ခင်ရူပါရဲ့ အမြင်










တချို့ကလေးတွေလို အဖေအမေကိုကပ်ချွဲပြီးတော့ မိဘအလိုလိုက်တာခံရပြီး လိုလေသေးမရှိတာမျိုး နေချင်တာ
ခင်ရူပါ

ငယ်ငယ်တုန်းက အစ်မရဲ့ မိသားစုဘ၀ကို ပြန်လွမ်းပါတယ်။ အရင်တုန်းက အဖေရယ်၊ အမေရယ်၊ အစ်ကိုရယ်၊ အစ်မရယ် မိသားစုတွေပျော်ဖို့ကောင်းတယ်။ ဒါပေမဲ့ အစ်မ (၁၀)တန်း မှာ အဖေနဲ့အမေကွဲသွားတယ်။ ဒါပေမဲ့ ကိုယ့်ခြေထောက်ပေါ်ကိုယ်ရပ်တည်နိုင်အောင် ကြိုးစားတယ်။ စိတ်တော့ အရမ်းပင်ပန်းတယ်။ တစ်ခါတလေကျရင် တချို့ကလေးတွေလို အဖေအမေကိုကပ်ချွဲပြီးတော့ မိဘအလိုလိုက်တာခံရပြီး လိုလေသေးမရှိထားတာမျိုး နေချင်တာပေါ့နော်။ အစ်မ အဲလိုမျိုးဖြစ်နေလို့လည်း အစ်မဘ၀ အဲလိုဖြစ်လာမှာမဟုတ်ဘူးလေ။ အစ်မဘာသာ ကြိုးစားပြီးနေထိုင်မယ်။ ဘယ်သူ့ကိုမှလည်း အပြစ်မတင်နေတော့ဘူး။ လိုက်အပြစ်တင်နေရင်လည်း ကုသိုလ်မပြောနဲ့ အကုသိုလ်တွေချည်းပဲ ရနေတော့မှာ။ အဲဒီတော့ အစ်မစကားသိပ်မပြောတော့ဘူး။ အိမ်မှာ အစ်မအရမ်းစကားနည်းတယ်။ အစ်မအဆင်ပြေအောင် အကုန်လုပ်ပေးတယ်။ အစ်မလုပ်ခဲ့တာတွေ အကုန်မှန်တယ်ဆိုရင် အစ်မတစ်နေ့ကောင်းတာဖြစ်မှာပဲ။ အဲဒီစိတ်နဲ့ပဲ အခုချိန်မှာဘယ်လောက် ဒုက္ခရောက်ရောက်၊ ဒဏ်ရာတွေ ဘယ်လောက်များများ အစ်မကိုယ်အစ်မ စိတ်ကိုရအောင်ဖြေသိမ့်တယ်။

Q;      ဒီခေတ်မှာ Broken Family တွေက များတယ်လေ။ အဲလို Family တွေထဲက ကလေးတွေကို စိတ်ဓာတ်မကျစေဖို့ ဘယ်လိုစကားမျိုးလေးတွေ Share ပေးချင်လဲ။ ဘယ်လိုနေထိုင်သွားရင် အဆင်ပြေနိုင်တယ်ဆိုတာမျိုးပေါ့။

A;       အစ်မကတော့ အဲလိုကလေးတွေကို ကိုယ့်အားကိုယ်ပဲကိုးစေချင်တယ်။ တခြားလူကို အားကိုးနေတယ်ဆိုရင် သူများကိုအားကိုးနေသရွေ့ကတော့ သူများနဲ့အဆင်ပြေအောင် လိုက်နေနိုင်မှ အဆင်ပြေမှာဆိုတော့ ကိုယ်ကဘယ်တော့မှဦးစားပေးခံရတဲ့သူ ဖြစ်မလာနိုင်တော့ဘူး။ ကိုယ့်ကိုယ်ကိုယ် အားကိုးစေချင်တယ်။ ကိုယ့်လမ်းကိုယ်ဖောက်တတ်စေချင်တယ်။ မွေးကတည်းက ကိုယ်လက်အင်္ဂါပြည့်စုံနေတယ်ဆိုရင် သူ့မှာအရည်အချင်းတစ်ခုတော့ရှိတယ်။ အရင်ဆုံး ကိုယ့်အရည်အချင်းကဘာလဲသိအောင်လုပ်ရမယ်။ အချိန်အားဖြင့်ကြာကောင်းကြာလိမ့်မယ်။ ဒါပေမဲ့ စိတ်ဓာတ်မကျဘဲနဲ့ ရုန်းကန်ရမှာပဲလေ။ အထူးသဖြင့် မိန်းကလေးတွေကို သတိပေးချင်တယ်။ ယောက်ျားလေးတွေကို အရမ်းကြီးမမှီခိုစေချင်ဘူး။ ကိုယ့်ရဲ့အရည်အချင်းနဲ့ကိုယ်၊ ကိုယ့်ရဲ့ဂုဏ်နဲ့ကိုယ်၊ ကိုယ့်အလှတရားနဲ့ကိုယ်၊ ကိုယ့်ကိုယ်ကိုယ် တန်ဖိုးထားပါလို့။ အဲဒီတော့မှ သူများကလည်း ကိုယ့်ကိုတန်ဖိုးထားမှာပေါ့။

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus

0 comments:

Post a Comment