အမှားတွေကို ဘယ်လိုခွင့်လွှတ်မလဲ

“The only things that our hearts are made of,

Are the acts of forgiveness and love”

အဆိုတော်မလေး မိုင်လေးဆိုင်းရပ်က သီဆိုထားပါတယ်။ လူသားတွေရဲ့နှလုံးသားကို ခွင့်လွှတ်ခြင်း၊ ချစ်ခြင်းတရာတွေနဲ့ ဖန်ဆင်းထားတာမဟုတ်ပါလား။ တချို့လူတွေဟာ သူများတကာအမှားကို ခွင့်လွှတ် တတ်ကြပါတယ်။ တချို့တွေက ကိုယ့်ကိုယ်ကိုယ်ခွင့်လွှတ်တတ်ကြပါတယ်။ တချိုကျပြန်တော့လည်း ကိုယ်လုပ်ခဲ့တဲ့အမှားတစ်ခုအတွက် နောင်တတွေရင်မှာပိုက်ပြီး ၀မ်းနည်းပူဆွေး၊ နောင်တရနေတတ်ကြ ပါတယ်။ သူများတွေရဲ့အမှားကို ခွင့်လွှတ်သည်းခံတတ်သလို ကိုယ့်ရဲ့အမှားကိုလည်း ခွင့်လွှတ်တတ်ဖို့ လိုပါတယ်။ 

ဘာကြောင့်သေးငယ်တဲ့အမှားလေးတစ်ခုအတွက် ကိုယ့်ကိုယ်ကိုယ် အပြင်းအထန်ဝေဖန် အပြစ်တင်နေမှာ ပါလဲ။ တကယ်လို့ ကိုယ်ဟာပြုလုပ်ခဲ့တဲ့အမှားတစ်ခုအတွက် ကိုယ့်ကိုယ်ကိုယ် အပြစ်တင်နေတတ်တဲ့ လူတွေထဲက တစ်ယောက်ဆိုရင်တော့ အခုပြောပြမယ့် အကြောင်းအရာလေးတွေကို အချိန်အနည်း ငယ်ပေးပြီး ဖတ်ကြည့်ပေးပါ။

ကိုယ့်ကိုယ်ကိုယ်အကောင်းဆုံးလုပ်ခဲ့တယ်လို့ နားလည်ထားလိုက်ပါ

ကျွန်ုပ်တို့အားလုံးမှာ မတူညီတဲ့အရည်အချင်းတွေ၊ မတူညီတဲ့အရည်အသွေးတွေ ကိုယ်စီရှိကြပါတယ်။ အဲဒါကြောင့် ပြုမူဆောင်ရွက်တဲ့အရာရာတိုင်းမှ မဟုတ်ပါဘူး။ ကိုယ်လုပ်ဆောင်ခဲ့တဲ့ အပြုအမူတစ်ခုဟာ ဒီထက်ပိုပြီးကောင်းဖို့ အလားအလာရှိကောင်းရှိနိုင်ပါတယ်။ ဒါပေမဲ့ ကိုယ်ဟာအတိုင်းအတာတစ်ခုအထိပဲ လုပ်နိုင်ခဲ့တာဆိုရင် ကိုယ်အတတ်နိုင်ဆုံး၊ အကောင်းဆုံးလုပ်ဆောင်ခဲ့တယ်လို့ ယုံကြည်လိုက်ပါ။

ကိုယ့်ကိုယ်ကိုယ်ချစ်မြတ်နိုးပါ

ကိုယ့်ကိုယ်ကိုယ်ခွင့်လွှတ်ဖို့ နောက်ထပ်နည်းလမ်းတစ်ခုကတော့ ကိုယ့်ကိုယ်ကိုယ်ပိုပြီးချစ်မြတ်နိုးပါ။ တကယ်လို့များ ကိုယ်ချစ်ခင်တဲ့လူ၊ ကိုယ်ခင်မင်တဲ့လူတစ်ယောက်က မသိကျိုးကျွံ အမှားတစ်ခုခုပြု လုပ်ခဲ့မယ်ဆိုရင် သူ့ကိုဒေါသတကြီး ဝေဖန်ပြောဆိုနေမှာပါလား။ ကိုယ့်ပတ်ဝန်းကျင်က လူတွေက ချစ်မြတ်နိုပြီး ခွင့်လွှတ်မှုနဲ့ထိုက်တန်သလို ကိုယ်ကိုယ်တိုင်ကလည်း ၄င်းချစ်ခင်မြတ်နိုးမှုနဲ့ ထိုက်တန်တယ် လို့ မှတ်ယူလိုက်ပါ။

ဘ၀ကိုစာအုပ်တစ်အုပ်အဖြစ်မှတ်ယူထားပါ

အတိတ်ကဘာဖြစ်ခဲ့တယ်ဆိုတာကို လက်ခံရမှာဖြစ်သလို နောက်အနာဂတ်ကိုလည်း ဆက်လက်တက် လှမ်းရမှာဖြစ်တဲ့အတွက် အမှားကို စာမျက်နှာတစ်ဖက်မှာချန်ထားပြီး စာမျက်နှာသစ်ကိုဖွင့်လိုက်ပါ။ ဖြစ်ပျက် ခဲ့တဲ့အမှားတစ်ခုဟာ ဒီစာအုပ်ပုံပြင်ရှည်ကြီးမှာ စာမျက်နှာရဲ့ အစိတ်အပိုင်းတစ်ခုမျှသာဖြစ်ပါတယ်။ အဲဒါကြောင့် ကိုယ့်ကိုယ်ကိုယ်ခွင့်လွှတ်ပြီး ရှေ့သို့ဆက်တက်လှမ်းပါ။

ကိုယ်တန်ဖိုးထားလိုက်နာတဲ့ စံချိန်စံညွှန်းတွေကို ပြန်လည်ဆန်းစစ်ပါ

ကိုယ်လက်ခံကျင့်သုံးနေတဲ့ စံချိန်စံနှုန်းတွေ၊ တန်ဖိုးတွေကို တစ်ချက်လောက်ပြန်လည်ဆန်းစစ်ပါ။ ကိုယ် ကိုယ်တိုင် အမှန်တကယ်လက်ခံကျင့်သုံးနေတာလား၊ တခြားလူတွေ ကိုယ့်ကိုသဘောကျစေဖို့ ကြိုးစားနေ တာလားဆိုတာ ဆန်းစစ်ပါ။ ကိုယ်ကိုယ်တိုင် လက်ခံကျင့်သုံးတာထက် တခြားလူတွေသဘောကျစေ ဖို့ဆိုရင်တော့ အပြောင်းအလဲတစ်ခုလုပ်ဖို့ လိုအပ်ပါပြီ။ အမှားတွေကို သင်ခန်းစာအဖြစ်သုံးသပ်ပြီး နောက်ထပ်ပြန်ကြိုးစားပါ။ 

အပြင်းအထန်ကြိုးစားမှုကိုရှောင်ရှားပါ။

တစ်ခါတစ်ရံမှာ လူတွေဟာ ကိုယ့်ကိုယ်ကိုယ် အမြင့်တစ်နေရာရောက်အောင် ကြိုးစားတွန်းပို့နေရင်း ကိုယ့်ကိုယ်ကိုယ် ဂရုစိုက်ဖို့ မေ့လျော့နေတတ်ကြပါတယ်။ ကိုယ့်ရည်မှန်းချက်တွေ၊ ရည်ရွယ်ချက်တွေ ပြည့်ဝဖို့ နှစ်ရှည်စီမံကိန်း (Long Term Plan) ဆိုတာ လိုအပ်ပါတယ်။ အဲဒါကြောင့် ကိုယ်ရည်မှန်းထားတဲ့ ပန်းတိုင်ရောက်တဲ့အထိ မကြိုးစားနိုင်သေးလို့ ၀မ်းနည်းပူဆွေးနေမယ့်အစား ဘယ်လောက်အထိ အောင်မြင်အောင်လုပ်ခဲ့ပြီးပြီဆိုတာအပေါ် ကိုယ့်ကိုယ်ကိုယ်ဂုဏ်ယူဖြေသိမ့်လိုက်ပါ။

အမှားကို လက်ခံတတ်ပါစေ

အကြောင်းအရာ၊ အဖြစ်အပျက်တစ်ခုဖြစ်ပျက်သွားပြီးချိန်မှာ ''ငါ ဒါကိုဖြစ်ဖို့ ခွင့်မပြုခဲ့နိုင်ဘူး''ဆိုတဲ့ခံစားချက်က နောင်တရနေတဲ့ ရှေ့ဆက်တက်လှမ်းရမယ့်လမ်းတွေကို ပိတ်ဆို့နေတဲ့ အခြေအနေတစ်ခုပဲဖြစ်ပါတယ်။

ဝဿန်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 

Share on Google Plus