စစ်မှန်တဲ့သူငယ်ချင်းကောင်းဆက်ဆံရေးဆိုတာ

လူ့ဘ၀ကို စတင်ပိုင်ဆိုင်လာရပြီဆိုကတည်းက ပထမဆုံးထိတွေ့ရမှာက မိဘဖြစ်ပါတယ်။ ဒုတိယအနေနဲ့ ပညာသင်အရွယ်မှာတော့ ဆရာသမား။ ဆရာ၊ ဆရာမတွေနဲ့အတူ နောက်ထပ် ထိတွေ့ဆက်ဆံလာရမှာ ကတော့ သူငယ်ချင်းတွေပဲဖြစ်ပါတယ်။ အဲဒီအထဲကမှ သူငယ်ချင်းတွေအကြောင်း ပြောကြရအောင်။

သူငယ်ချင်းဆိုတာလည်း မိဘတွေလိုမျိုးပဲ ဘ၀မှာမရှိမဖြစ် လိုအပ်သူတွေဖြစ်ကြပါတယ်။ သူငယ်ချင်းတွေ ဆိုတော့ ဆိုးတဲ့သူငယ်ချင်းတွေရှိမယ်၊ ကောင်းတဲ့သူငယ်ချင်းတွေရှိမယ်ပေါ့။ လူတွေဟာ တစ်နေ့တခြား ကြီးပြင်းလာတာနဲ့အမျှ သူငယ်ချင်းအပေါင်းအသင်း အများကြီးရှိဖို့မလိုအပ်တာကို တစ်နေ့တခြား နားလည် လာကြပြီး အဲဒီအထဲကမှ စစ်မှန်တဲ့သူငယ်ချင်းရှိဖို့က ပိုအရေးကြီးလာတယ်ဆိုတာ အသိအမှတ်ပြုလာကြပါတယ်။

ဘ၀ဆိုတာ အခမ်းအနားတစ်ခုနဲ့ ခပ်ဆင်ဆင်တူပါတယ်။ အခမ်းအနားကို လူအများကြီးဖိတ်ကြားမယ်။ တချို့တွေက ခပ်စောစောထွက်ခွာသွာကြမယ်။ တချို့တွေက ညလုံးပေါက် ကိုယ်နဲ့ပဲအတူပျော်ရွှင်နေမယ်၊ တချို့ကျပြန်တော့ ကိုယ်နဲ့အတူရယ်မောပျော်ရွှင်နေမယ်၊ တချို့ကျပြန်တော့လည်းပွဲကို နောက်ကျမှရောက်လာမယ်။ ပျော်ပွဲရွှင်ပွဲပြီးသွားတဲ့အခါမှာ ကိုယ်နဲ့အတူ သန့်ရှင်းရေးကူလုပ်ပေးမယ့်သူတွေ အနည်းငယ်ပဲကျန်ခဲ့မှာမဟုတ်ပါလား။ အဲဒီလိုလူတွေကို ဘယ်လိုသူငယ်ချင်းလို့သတ်မှတ်မှာလဲ။ စစ်မှန်တဲ့သူငယ်ချင်းတွေကို ဘယ်လိုခွဲခြားမလဲ။ လေ့လာကြည့်ကြရအောင်…

ပြဿနာကို အတူရင်ဆိုင်ဖြေရှင်းကြတယ်

စစ်မှန်တဲ့သူငယ်ချင်းဆိုတာက ကိုယ့်ရဲ့အပြုံးသက်သက်ကိုသာ တခြားသူတွေမြင်တဲ့အချိန်မှာ ကိုယ့်မျက် ၀န်းထဲက နာကျင်မှုကို မြင်တွေ့နိုင်သူဖြစ်ပါတယ်။ အဲဒါကြောင့် သူငယ်ချင်းရှာဖွေတဲ့အခါ ကိုယ့်ပြဿ နာတွေအားလုံး ဖြေရှင်းပေးတာထက်ကိုယ်နဲ့အတူ ပြဿနာတွေရင်ဆိုင်ဖြေရှင်းမယ့်သူကို ရွေးချယ်တာ အကောင်းဆုံးဖြစ်ပါတယ်။

တတ်နိုင်တာကိုပဲ ပေးကြတယ်

ဆက်ဆံရေးတစ်ခုတည်ဆောက်ရတဲ့ အဓိကအကြောင်းရင်းကတော့ တစ်စုံတစ်ယောက်စီက တစ်စုံ တစ်ခုရယူလိုမှုကြောင့်ဖြစ်ပါတယ်။ လူတွေဟာ ကိုယ့်ကိုစိတ်ချမ်းသာစေမယ့်၊ ကိုယ့်ကို ဖြည့်ဆည်းပေးနိုင် မယ့်သူကို ရွေးချယ်တတ်ကြပါတယ်။ ဒါပေမဲ့ စစ်မှန်တဲ့သူငယ်ချင်းဆက်ဆံရေးမှာတော့ ကိုယ်ကလည်း ယူမယ်၊ ကိုယ့်ဘက်ကလည်း ပြန်ပေးမယ်။ နှစ်ဘက်စလုံးမှာ Give and Take ဆိုတဲ့ အပေးအယူမျှ တနေဖို့ပဲလိုပါတယ်။

တစ်ယောက်နဲ့တစ်ယောက် အချိန်ပေးကြတယ်

တစ်ယောက်နဲ့တစ်ယောက် အချိန်မပေးနိုင်တဲ့ ဘယ်ဆက်ဆံရေးမဆို ပြဿနာရှိမှာသေချာပါတယ်။ တစ်စုံ တစ်ယောက်ရဲ့ဘ၀ထဲကိုဝင်ရောက်ဖို့အတွက် အတင်းတွန်းအားပေးနေစရာမလိုပါဘူး။ စစ်မှန်တဲ့ သူငယ်ချင်းတွေအတွက်ကတော့ သူ့အတွက်ကိုယ့်အတွက် အချိန်ဆိုတာရှိပြီးသားဖြစ်ပါတယ်။

