ကောင်းမွန်ပြေပြစ်တဲ့ လူမှုဆက်ဆံရေး

ကိုယ့်ရဲ့လုပ်ဖော်ကိုင်ဖက်တွေ၊ ကျောင်းနေဘက်သူငယ်ချင်းတွေနဲ့ ကိုယ့်ရဲ့ဆက်ဆံရေးဟာ ဘယ်လောက်၊ ဘယ်လိုအခြေအနေအထိတိုးတက်မှုရှိပါသလဲ။ အလုပ်ထဲမှာ သူငယ်ချင်း၊ မိတ်ဆွေ၊ လုပ်ဖော်ကိုင် ဖက်ကောင်းရှိတဲ့လူဟာ သူလုပ်နေတဲ့အလုပ်ထဲမှာ ပိုပြီးစွဲမြဲနိုင်၊ ပိုပြီးလုပ်ငန်းခွင်ကို ကျေနပ်မှုရှိနိုင်ပါတယ်။ အလုပ်ထဲမှာ ကောင်းမွန်တဲ့ဆက်ဆံရေး တစ်နည်းပြောရရင် လုပ်ဖော်ကိုင်ဖက် အချင်းချင်း ဆက်ဆံရေးပြေ လည်နေဖို့အတွက် ဘာလိုအပ်ပါသလဲ။ ကောင်းမွန်ပြေပြစ်တဲ့ လုပ်ဖော်ကိုင်ဖက်ဆက်ဆံရေး ဘာကြောင့် ရှိသင့်ပါသလဲ

လူဆိုတာ မွေးလာကတည်းက တစ်သီးပုဂ္ဂလနေလို့ရတဲ့ သတ္တ၀ါမျိုးမဟုတ်ပါဘူး။ ရေနှင့်အစားအစာကို ပြင်းပြင်းပြပြလိုလားတောင့်တနေသလို ခင်မင်ရင်းနှီးမှုနဲ့ တန်ပြန်သက်ရောက်တဲ့ အကျိုးလိုလားမှုတွေ လည်း လိုအပ်ပါတယ်။ တန်ပြန်သက်ရောက်တဲ့ အကျိုးလိုလားမှုဆိုတာ လုပ်ငန်းခွင်ထဲမှာ လုပ်ဖော်ကိုင် ဖက်တွေနဲ့ ဆက်ဆံရေးကောင်းမွန်လေလေ လုပ်ငန်းခွင်မှာ ပိုမိုပျော်ရွှင်လေလေဖြစ်ပါတယ်။ အကျိုးဆက် က လုပ်ငန်းခွင်မှာ ပိုမိုပျော်ရွှင်လာလေလေ စိတ်ကူးဉာဏ်တွေပိုမိုကွန့်မြူးလာပြီး အလုပ်အပေါ် အာရုံစူး စိုက်လာနိုင်တဲ့အတွက် ကုန်ပစ္စည်းထုတ်လုပ်မှုအရည်အသွေး ကောင်းမွန်တိုးတက်လာလေဖြစ်ပါတယ်။ နောက်ထပ်ရှိပါသေးတယ်။ အလုပ်အကိုင်အခွင့်အလမ်းတွေတိုးပွားဖို့၊ ရာထူးရာခံ ပိုမိုမြင့်မားစေဖို့ ကောင်းမွန်တဲ့လုပ်ငန်းခွင်ဆက်ဆံရေးက ကူညီပေးနိုင်ပါတယ်။

ကောင်းမွန်တဲ့လုပ်ငန်းခွင်ဆက်ဆံရေးဆိုတော့ ဘယ်သူတွေပါဝင်မလဲ။ ဘယ်သူတွေအတွက် အကျိုး သက်ရောက်မှုရှိမလဲ။ ကိုယ့်အတွက်၊ ကိုယ့်လုပ်ငန်းခွင်ကို အထောက်အကူပေးမယ့် ထောက်ပံ့သူ (Supplier) တွေပါမယ်၊ ကိုယ်နဲ့တွဲဖက်လုပ်ကိုင်မယ့် လုပ်ဖော်ကိုင်ဖက် (Colleague) တွေပါမယ်၊ ထွက်ကုန်ပစဿစည်းတွေကို ၀ယ်ယူမယ့် (Customer) တွေပါမယ်၊ အစုရှယ်ယာရှင်တွေပါဝင်ပါတယ်။

ကောင်းမွန်တဲ့လုပ်ငန်းခွင်ဆက်ဆံရေးကို အဓိပ္ပာယ်သတ်မှတ်ခြင်း

ယုံကြည်မှု (Trust)

ဘယ်ဆက်ဆံရေးအတွက်မဆို အခြေခံကျတဲ့အချက်ဖြစ်ပါတယ်။ ကိုယ်ဟာ ကိုယ့်အဖွဲ့သားတွေ၊ ကိုယ့်လုပ်ဖော်ကိုင်ဖက်တွေကို ယုံကြည်မှုပေးစွမ်းတဲ့အခါ ကိုယ့်ရဲ့အလုပ်နဲ့ လုပ်ကိုင်နိုင်စွမ်း၊ စုပေါင်းဆောင်ရွက်နိုင်စွမ်းတွေကို သိသာထင်ရှားစွာ တိုးတက်ပြောင်းလဲလာစေပါတယ်။ ကိုယ်နဲ့အတူ တွဲဖက်လုပ်ကိုင်သူတွေကို ယုံကြည်မှုပေးတဲ့အတွက် ကိုယ့်ရဲ့အတွေးအခေါ်တွေ၊ ထင်မြင်ယူဆချက်တွေကို ရိုးသားပွင့်လင်းစွာ ထုတ်ဖော်ပြောကြားလာနိုင်ပါတယ်။

အပြန်အလှန်လေးစားမှု (Mutual Respect)

ကိုယ်ဟာ ကိုယ်နဲ့တွဲဖက်လုပ်ကိုင်နေသူတွေကို လေးစားမှုပြသတဲ့အခါ သူတို့ရဲ့ လုပ်ကိုင်နိုင်စွမ်း၊ အတွေးအမြင်တွေကိုတန်ဖိုးထားတယ်လို့ အဓိပ္ပာယ်သက်ရောက်ပါတယ်။ အတူတွဲဖက်လုပ်ကိုင်ခြင်းဖြင့် အတူတကွစုစည်းထားတဲ့အတွေးအမြင်၊ ယူဆချက်တွေနဲ့ ဖန်တီးနိုင်စွမ်းတွေ ပိုမိုတိုးတက်ကောင်းမွန်စေပါလိမ့်မယ်။

ဂရုစိုက်မှု (Mindfulness)

ကိုယ်ပြောကြားတဲ့စကား၊ ကိုယ်လုပ်တဲ့အပြုအမူ ဆောင်ရွက်ချက်ကို တာဝန်ယူခြင်းလို့ဆိုလိုပါတယ်။

မတူညီမှုများကို ကြိုဆိုလက်ခံခြင်း

ဆက်ဆံရေးကောင်းမွန်တဲ့လူတွေဟာ နေရာဒေသ၊ ကိုးကွယ်မှုမတူညီတဲ့လူတွေကို လက်ခံကြရုံတင်မက သူတို့ရဲ့အတွေးအမြင်၊ ယူဆချက်တွေကိုလည်း ကြိုဆိုလက်ခံကြပါတယ်။

ပွင့်လင်းတဲ့ဆက်သွယ်ရေး (Open Communication)

ကိုယ်ဟာ လုပ်ငန်းခွင်ထဲမှာ ကျင်လည်နေသူတစ်ယောက်ဖြစ်တဲ့အတွက် နေ့စဉ် Email တွေပို့ရမယ်၊ မျက်နှာချင်းဆိုင် အစည်းအဝေးတွေလုပ်ရမယ်၊ ဖုန်းတွေလက်ခံပြောရပါတယ်။ ဆက်ဆံရေးအားလုံးကရိုးသားပွင့်လင်းမှုကို အခြေခံတာဖြစ်တဲ့အတွက် ကိုယ်ဟာရိုးသားပွင့်လင်းစွာ ပြောဆိုဆက်ဆံလေလေ ကိုယ့်ရဲ့ဆက်ဆံရေးက ကောင်းမွန်လာလေလေဖြစ်ပါတယ်။

ဝဿန်

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape