“ဆီးစစ်တံတစ်ခုရဲ့ လျှို့ဝှက်ချက်များ”

ကိုယ့်ညီတွေ ဖတ်ရအောင်ဆိုပြီး ညေးတို့ဖတ်ဖို့ဆိုတဲ့ ကဏ္ဍအသစ်လေးကို သောကြာညနေတိုင်း တင်ပေးလာတာ ခုဆို (၆)ပတ်မြောက် ရှိပါပြီ။ ဒီတစ်ပတ်တော့ ယောကျာ်းလေးတွေနဲ့ တိုက်ရိုက် သက်ဆိုင် တယ် မထင်ရပေမယ့် ကိုယ့်ညေးတွေ မကြာခဏ လာမေးလေ့ရှိတဲ့ အကြောင်းအရာတစ်ခုကို ပြောပြချင်ပါ တယ်။

ဘာလဲဆိုတော့ ဆီးစစ်တဲ့အကြောင်းပါ။

ညေးတစ်ယောက်က လာမေးဖူးတယ်၊ သူနဲ့သူ့ကောင်မလေးနဲ့ မတော်တဆ အတူနေမိကြတယ် ပေါ့လေ။ ဗဟုသုတကနည်းတော့ အရေးပေါ်ဆေးသောက်ဖို့လည်း မသိကြဘူး။ အဲဒါနဲ့ နှစ်ယောက်သား ဟိုမေးဒီမေးနဲ့ ကိုယ်ဝန်ရှိမရှိသိချင်ရင် ဆီးစစ်ရတယ်ဆိုတာသိသွားပြီး နောက်တစ်ပတ်လောက်နေတဲ့အခါ ဆီးစစ်ကြည့်တယ်တဲ့။ အဲဒီမှာ တစ်ကြောင်းပဲပေါ်တယ်။ သူတို့လည်း ပျော်သွားကြတာပေါ့။ ကိုယ်ဝန်မရလိုက်ဘူးလို့ ထင်တာပေါ့လေ။ ငါတို့ နောက်ဆို အဲ့လိုမလုပ်တော့ဘူးဆိုပြီးလည်း ကတိထားလိုက်ကြသတဲ့။

အဲ… ဇာတ်လမ်းက လကုန်တော့မှ စတာ။ ကောင်မလေးက ရာသီမပေါ်ဘူး။ အဲဒါနဲ့ ဆီးထပ် စစ်ကြည့်တော့ နှစ်ကြောင်းပေါ်နေရော။ သွားပြီ။ ကိုယ်ဝန်ရှိနေပြီ။ ဘယ်လိုလုပ်ကြမလဲ။

ကောင်မလေးကတော့ ဒီအတိုင်းပဲ ရိုးရိုးပူပန်ပေမယ့် ကောင်လေးစိတ်ထဲမှာက မေးခွန်းတွေ တသီ တတန်း ဖြစ်နေတယ်။ ပထမတစ်ခါစစ်တော့ မပေါ်ဘူး။ ခုကျမှ ကိုယ်ဝန်ဆိုတော့ …  ချစ်သူကို ဖွင့်မေးရမှာ လည်း အားနာ၊ သိကလည်း သိချင်၊ ပွင့်ပွင့်လင်းလင်းပြောရရင် ဟိုသတ္တ၀ါအဖြစ်မခံနိုင်ဘူး။ အဲဒါနဲ့ပဲ အစ်ကို့ ဆီ လာမေးပါတော့တယ်၊ အဲဒါ ဘယ်လိုဖြစ်တာလဲတဲ့။

ရှင်းပြရပြီလေ ဒီအစ်ကိုမှာ။

၁။ ဆီးစစ်လိုက်တာနဲ့ ကိုယ်ဝန်ရှိမရှိ ဘယ်လိုသိသွားနိုင်တာလဲ

အရင်ဆုံးအနေနဲ့ မိန်းကလေးတစ်ယောက် ကိုယ်ဝန်ရတဲ့ဖြစ်စဉ်ကို သိထားဖို့လိုပါတယ်။ အမျိုးသမီး တစ်ယောက်ဟာ အပျိုဖော်ဝင်တဲ့အရွယ်ကနေ သွေးဆုံးချိန်အထိ တစ်လကိုတစ်ခါ မမျိုးဥကြွေပါတယ်။ အဲဒီ မမျိုးဥလေးနဲ့ အမျိုးသားဆီကနေ လိင်ဆက်ဆံလိုက်လို့ဝင်လာတဲ့ သုက်ပိုးနဲ့သားဥပြွန်ထဲမှာ ပေါင်းသွားရင် သန္ဓေအောင်သွားပါတယ်။ အဲဒီအောင်သွားတဲ့ သန္ဓေသားလေးက သားဥပြွန်ထဲကတစ်ဆင့် သားအိမ်ဆီကို ဆင်းလာပြီး သားအိမ်နံရံမှာ တွယ်ကပ်လိုက်ရင်တော့ ဒါကို သန္ဓေတည်တယ်လို့ ခေါ်ပါတယ်။

အဲဒီလိုသန္ဓေသားလေးက သားအိမ်နံရံမှာ တွယ်ကပ်လိုက်တဲ့အခါ Human Chorionic Gonadotropin (hCG) လို့ခေါ်တဲ့ ဟော်မုန်းတစ်မျိုး ထွက်လာပါတယ်။ အဲဒီဟော်မုန်း ဆီးထဲပါလာ မပါလာကို ဆီးစစ်တံနဲ့ စမ်းသပ်တာပါ။ ပါလာတယ်ဆို နှစ်ကြောင်းပေါ်လိမ့်မယ်။ ဒါဆို ကိုယ်ဝန်ရှိနေပြီလို့ သိနိုင်ပါတယ်။

၂။ လိင်ဆက်ဆံပြီး ဘယ်လောက်အကြာဆို ဆီးစစ်လို့ရပြီလဲ

အတိအကျဖြေဖို့ ခက်ပါတယ်။ ဘာလို့လဲဆိုတော့ အမျိုးသမီးရဲ့ မျိုးဥကြွေတဲ့ရက်နဲ့လည်း ဆိုင်လို့ပါ။ နောက်ပြီး သုက်ပိုးကလည်း ခန္ဓာကိုယ်ထဲဝင်ပြီးသွားရင် ရက်အနည်းငယ်အထိ အသက်ရှင်သေးတာမို့ အတူ နေပြီး မျိုးအောင်မှုရှိမရှိ၊ ဘယ်နေ့မှာ မျိုးအောင်ခဲ့သလဲ ဆိုတာတွေကို တိတိကျကျ မပြောနိုင်ပါဘူး။ ဒါကြောင့် မို့ ယေဘုယျအားဖြင့်တော့ ရာသီထိန်သွားပြီး တစ်ပတ်လောက်ကြာတဲ့အခါမှာ စစ်ကြည့်လို့ရပြီလို့ပဲ ပြောနိုင် ပါတယ်။

၃။ ဆီးစစ်တံတစ်ခု ဘယ်လောက်ထိ တိကျမှုရှိသလဲ

ဒါကတော့ ဆီးစစ်တံကို အရည်အသွေး ပြည့်မီအောင် ထုတ်လုပ်ထိန်းသိမ်းမှု၊ ဆီးစစ်တံရဲ့ အရည် အသွေး စတာတွေနဲ့ သက်ဆိုင်သလို၊ ကိုယ်က ဘယ်အချိန်မှာ ဆီးစစ်သလဲ၊ မျိုးဥဘယ်ရက်မှာ ကြွေပြီး ဘယ်ရက်မှာ သန္ဓေအောင်ခဲ့သလဲနဲ့လည်း ဆိုင်ပါတယ်။

ဒါဆို ဘယ်လိုအခြေအနေမျိုးတွေမှာ မှားယွင်းပြီး အဖြေထွက်တတ်သလဲ။

(က) ဆီးစစ်တံက သက်တမ်းလွန်နေတဲ့အခါ

(ခ) ဆီးစစ်ပုံစစ်နည်း မှားယွင်းနေတဲ့အခါ (ဒါကြောင့်မို့ ဆီးစစ်တံရဲ့ အညွှန်းမှာ ရေးထားတဲ့အတိုင်း အတိအကျ လိုက်နာဖို့လိုပါတယ်)

(ဂ) ဆီးစစ်တာ သိပ်စောနေတဲ့အခါ (အပေါ်မှာပြောခဲ့တဲ့ ညေးဖြစ်တာဆို ဒါမျိုးပေါ့၊ အတူနေပြီး ရက်ပိုင်း လောက်မှာ ဆီးစစ်လိုက်တော့ ဟော်မုန်းက ထွက်မယ်တောင် မကြံသေးဘူးလေ၊ ဒီတော့ Negative လို့ပဲ အဖြေပြမှာပါ၊ ဒါကို ကိုယ်ဝန်မရှိဘူးလို့ ယတိပြတ်ပြောမရပါဘူး။)

(ဃ) အရည်တွေအများကြီး သောက်ထားလို့ ဆီးထဲမှာ အရည်ပမာဏများနေတဲ့အခါ

(င) ဆီးဆေးတွေ သောက်ထားတဲ့အခါ

ဒီလိုအခြေအနေတွေမှာဆို ကိုယ်ဝန်ရှိနေပါရက်နဲ့ တစ်ကြောင်းတည်းပဲ ပြနေတတ်ပါတယ်။ ညေးတို့တွေ အဖြစ်တတ်ဆုံးပြဿနာကတော့ စိတ်ပူလွန်ပြီး ဆီးစစ်တတ်ကြတာပဲ။ လွန်ခဲ့တဲ့တစ်ပတ်လောက်ကမှ အတူနေတယ်၊ အခု ဆီးစစ်မယ်ဆို ပေါ်နိုင်ချေနည်းပါတယ်။ ဒါက ကိုယ်ဝန်မရှိတာလည်း မဟုတ်ပါဘူး။ အတိအကျ ပြောမရသေးတာပါ။ ဒါကို ကိုယ်ဝန်မရှိဘူးလို့ သတ်မှတ်လိုက်ပြီး နောက်မှ ကိုယ်ဝန်ပေါ်လာခဲ့ရင် ချစ်သူတွေ၊ စုံတွဲတွေကြား အထင်လွဲစရာတွေ ဖြစ်လာနိုင်ပါတယ်နော်။

၎။ တခြားသော အတည်ယူလို့မရတဲ့ အဖြေတွေ ရှိသေးလား

ဈေးကွက်ထဲမှာ ၀ယ်လုိ့ရတဲ့ တချို့ဆီးစစ်တံတွေမှာတော့ C နဲ့ T ဆိုပြီး ဖော်ပြပေးထားပါတယ်။ C ဆိုတာက Controlled band ၊ နှိုင်းယှဉ်ဖို့အတွက် ရည်ရွယ်တယ်၊ ဒါကြောင့်မို့ ဆီးစစ်တံတိုင်းဟာ ဆီးထဲ နှစ်လိုက်ရင် အဲဒီ Controlled band မှာ ပေါ်ကိုပေါ်ရပါမယ်။ T ဆိုတာကတော့ Test band ပါ။ သူကမှ ကိုယ်ဝန်ရှိမရှိကို အဖြေထုတ်ပေးတာပါ။ သူ့နေရာမှာပေါ်ရင် ကိုယ်ဝန်ရှိတယ်၊ မပေါ်ရင် ကိုယ်ဝန်မရှိဘူး။ ဒါကြောင့် ညေးတို့သိထားသလို နှစ်ကြောင်းပေါ်ရင် ကိုယ်ဝန်ရှိတယ်၊ တစ်ကြောင်းပေါ်ရင် ကိုယ်ဝန်မရှိဘူးလို့ ပြောကြတာပါ။

ဒါကြောင့် C ဆိုတဲ့နေရာမှာ မပေါ်ဘဲ T ဆိုတဲ့ Test band မှာပဲ ပေါ်နေတယ်ဆိုရင် ဒါဟာ ဆီးစစ်တံ အရည်အသွေး မကောင်းလို့ဖြစ်တာပါ။ ဒါကို တစ်ကြောင်းတည်း ပေါ်တယ်ဆိုပြီး ကိုယ်ဝန်မရှိဘူးလို့ သတ်မှတ် လို့မရပါဘူး။

အဲဒီလို Test band တစ်ခုတည်း ပေါ်နေတာအပြင် ဆီးထဲနှစ်လိုက်တဲ့အခါမှာ နှစ်ကြောင်းလုံး ဘာမှပေါ်မလာဘူးဆိုရင်လည်း ဒါကို အတည်ယူလို့မရပါဘူး။ C နေရာဟာ ဘယ်လိုအခြေအနေမှာဖြစ်ဖြစ် ပေါ်ကိုပေါ်ရပါမယ်။

အဲ တကယ်လို့များ Test band မှာ ခပ်ဖျော့ဖျော့လေး ပေါ်နေတာမျိုးဆိုရင်တော့ ဒါဟာ ကိုယ်ဝန်ရှိစ အနေအထားမှာ ဖြစ်တတ်ပါတယ်။ ဒါကြောင့်မို့ နောက်ထပ်တစ်ပတ်လောက်နေတဲ့အခါ ထပ်စစ်လိုက်ရင် တကယ်သာ ကိုယ်ဝန်ရနေတာဆိုရင်တော့ Test band မှာ ထင်ထင်ရှားရှားပေါ်လာတာကို တွေ့ရပါလိမ့်မယ်။

၅။ ဆီးစစ်တာဟာ ကိုယ်ဝန်မရှိကြောင်း စိတ်ချရတဲ့ အဖြေတစ်ခုလား

ရှေ့မှာပြောခဲ့သလိုပါပဲ၊ ဆီးစစ်တာဟာ ရာသီထိန်ပြီး တစ်ပတ်လောက်နေလို့ စစ်ကြည့်တော့မှ တိတိကျကျ သိနိုင်တဲ့ စစ်ဆေးမှုဖြစ်ပါတယ်။ အဲဒီထက်စောရင် ကိုယ်ဝန်ရနေရင်တောင်မှ မရှိဘူးလို့ပဲ ပြမှာ ဖြစ်ပါတယ်။ အဲဒီတော့ ညေးတို့ပြောတယ်၊ ရာသီထိန်ပြီးမှ စစ်လို့သိမှတော့ အစ်ကိုရယ် ဘာလုပ်လို့ရတော့ မှာလဲ တဲ့။ ဟုတ်တယ်၊ ဘာမှလုပ်လို့မရတော့ဘူး။ ဒါကြောင့်မို့ ညေးတို့အနေနဲ့ အစောကတည်းက အဲ့လို စိတ်ပူနေရတာမျိုးမဖြစ်အောင် ကြိုကြိုတင်တင် ကာကွယ်ဖို့လိုတယ်။ ညေးတို့ကွန်ဒုံးသုံးမလား။ ဒါဆို သုံး။ သို့သော်လည်း ပြီးခါနီးမှ စွပ်တာမျိုးမလုပ်နဲ့။ ကိုယ်ဝန်ရတတ်တယ်။ သုက်ရည်အပြင်ထုတ်တဲ့နည်း သုံးမလား။ သုံး။ သို့သော်လည်း ကျွမ်းကျင်ပိုင်နိုင်ဖို့လိုတယ်။ အဲဒီနည်းက ကိုယ်ဝန်ရနိုင်ချေများတယ်။ ကောင်မလေး ကရော သားဆက်ခြားနည်းတခုခုသုံးမလား။ ဒါဆို နှစ်ယောက်သား တိုင်ပင်ပြီး ရွေးချယ်ကြ။ ဆေးခန်းသွားဖို့ မရှက်နဲ့၊ သိချင်တာတွေ မေးဖို့မရှက်နဲ့၊ ခုခေတ်မှာ ဖေ့စ်ဘွတ်၊ အင်တာနက်ဝက်ဆိုက်၊ Application တွေကနေလည်း ဒါတွေကို ဖတ်လို့မေးလို့ ရနေပြီ။ ဒါမှမဟုတ် လုံးဝကိုမရည်ရွယ်ဘဲ ဖြစ်သွားသလား။ ဒါဆို အရေးပေါ်ကိုယ်ဝန်တားဆေး တိုက်။ ဒီနည်းတွေက ၁၀၀ ရာခိုင်နှုန်း စိတ်မချရဘူးဆိုပေမယ့် ၉၉ ရာခိုင်နှုန်း နဲ့အထက် ကာကွယ်ပေးတာမို့ စိတ်ချရတယ်။

ဒါကြောင့်မို့ ညေးတို့အနေနဲ့ လွန်သွားပြီးမှ ဆီးစစ်တံအဖြေကို ရင်တမမနဲ့ ကြည့်နေရတာမျိုး မဖြစ်ကြဘဲ ကြိုကြိုတင်တင် ကာကွယ်ပြီး အစဉ်လှပတဲ့ ဘ၀တွေကို တည်ဆောက်နိုင်ကြစေဖို့ ရည်ရွယ် ရေးသားလိုက်ရပါတယ်။

ဒေါက်တာ ဖြိုးသီဟ

Share on Google Plus