တစ်ယောက်နဲ့တစ်ယောက် လွတ်လပ်မှုကို တန်ဖိုးထားကြတယ်

ကောင်းမွန်တဲ့ သူငယ်ချင်းဆက်ဆံရေးမှာ တံခါးတွေ၊ ပြတင်းတွေကို ကျယ်ပြန့်စွာဖွင့်ထားပါတယ်။ တံခါးတွေဖွင့်ထားတဲ့အတွက် လေက အမြဲသန့်ရှင်းလတ်ဆတ်နေပြီး ဘယ်သူမှပိတ်လှောင်မှုကို မခံစားစေရပါဘူး။ စစ်မှန်တဲ့ဆက်ဆံရေးက ၄င်းပတ်ဝန်းကျင်ကို ရှင်သန်စေပါတယ်။

အရေးကြီးဆုံးဖြစ်တဲ့ဆက်ဆံရေး

ဘယ်ဆက်ဆံရေးအတွက်မဆို အရေးကြီးဆုံးက ပွင့်လင်းမှုပဲဖြစ်ပါတယ်။ ကိုယ့်ဘက်က ကိုယ့်ခံစားမှု၊ ကိုယ့်အမြင်ကို ပွင့်ပွင့်လင်းလင်းပြောမယ်။ သူ့ရဲ့အတွေးအမြင်၊ ခံစားချက်တွေကိုလည်း အချိန်ပေးပြီး နားထောင်မယ်။ ဒါဆိုရင် ဘယ်သူနဲ့ပဲဖြစ်ဖြစ် အဆင်မပြေစရာဆိုတာ ဘယ်လိုလုပ်ရှိပါလိမ့်မလဲ။

တစ်ယောက်နဲ့တစ်ယောက် ဖြစ်တည်မှုကိုလက်ခံကြတယ်

စစ်မှန်တဲ့သူငယ်ချင်းဆိုတာ သူကလည်းကိုယ့်ကိုနားလည်တယ်၊ ကိုယ်ကလည်း သူ့ကိုနားလည်တယ်။ သူချစ်သလို ကိုယ်လည်းချစ်တယ်။ တစ်စုံတစ်ယောက်ရဲ့ဘ၀ထဲဝင်ဖို့အတွက် ကိုယ့်ကိုယ်ကိုယ် ပြောင်းလဲ စရာမလိုပါဘူး။ သူ့ကိုလည်း ပြောင်းလဲစရာမလိုပါဘူး။ ကိုယ့်ကိုချစ်တဲ့ သူငယ်ချင်းဟာ ကိုယ့်ဖြစ်တည်မှုကို လက်ခံပါတယ်။

တစ်ယောက်နဲ့တစ်ယောက် ယုံကြည်ကြပါတယ်။

တစ်ယောက်နဲ့တစ်ယောက် နှစ်နှစ်ကာကာယုံကြည်ခြင်းက ဆက်ဆံရေးတစ်ခုကို အကြီးအကျယ်ပြောင်းလဲ သွားစေနိုင်တဲ့ အဓိကအကြောင်းရင်းဖြစ်ပါတယ်။

ကတိတစ်ခုကို စောင့်ထိန်းကြပါတယ်

စကားလုံးတွေက အရာရာကို အဓိပ္ပာယ်သက်ရောက်စေပါတယ်။ တကယ်လို့ တစ်စုံတစ်ခုလုပ်မယ် လို့ပြောထားရင် ဖြစ်အောင်လုပ်လိုက်ပါ။ တစ်နေရာရာသွားမယ်ဆိုရင် ရောက်အောင်သွားလိုက်ပါ။ တစ်စုံတစ်ခုခံစားနေရရင် ဖွင့်ဟတိုင်ပင်လိုက်ပါ။ တကယ်လို့ မတတ်နိုင်တာကို မလုပ်ပါနဲ့၊ မလိမ်ပါနဲ့။ စစ်မှန်တဲ့သူငယ်ချင်းတွေဆိုတာ ကတိသစ္စာတွေနဲ့ ဘ၀ကိုရှေ့ဆက်ရမှာမဟုတ်ပါလား။

ညှိနှိုင်းဆောင်ရွက်ကြပါတယ်

တကယ်လို့ အငြင်းအခုံတစ်ခုဖြစ်လာတဲ့အခါ သူငယ်ချင်းကောင်းတွေဟာ ဘယ်သူ့အကျိုးအတွက်မှ မလိုက်ဘဲ နှစ်ဘက်စလုံး ကျေလည်စေမယ့် ညှိနှိုင်းဆောင်ရွက်မှုကို လက်ခံကျင့်သုံးကြပါတယ်။

အချိန်တွေ၊ ရာသီဥတုတွေ ဘယ်လောက်ပဲပြောင်းလဲနေပါစေ အမြဲမပြောင်းလဲပဲ တည်ရှိနေမှာက စစ်မှန်တဲ့သူငယ်ချင်းကောင်းဆက်ဆံရေးပဲဖြစ်ပါတယ်။ အဲဒါကြောင့် ဘ၀အတွက်အရေးကြီးဆုံးဖြစ်တဲ့ သူငယ်ချင်းဆက်ဆံရေးကို ကြိုးစားပြီး တည်ဆောက်ကြပါစို့။

Whitney

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape