အာရုံစူးစိုက်မှုအပြည့်နဲ့ စာကျက်ချင်တယ်ဆိုရင်











ကျောင်းစာလုပ်ရာမှာ လူတိုင်းအနေနဲ့ ကိုယ့်နည်းစနစ်နဲ့ ကိုယ်တစ်ယောက်နဲ့တစ်ယောက် မတူညီနိုင်ပေ မယ့် ကျောင်းစာလုပ်ရာမှာတော့ အာရုံစူးစိုက်မှုအပြည့်ထားရှိဖို့က အခြေခံအကျဆုံးသော လိုအပ်ချက်ဖြစ်ပါ တယ်။ စာလုပ်တာဟာ တီဗီကြည့်တာလောက်၊ ဟာသစာအုပ်ဖတ်တာလောက် စိတ်ကိုပျော်ရွှင်စေနိုင် စွမ်းမရှိပေမယ့် ကိုယ့်ဘ၀တက်လမ်းအတွက် တိုးတက်ရာတိုးတက်ကြောင်းအတွက် စာသင်ကြားမှုက မဖြစ်မနေအရေးပါနေပါတယ်။ ဒီလိုစာလုပ်နေတုန်း အာရုံစူးစိုက်မှုအပြည့် ဘယ်လိုထားရမယ်ဆိုတာ နည်းလမ်းကောင်းလေးတွေပေးချင်ပါတယ်။

ဂီတနားထောင်ခြင်း
တကယ်လို့ ကိုယ့်မိဘ၊ ကိုယ့်အခန်းဖော်တွေက ကိုယ်စာကျက်နေတုန်း အမြဲတမ်းဆူညံနေမယ်ဆိုရင် ကိုယ့်အနေနဲ့ အာရုံစူးစိုက်မှုမပြတ်စေဖို့အတွက် အဲဒီအချိန်မှာသီချင်းနားထောင်ပေးရင် နားထောင်ပေးရပါ မယ်။ ဒါပေမဲ့ အဲဒီလိုသီချင်းနားထောင်ချိန်မှာ ကိုယ်အကြိုက်နှစ်သက်ဆုံး သီချင်းနားမထောင်မိစေ ဖို့လို အပ်ပြီး အဲဒီလို ကိုယ်ကြိုက်တဲ့သီချင်းနားထောင်မိရင် စာအပေါ်ရောက်နေတဲ့ ကိုယ့်ရဲ့စိတ်အာရုံ ကသီချင်းအပေါ်ကို ရောက်သွားနိုင်လို့ပါ။ 

လျှပ်စစ်ပစ္စည်းတွေနဲ့ဝေးရာမှာနေခြင်း
တကယ်လို့ ကိုယ့်ရဲ့မှတ်စုစာတွေက ကွန်ပျူတာထဲမှာရှိမယ်ဆိုရင် အဲဒီမှတ်စုစာတွေကို ပရင့်ထုတ်ပြီး လျှပ်စစ်ပစ္စည်းတွေနဲ့ အတတ်နိုင်ဆုံးဝေးရာမှာနေဖို့လိုအပ်ပါတယ်။ ဒါအပြင် ကိုယ့်ရဲ့ဖုန်းကိုလည်း ဆိုင်း လင့်လုပ်ထားပြီး ကိုယ့်မျက်စီကွယ်ရာမှာထားဖို့လည်း မမေ့ပါနဲ့။ ကိုယ့်အနေနဲ့ အရေးပေါ် ဖုန်းတွေ ၀င်လာမလားဆိုပြီး တစ်နာရီတစ်ခါလောက် ပြန်စစ်နိုင်ပေမယ့် သာမန်ကိစ္စနဲ့ဝင်လာတဲ့ ဖုန်းတိုင်းကိုတော့ အကြောင်းပြန်ဖို့ မလိုပါဘူး။ ဒီလိုဝင်လာသမျှဖုန်းတိုင်းကို ကိုယ့်ဘက်ကလက်ခံဖြေကြားမယ်ဆိုရင် ကျောင်းစာအပေါ်ရောက်နေတဲ့ ကိုယ့်ရဲ့အာရုံစူးစိုက်မှုကလည်း ပျက်ယွင်းသွားမှာသေချာပါတယ်။ 

စနစ်ဟောင်းထဲမှခွဲထွက်ခြင်း
အတော်များများက စာကျက်ရင် အချိန်ကြာမြင့်စွာတစ်ဆက်တည်းကျက်မှ စာအရမြန်တာဆိုပြီး လွဲမှားတဲ့အယူအဆတွေကိုင်ဆွဲထားတတ်ပါတယ်။ ဒါပေမဲ့ ကိုယ့်ရဲ့ဦးနှောက်ကအချိန်ကြာလာရင် မှတ်ဉာဏ်အားနည်းသွားတတ်ပြီး လူကလည်း ငြီးစီစီဖြစ်လာတတ်ပါတယ်။ နောက်ပြီး ကိုယ်စာလုပ်နေတုန်း အခြားအနှောင့်အယှက်တွေဝင်မလာအောင် စာမလုပ်ခင်ကတည်းက ခွေးစာကျွေးတာတို့၊ အီးမေးလ်စစ်တာတို့ စတဲ့ အလုပ်တွေပြတ်အောင်လုပ်ထားရပါမယ်။ 

အာရုံမထွေပြားပါနဲ့
တကယ်လို့ကိုယ်က စာမေးပွဲနီးနေလို့ ကျက်စရာဘာသာတွေ အများအပြားကျန်ရှိနေသေးမယ်ဆိုရင် ဟိုဟာကျက်ရကောင်းနိုး ဒီဟာကျက်ရကောင်းနိုးနဲ့ အာရုံတွေထွေပြားတတ်ပါတယ်။ တကယ်လို့ ကိုယ်က Chemistry ကျက်နေရင် Physics စာတွေနဲ့ ပက်သတ်တာတွေကို အာရုံထဲမထည့်မိဖို့လိုအပ်ပြီး တကယ်လို့ စိတ်အာရုံက နောက်ထပ်ကျက်ရမယ့် Physics ဘက်ကိုရောက်နေရင် လက်ရှိကျက်မှတ်နေတဲ့ Chemistry ကိုလည်း အပြည့်အ၀ အာရုံစိုက်နိုင်မှာ မဟုတ်တော့ပါဘူး။ အဲဒီတော့ ကိုယ့်အနေနဲ့ တစ်ဘာသာကျက်နေချိန်မှာ တခြားဘာသာနဲ့ပတ်သက်လို့ အချိန်မလောက်ဖြစ်မှာမျိုး စိုးရိမ်နေဖို့မလိုဘဲ လက်ရှိကျက်မှတ်နေတဲ့ဘာသာပေါ်မှာပဲ အပြည့်အ၀အာရုံစိုက်ထားဖို့လိုအပ်ပါတယ်။ 

နေရာအနေအထား
တကယ်လို့ ကိုယ်စာကျက်နေတဲ့နေရာရဲ့ ပတ်ဝန်းကျင်နားမှာ ပါတီပွဲကျင်းပနေတယ်ဆိုရင် ကိုယ့်အနေနဲ့လည်း လက်ရှိကျက်နေတဲ့စာအပေါ်မှာ အာရုံစူးစိုက်မှုအပြည့်ထားရှိဖို့ မလွယ်ကူနိုင်ပါဘူး။ စာကျက်ဖို့အကောင်ဆုံးနေရာကတော့ ဆိတ်ငြိမ်အေးချမ်းတဲ့နေရာဖြစ်ပြီး အကောင်းဆုံးကတော့ ကိုယ့်အိမ်ထက် စာကြည့်တိုက်လိုနေရာမျိုးပါပဲ။ နောက်ပြီး ကိုယ်စာကျက်နေတဲ့ ပတ်ဝန်းကျင်အနေအထားကလည်း သန့်ရှင်းသပ်ရပ်နေမှသာ စိတ်အာရုံကကြည်လင်လန်းဆန်းနိုင်ပြီး စာပေါ်မှာ အပြည့်အ၀အာရုံစိုက်နိုင်မှာဖြစ်ပါတယ်။ တကယ်လို့ ကိုယ့်ရဲ့စာအုပ်စင်က ဗြုတ်စဗျင်းတောင်းဖြစ်နေရင် ကိုယ့်ရဲ့စိတ်က အလိုလိုတည်ငြိမ်အေးချမ်းမှုဖြစ်လာနိုင်ပါတယ်။

ကျန်းမာရေးက ပထမ
တကယ်လို့ ကိုယ်ကတစ်နေ့လုံးဘာမှမစား တစ်ညလုံးတစ်မှေးမှမအိပ်ဘဲ စာကျက်နေမယ်ဆိုရင် အဲဒီစာအပေါ်မှာ အာရုံအပြည့်စိုက်နိုင်ဖို့ကလည်း ခက်ခဲနိုင်ပါလိမ့်မယ်။ ကျန်းမာရေးက လူတစ်ယောက်အတွက်အရေးအကြီးဆုံးဖြစ်ပြီး ကျန်းမာနေမှ ကိုယ်လည်းစာတွေ ကျက်မှတ်လေ့လာနိုင်မှာဖြစ်ပါတယ်။ အိပ်ချင်စိတ်ကို အနိုင်နိုင်ထိန်းရင်း ငိုက်မျဉ်းနေမယ်ဆိုရင် ကိုယ့်အတွက်အကျိုးရှိလာမှာမဟုတ်ဘဲ အပင်ပန်းခံရကျိုးလည်း နပ်မှာမဟုတ်ပါဘူး။ ခန္ဓာကိုယ်က ကိုယ့်စိတ်ရဲ့ခေါင်းဆောင်ရာနောက်ကို လိုက်နိုင်တဲ့အင်အားရှိမှသာ ကိုယ်လုပ်တဲ့အရာတွေက တကယ်ဖြစ်လာမှာဖြစ်ပါတယ်။ 

ခဏတဖြုတ်နားခြင်း
စာကျက်နေတုန်း ခဏတဖြုတ် အနားယူတာကလည်း ကိုယ်ခန္ဓာကျန်းမာရေးအတွက်ရော၊ ဦး နှောက်လန်းဆန်းမှုအတွက်ကိုပါ အထောက်အကူဖြစ်စေပါတယ်။  (၅) မိနစ်လောက်စာကျက်ပြီးတိုင်း (၂) မိနစ်လောက်ဦးနှောက်ကိုအနားပေးဖို့မမေ့ပါနဲ့။ ကိုယ့်ရဲ့စာကျက်ချိန်က ဦးနှောက်ကိုအနားပေးချိန်ထက် ပိုမိုများပြားရမယ်ဆိုတာ လက်သင့်ခံရမယ့်အချက်ဖြစ်ပေမယ့် ဦးနှောက်ကိုအနားပေးတဲ့အနေနဲ့ အစားအစာတစ်ခုခုစားတာမျိုး ရုပ်ရှင်ကြည့်တာမျိုးတွေလည်း ပြုလုပ်သင့်ပါတယ်။ အဲဒီလို ဦးနှောက်ကိုအနားပေးပြီး စာပြန်ကြည့်တဲ့အခါမှာ အနားမပေးဘဲ ဆက်တိုက်စာကြည့်တာထက် ပိုမိုစာရတာကိုခံစားရပါလိမ့်မယ်။


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment