အနုပညာအသိုင်းအဝိုင်းထဲမှာ အကောင်းဆုံးနေထိုင်နည်းကတော့...ရွှေသမီး













အနုပညာအသိုင်းအဝိုင်းထဲမှာ အကောင်းဆုံးနေထိုင်နည်းကတော့ ရှေ့ကြည့် နောက်ကြည့်ပါ
ရွှေသမီး

 အနုပညာလောကထဲမ၀င်ခင် အရင်တုန်းကတော့ တကယ့်ကလေးစိတ် ပြောချင်တာကိုပြောတယ်။ ရယ်ချင်တာကို ရယ်ပစ်လိုက်တယ်။ အခုကျတော့ မဟုတ်တော့ဘူး။ ကိုယ်ကိုယ်ကိုယ်လည်း အတော်အသင့် ရင့်ကျက်လာပြီလို့ထင်တယ်။ စကားပြောတာကအစ။ ဒီစကားလေးတစ်ခွန်းကိုပြောလိုက် ရင် ဘာတွေဆက်ဖြစ်မလဲဆိုတာကို တွေးတတ်နေပြီ။ ပြောသင့်မပြောသင့်ကိုလည်းသိနေပါပြီ။ လူအများရှေ့မှာ စကားပြောတာ ရယ်သင့်မရယ်သင့်ကအစအကုန်လုံးကို စဉ်းစားဆင်ခြင်တတ်နေ ပါပြီလို့ထင်ပါတယ်။ လူအများနဲ့ ပြောဆိုဆက်ဆံရာမှာ ဘယ်လိုမျိုးပြုမူဆင်ခြင်ရမလဲဆိုတော့ စကားထိန်းပြောဖို့ပါပဲ။ 

စကားကျွံသွားရင် လုံးဝမကောင်းဘူးလေ။ အဓိကကစကားပြောတတ်ဖို့ပါပဲ။ ညီမကိုယ်တိုင် သတ်မှတ် တဲ့ပျော်ရွှင်မှုဆိုတာ စိတ်ပျော်နေရင်ပျော်တာပါပဲ။ တကယ့်လက်တွေ့မှာ အရမ်းဒုက္ခရောက်နေတယ်၊ အရမ်းစိတ်ညစ်နေတယ်။ ဒါပေမဲ့ စိတ်ကလေးပျော်လိုက်ပြီဆိုတာနဲ့ သူကြုံနေရတဲ့ ပြဿနာတွေက သေးသေးလေးလိုဖြစ်သွားတယ်။ အဓိက ကတော့ စိတ်ပါပဲ။ စိတ်လေးပျော်အောင်နေတယ်ဆိုရင် ကြုံသမျှအခက်အခဲတွေက လုံးဝသေးသေးမွှားမွှားလေးတွေဖြစ်သွားမှာပါ။

ပေါင်းသင်းဆက်ဆံမှု အပိုင်းနဲ့ ပတ်သက်ပြီးတော့ Model တစ်ယောက်အနေနဲ့ အနုပညာအသိုင်း အ၀ိုင်းထဲမှာ အကောင်းဆုံးနေထိုင်နည်းကတော့ ရှေ့ကြည့်နောက်ကြည့်ပါ။ ငါ ဒီကိစ္စတစ်ခုကို လုပ်လိုက် ရင် ဘာဖြစ်မလဲဆိုတာ စဉ်းစားရမယ်။ သူငယ်ချင်းတွေနဲ့ စကားသွားပြောလည်း ဟိုလူ့အကြောင်း၊ ဒီလူ့အကြောင်းပြောရင်လည်း ရှေ့နောက်ကြည့်ရပါမယ်။ အစစအရာရာပါပဲ။

ပရိသတ်တွေနဲ့ ထိတွေ့တဲ့အခါမှာ ကိုယ့်ကိုသိတယ်လို့လာပြောရင် အရမ်းဝမ်းသာတယ်။ သူတို့ကိုလည်း တကယ်ခင်တဲ့ စိတ်ရင်းနဲ့ဆက်ဆံပေးမယ်။ သူတို့နဲ့ စကားပြောရင်လည်း သေချာလေးဂရုစိုက်ပြီးတော့ အရမ်းကျေးဇူးတင်တဲ့အကြောင်းတွေကိုပဲ ပြောချင်တယ်။

အငယ်ဆုံးလည်းဖြစ်တော့ မိသားစုထဲမှာဘယ်လိုနေဖြစ်လဲဆိုတော့ သူများတွေကတော့ပြောကြတယ် ''ပြန်မပြောနားမထောင်'' တဲ့။ ညီမတို့မိသားစုက သာမန်ပါပဲ။ ညီအစ်မတွေပဲဆိုတော့ တစ်ခါတလေလည်း ရန်ဖြစ်၊ တစ်ခါတလေလည်း မုန့်သွားစား ပျော်ပျော်ပါးပါးပေါ့။ မေမေကလည်း ညီမတို့ ညီအစ်မတွေကိုလည်း အရမ်းနားလည်ပေးတယ်။

အားလပ်အချိန်မှာ မိသားစုကိုအချိန်မပေးဖြစ်ဘူး။ အစ်မတွေက မန္တလေးမှာနေခဲ့တာ။ ညီမရယ် ညီမမေမေရယ်က ရန်ကုန်မှာ ဦးလေးတွေနဲ့အတူလာနေတာပေါ့။


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment