ယုံကြည်မှုရှိသူတွေက ဒါမျိုးမလုပ်ဘူး













ကိုယ့်ကိုယ်ကိုယ် ယုံကြည်မှုရှိတဲ့လူတွေကလည်း ပြီးပြည့်စုံတဲ့၊ ပြစ်မျိုးမှဲ့မထင်လူတွေမဟုတ်ပါဘူး။ သူတို့ဟာ အမှားတွေကျူးလွန်တတ်ကြသလို နောက်ဆုံးထိတ်လန့်ကြောက်ရွံ့မှုတွေလည်းရှိတတ်ပါတယ်။ ဒါပေမဲ့ သူတို့ဟာ အဲဒီအရာတွေကို ဘ၀အောင်မြင်ရေးလမ်းကြောင်းမှာ တားဆီးတဲ့အရာတွေအဖြစ် လက်မခံကြပါဘူး။   သူတို့ဟာ သူတို့ရဲ့ဘ၀တွေကို ကိုယ်တိုင် Contorl လုပ်နိုင်စွမ်းရှိပြီး သူတို့ရဲ့နက်နဲပြင်းထန်တဲ့အလိုဆန္ဒကို ယုံကြည်မှုအပြည့်ရှိပါတယ်။  ယုံကြည်မှုဆိုတာ လက်ဆုပ်လက်ကိုင်ပြလို့မရပေမယ့် ယုံကြည်မှုရှိသူတွေကို အတုယူပြီး ကိုယ်လည်းအောင်မြင်ကျော်ကြားတဲ့ဘ၀ ပိုင်ဆိုင်နိုင်စွမ်းရှိပါတယ်။ ဒီတော့ ယုံကြည်မှုရှိသူတွေဆီမှာ မတွေ့ရတဲ့အချက်တွေကို ဖော်ပြပေးလိုက်ပါတယ်။
တခြားသူတွေဆီက ဆုံးဖြတ်ချက်တွေ အမြဲတမ်းမတောင်းပါဘူး
ကိုယ့်ကိုယ်ကိုယ် ယုံကြည်စိတ်ချမှုရှိသူတွေဟာ ကိုယ့်ရဲ့စွမ်းအားကို ယုံကြည်သူတွေဖြစ်ပြီး တခြားသူတွေရဲ့သဘောတူထောက်ခံခြင်းကို သိပ်မလိုအပ်ပါဘူး။ ဆုံးဖြတ်ချက်ချရင်လည်း ကိုယ်ပိုင်ဆုံးဖြတ်ချက်ချနိုင်မှုအပေါ်ကိုပဲ ပျော်ရွှင်လေ့ရှိပြီး အမှားဖြစ်သွားရင်တောင် အဲဒီအမှားကို ပျော်ပျော်ကြီးလက်သင့်ခံလေ့ရှိပါတယ်။ 

အချိန်ဆွဲပြီး အီးရောအီးရောလုပ်တာမျိုးလည်း မရှိပါဘူး
ယုံကြည်မှုရှိသူတွေဟာ လမ်းကြောင်းသစ်ရဲ့ပထမဆုံးလမ်းကို လျှောက်လှမ်းဖို့ ဘယ်တော့မှမကြောက်ရွံ့ပါဘူး။ နောက်ဆုံး အဲဒီအရာကိုလုပ်ဖို့ဆန္ဒမရှိဘူးဆိုရင်တောင်မှ လုပ်ဖို့မဖြစ်မနေလိုအပ်နေရင် အဲဒီအရာကို ပြီးစီးတဲ့အထိ မပျင်းမရိလုပ်ဆောင်လေ့ရှိပါတယ်။  မလုပ်ချင်တာမျိုးကို အချိန်ဆွဲပြီး အီးရောအီးရောလုပ်တာမျိုးက ကိုယ့်ရဲ့တန်ဖိုးရှိလှတဲ့အချိန်တွေကို ဖြုန်းတီးရာရောက်တယ်ဆိုတဲ့အဆိုကိုလည်း လက်ကိုင်ထားသူတွေဖြစ်ပါတယ်။

အိပ်မက်တွေကို အသက်မဲ့သွားဖို့လည်း ခွင့်မပြုဘူး
ယုံကြည်မှုရှိသူတွေဟာ အိပ်မက်တွေက ဇိမ်ခံနေရာတွေရောက် ရင်အဆုံးသတ်သွားနိုင်တယ်ဆိုတာကို နားလည်သဘောပေါက်ထားတာကြောင့် အဲဒီနေရာအထိမရောက်အောင် ကိုယ့်ကိုယ်ကိုယ် သတိပေးလေ့ရှိပါတယ်။ မသိမြင်တဲ့အကြောင်းအရာဆီ ကိုယ့်ကိုယ်ကိုယ် တွန်းတင်တာက အကောင်းဆုံးဖြစ်တယ်လို့လည်း ခံယူထားလေ့ရှိပါတယ်။ 

ဆင်ခြေဆင်လက်လည်း မများဘူး
တကယ်လို့ အမှားတစ်ခုခုကျူးလွန်မိသွားရင်လည်း ယုံကြည်မှုရှိသူတွေဟာ အကျိုးသင့်အကြောင်းသင့် မဟုတ်တဲ့ အကြောင်းပြချက်ဆင်ခြေတွေပေးလေ့မရှိပါဘူး။ အဲဒီအစား ကိုယ်ကျူးလွန်လိုက်တဲ့ အမှား တစ်ခုအတွက် ဖြစ်ပေါ်လာမယ့်အရာမှန်သမျှကို တာဝန်ယူဖြေရှင်းပေးလေ့ရှိပါတယ်။ ဒါမှလည်း ကိုယ့်ဘ၀ တစ်လျှောက်လုံးအတွက် ပတ်ဝန်းကျင်ရော၊ ကိုယ့်မိသားစုကပါ ယုံကြည်အားကိုးသူဖြစ်လာမှာသေချာ ပါတယ်။

တခြားသူတွေနဲ့ပြိုင်နေရတယ်လို့ မထင်ပါဘူး
ယုံကြည်မှုရှိသူတွေဟာ ဒီနေ့ကိုယ်က မနေ့ကကိုယ်ထက်ပိုကောင်းအောင်ပဲ အားပြိုင်လေ့ရှိပြီး တခြားသူတွေနဲ့ ယှဉ်ပြိုင်နေတာမျိုးမလုပ်ပါဘူး။ မနေ့ကကောင်းအောင် လုပ်ခဲ့တာထက် ဒီနေ့ပိုကောင်းအောင် လုပ်မယ်ဆိုတာမျိုးပဲ စိတ်နှစ်ထားပြီး အဲဒီကာလက အချိန်အတိအကျမရှိပါဘူး။ ယုံကြည်မှုရှိသူတွေဟာ ကိုယ့်ကိုယ်ကိုယ် တိုးတက်အောင်ပဲ အမြဲတမ်းကြိုးစားလေ့ရှိပြီး တခြားသူတွေနဲ့ ပြိုင်ဖို့လည်း ၀ါသနာမပါ"ပါဘူး။

အဆိုးမြင်ဝါဒီသမားတွေနဲ့လည်း ပေါင်းသင်းဆက်ဆံမှုမလုပ်ပါဘူး
ယုံကြည်မှုမြင့်မားတဲ့သူတွေဟာ အနှုတ်လက္ခဏာဆောင်လွန်းတဲ့ပတ်ဝန်းကျင်မှာလည်း နေဖို့ဆန္ဒမရှိပါဘူး။ အဲဒီလိုအဆိုးမြင်ဝါဒီတွေနဲ့ပေါင်းသင်းဆက်ဆံရင် ပြဿနာတွေကို ရှောင်တမ်းမရဘူးဆိုတာကိုလည်း နားလည်ထားပါတယ်။ အဲဒီလိုအဆိုးမြင်ဝါဒီတွေအစား ကိုယ့်စိတ်ကို အားပေးချီးမြှင့်ရာရောက်တဲ့ အကောင်းမြင်သမားတွေနဲ့ပဲ ပေါင်းသင်းဆက်ဆံလေ့ရှိပါတယ်။

ကိုယ့်မှာရှိတဲ့အရာကိုလည်း လျစ်လျူမရှုဘဲ ဖြစ်အောင်လုပ်လေ့ရှိပါတယ်
ယုံကြည်မှုရှိသူတွေဆီက သူတို့ဆီမှာ ကိရိယာတန်ဆာပလာနဲ့  အင်အားတွေမရှိတာကြောင့် ဒီအလုပ်တော့မလုပ်နိုင်ပါဘူးဆိုပြီး အားလျှော့တဲ့စကားမျိုးကြားရမှာမဟုတ်ပါဘူး။ အဖြေစကားက ဒီပြဿနာကို ဖြေရှင်းဖို့လိုအပ်တဲ့ ပစ္စည်းတွေရှာပြီး ပြီးစီးအောင်လုပ်မယ်ဆိုတဲ့ကတိစကားပါပဲ။ 

တခြားသူတွေရဲ့ခြေရာအတိုင်း လိုက်မနင်းကြပါဘူး
တခြားသူတွေနဲ့ ကိုယ့်ကိုယ်ကိုယ် အားမပြိုင်သလို တခြားသူတွေလိုဖြစ်ရမယ်ဆိုပြီး စိတ်ပိုင်းဖြတ်တာမျိုးလည်း မရှိပါဘူး။ ယုံကြည်မှုရှိသူတွေဟာ ကိုယ့်ရဲ့ဘ၀ကို ပျော်ပျော်ရွှင်ရွှင်လက်သင့်ခံလေ့ရှိပြီး တခြားသူတွေကို အားကျတာမျိုးလည်းမရှိပါဘူး။

တခြားသူတွေကို ဆုံးဖြတ်ပေးလေ့မရှိသလို ကောလာဟလတွေလည်း ပြောလေ့မရှိပါဘူး
ကိုယ့်ကိုယ်ကိုယ် ယုံကြည်မှုရှိသူတွေဟာ အတင်းအဖျင်းစကားဝိုင်းတွေမှာ ပါဝင်ဆင်နွှဲလေ့မရှိသလို ကောလာဟလသတင်းတွေပြောဖို့လည်း ခါးခါးသီးသီးမုန်းတီးလေ့ရှိပါတယ်။ နောက်ပြီး နောက်ကျောဓားနဲ့ထိုးတာမျိုးသူများ နောက်ကွယ်မှာအတင်းပြောတာလည်း ရှောင်ရှားလေ့ရှိပါတယ်။ သူတို့ဟာ သူတို့ရဲ့ဘ၀အောင်မြင်မှုရရှိဖို့ လုံလောက်တဲ့ကုသိုလ်ရရှပြီးဖြစ်တယ်လို့ခံယူထားပြီး တခြားသူတွေရဲ့အောင်မြင်ခြင်း၊ ကျဆုံးခြင်းတွေကိုလည်း အဆုံးအဖြတ်ပေးလေ့မရှိပါဘူး။

အလွယ်တကူ အရှုံးပေးလေ့မရှိပါဘူး
သူတို့ဟာ ပြီးပြည့်စုံတဲ့လူတွေမဟုတ်ပေမယ့် ကိစ္စတွေ၊ ဖြစ်ရပ်တွေက ကိုယ်စီစဉ်ထားသလို ဖြစ်မလာရင်လည်း အလွယ်တကူ အလျှော့မပေးတတ်ဘဲ နောက်တစ်ကြိမ်ကြိုးစားလေ့ရှိပါတယ်။ တကယ်လို့ အမှားကျူးလွန်မိရင် အဲဒီအမှား ဘယ်ကြောင့်ကျူးလွန်မိသလဲဆိုတာ သေချာရှာဖွေလေ့ရှိတာကြောင့် နောက်တစ်ကြိမ် ဒီလိုအမှားမျိုးကျူးလွန်မိဖို့က အတော်လေးခက်နိုင်ပါတယ်။



--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment