ကားအလစ်သုတ်မခံရအောင် ဘယ်လိုကာကွယ်ကြမလဲ…







 
ကားတစ်စီးဟာ စက္ကန့် ၆၀ အတွင်းအခိုးခံရနိုင်ပါတယ်။ ဒါ့အပြင်အလစ်သုတ်ခံလိုက်ရတဲ့ ကား အတော်များများဟာလည်း မူလပိုင်ရှင်ဆီ ပြန်ရောက်မလာတတ်ကြပါဘူး။ ကမ္ဘာတစ်ဝန်းလုံးကို အခြေခံ တွက်ချက်ထားတဲ့ စစ်တမ်းတွေအရ တစ်နှစ်ကို ၁ သန်းထက်ကျော်တဲ့ အရေအတွက်နဲ့ ကားတွေ အလစ်သုတ် ခံနေရတယ်လို့လည်းသိရတာကြောင့် ဒီဖြစ်စဉ်ထဲမှာ ကိုယ့်ကားလေးပါမသွားအောင် လုပ်သင့်တာတွေလုပ် ထားဖို့လိုအပ်ပါတယ်။ ကားဆိုတာ ဒီနေ့အထိ တန်ဖိုးကြီးဇိမ်ခံပစ္စည်းတစ်ခုအနေနဲ့ ရင်းနှီးမြှပ်နှံမှုတစ်ခုလို ၀ယ်ယူသုံးစွဲနေကြရဆဲဖြစ်တာမို့ သူခိုးရန်ကကာကွယ်ဖို့ ကိုယ့်ကားကိုဘယ်လို ထိန်းသိမ်းထားရမလဲဆို တာသိဖို့ လိုအပ်နေမှာမလွဲပါဘူး။

အလင်းရောင်ရှိတဲ့နေရာကို ရွေးပါ
ကားကိုပါကင်ထိုးတဲ့နေရာမှာ လမ်းထဲမှာဖြစ်စေ၊ ဂိုထောင်ထဲမှာဖြစ်စေ အလင်းရောင်ကောင်း ကောင်းရတဲ့နေရာမျိုးကိုပဲ ဦးစားပေးရွေးချယ်သင့်ပါတယ်။ ဂိုထောင်လုံခြုံရေး အလင်းရောင်အောက်မှာ ဒါမှမဟုတ် ဓာတ်တိုင်မီးရောင်အောက်မှာ ပါကင်ထိုးထားတဲ့ကားမျိုးကို ကားသူခိုးတွေပစ်မှတ်ထားတာ နည်းပါတယ်။ မီးရောင်အောက်မှာ ကားတံခါးကိုဖွင့်ဖို့ကြိုးစားတဲ့အခါ သူတို့ကိုလူတွေကအလွယ်တကူ မြင်တွေ့သွားနိုင်သလို သူတို့ကိုယ်တိုင်လည်း လုံခြုံရေးကို အာရုံစိုက်နေရမှာဖြစ်လို့ ဒီလိုကားမျိုးကို အလစ်သုတ်သူအတော်များများက လက်ရှောင်လေ့ရှိကြတာပါ။

အစွန်အဖျားနေရာတွေကို ရှောင်ပါ
ကားပါကင်ထိုးတဲ့အခါ နောက်ထပ်သတိထားရမှာတစ်ခုက အစွန်အဖျားကျတဲ့နေရာတွေကို ရှောင်ရှား ဖို့ပဲဖြစ်ပါတယ်။ ကားဂိုထောင်လိုနေရာရဲ့ အစွန်အဖျားမှာ လွယ်လင့်တကူရပ်ထားတဲ့ကားတွေဟာ အလစ်သုတ်ခံရနိုင်သလို ကားပါကင်လိုနေရာကျယ်ကျယ် သတ်မှတ်ထားတဲ့နေရာတွေမှာလဲ အဖျားနားမှာ အလွယ်တကူရပ်ထားခဲ့တဲ့ကားတွေဟာ အခိုးခံရဖို့ ရာခိုင်နှုန်းပိုများနေတတ်တာပါ။ ဒီလိုကားမျိုးတွေဟာ ခက်ခက်ခဲခဲမောင်းပြေးဖို့ မလိုအပ်လို့ ကားခိုးသူတွေအတွက် ငါးစာချထားပေးသလိုတောင် ဖြစ်နေတတ်ပါ တယ်။ ဒါကြောင့် ကားတွေအပျောက်အရှများတဲ့ နေရာဒေသမှာရှိနေကြသူတွေအနေနဲ့ ကိုယ့်ကားကို အလစ်သုတ်မယ့်သူ အလွယ်တကူထုတ်ယူသွားလို့မရမယ့် နေရာမျိုးမှာလည်း ရှိမနေသင့်တာပါ။

လုံခြုံရေးကိုချီးမြှင့်ဖို့ မမေ့ပါနဲ့
သိန်းနဲ့ချီပြီးငွေပင်ငွေရင်း စိုက်ထူထားရတဲ့ကိုယ့်ကားကို အလွယ်တကူခိုးယူမသွားနိုင်အောင် လုံခြုံ ရေးကိုချီးမြှင့်ငွေပေးတာလောက်တော့ မမေ့လျော့ပဲပြုလုပ်ပေးရပါလိမ့်မယ်။ ကားအများကြီးကိုစောင့်ကြည့်ပေး နေရတဲ့ လုံခြုံရေးအနေနဲ့ ဒါမှကိုယ့်ကားကို ပိုအာရုံစိုက်မိသွားမှာပါ။ ကားအလစ်သုတ်သူတွေဟာ လုံခြုံရေး တွေ ရှိနေတဲ့အခြေအနေမျိုးမှာလည်း လှုပ်ရှားနိုင်စွမ်းရှိနေလို့ ကိုယ့်ဘက်ကထောင့်စေ့အောင် ကာကွယ်ထား ရပါလိမ့်မယ်။

လော့တွေချဖို့ သတိရပါ
ကားအခိုးခံရမှုအတော်များများဟာ အိမ်တွေမှာလည်းဖြစ်ပါတယ်။ ဒါမျိုးတွေကတော့ ကိုယ့်ရဲ့ ပေါ့ဆမှုတွေကြောင့်ဖြစ်ကြတာပါ။ ''ကိုယ့်အိမ်မှာပဲ လုံခြုံမှာပါ''ဆိုတဲ့ အတွေးနဲ့ ကားတံခါးတွေကိုလုံအောင် ပိတ်ဖို့မေ့နေတာ၊ ခြံဝန်းတံခါးတွေကို သေချာပိတ်ဖို့ ပျက်ကွက်တာတွေက ကိုယ့်အိမ်၊ ကိုယ့်ယာမှာထားရင်း ကားပျောက်ရတဲ့ နောက်ကွယ်က အဓိကအကြောင်း အရင်းတွေဖြစ်ပါတယ်။

အချက်ပေးစနစ်တပ်ပါ
တစ်စုံတစ်ယောက်က ကိုယ့်ကားကိုခိုးဖို့ကြံစည်နေပြီဆိုတာနဲ့ သိနိုင်ပါတယ်။ အသံကျယ်လောင်သံ နဲ့ ကားအချက်ပေးစနစ်တွေကို ကားသူခိုးတွေကြောက်လန့်တတ်လို့ မဖြစ်မနေတပ်ဆင်ထားသင့်ပါတယ်။

သော့ပိုတွေကို အလွယ်တကူမထားပါနဲ့
အပိုလုပ်ထားတဲ့သော့တွေကို ကားထဲမှာဒါမှမဟုတ် ကားနဲ့နီးတဲ့ တစ်နေရာမှာအလွယ်တကူမထား ခဲ့ မိအောင် ဂရုစိုက်ရပါလိမ့်မယ်။  သော့အပိုရိုက်ထားတဲ့သူအတော်များများက ကားသော့ကိုအလွယ်တကူ မေ့ထားတတ်ကြလို့ ဒီအချက်က သူခိုးတွေအတွက် အခွင့်အရေးဖြစ်သွားနိုင်ပါတယ်။ ဒါကြောင့် ကိုယ့်မှာ ကားသော့အပိုတွေများရှိနေရင် လုံခြုံရေးနေရာမှာ ထိန်းသိမ်းကြဖို့ အကြံပြုချင်ပါတယ်။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment