစစ်လိုက်ရင် ပိုးတကယ်ရှိနေတာ သိလိုက်ရတဲ့အခါ တအားစိတ်ဓါတ် ကျသွားနိုင်တယ်။ ဒါကြောင့် ဆွေးနွေးမှုခံယူပြီးမှ စစ်ဆေးပါ။ တကယ်လို့ ပိုးမရှိပါဘူးလို့ အဖြေထွက်ရင်လည်း ဆွေးနွေးမှုလုပ်ထားတဲ့သူက နောက်တစ်ခါ ဒီလိုမဖြစ်အောင် ဘယ်လိုရှောင်ကြဉ်ရမလဲ သိသွားတယ်၊ အပြုအမူတွေ ပြောင်းလဲနိုင်သွားမယ်။ ဒါကြောင့်မို့ စစ်ဆေးမှုမပြုခင် စနစ်တကျ နှစ်သိမ့်ဆွေးနွေးမှုခံယူဖို့ သိပ်အရေးကြီးပါတယ်။
ဒါတွေကတော့ အကာအကွယ်မဲ့ လိင်ဆက်ဆံမှုတစ်ခုလုပ်မိပြီးတဲ့နောက် ညေးတို့အနေနဲ့ လုပ်ဆောင် သင့်တာတွေ၊ သိထားသင့်တာလေးတွေ ဖြစ်ပါတယ်။ ဆောင်းပါးအစမှာ အစ်ကို ပြောခဲ့သလိုပဲ၊ ဒီလို အခြေ အနေတွေဟာ မဖြစ်စေချင်ဆုံးကိစ္စတွေပါ။ ဒါပေမယ့်လည်း မမျှော်လင့်ဘဲ ဖြစ်သွားတဲ့ အခြေအနေမျိုးတွေမှာ တော့ ညေးတို့အတွက် ဒီဆောင်းပါးလေးက တစ်စုံတစ်ရာ အကူအညီဖြစ်စေလိမ့်မယ်လို့ ယုံကြည်ပါတယ်။

ဒေါက်တာ ဖြိုးသီဟ
--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment