စွမ်းရည်ထက်မြက်သောအမျိုးသမီးတစ်ယောက်ဖြစ်လာအောင် ဘယ်လိုလုပ်မလဲ











ကမ္ဘာပေါ်မှာ စွမ်းရည်ထက်မြက်တဲ့အမျိုးသမီးတိုင်းဟာ အမှုဆောင်အရာရှိချုပ်တွေ၊ ဆယ်လီဘရစ်တီေ တွချည်းပဲမဟုတ်ပါဘူး။ ကိုယ်က ဆယ်ကျော်သက်အရွယ်ပဲရှိသေးပေမယ့် စွမ်းရည်ထက်မြက်တဲ့ အမျိုးသမီးတစ်ယောက်ဖြစ်မလာနိုင်ဘူးလို့လည်း သိမ်ငယ်စိတ်တွေဝင်နေရင် ကိုယ့်ရဲ့ဘ၀တိုးတက်ရာ တိုးတက်ကြောင်းမှာ အဆင်မပြေမှုတွေနဲ့ပဲ တွေ့ကြုံရဖို့များနေပါတယ်။ အဲဒီလို စွမ်းရည်ထက်မြက် တဲ့အမျိုးသမီးတစ်ယောက်ဖြစ်လာရေးအတွက် အဓိကအရေးကြီးဆုံးက စိတ်ဓာတ်ပိုင်းဖြစ်ပြီး အရာရာကိုဦးဆောင်နိုင်စွမ်းရှိတဲ့ အမျိုးသမီးတစ်ယောက်ဖြစ်လာစေဖို့ အဓိကကျတဲ့အချက်တွေကို ဖော်ပြပေးလိုက်ပါတယ်။

ပြဿနာတွေကို ကိုယ်တိုင်ဖြေရှင်းခြင်း
ကိုယ့်မှာအမြန်ဆုံးဖြေရှင်းရမယ့် ပြဿနာတွေရှိနေပြီဆိုရင် အကူအညီရရှိရေးအတွက် ကိုယ့်ရဲ့အဖေ၊ ကိုယ့်ရဲ့ချစ်သူဆီ အပြေးသွားပြီး အကူအညီတောင်းခံတာမျိုး မပြုလုပ်ပါနဲ့။ ဒီလိုပြဿနာမျိုးကို ကိုယ်တစ်ယောက်တည်း အကောင်းဆုံးနိုင်နိုင်နင်းနင်းကိုင်တွယ်ဖြေရှင်းနိုင်တယ်ဆိုတာ စိတ်ထဲကနေ အပြည့်အ၀ယုံကြည်ထားရမှာဖြစ်ပြီး တခြားလူတွေအပေါ် အားကိုးလိုစိတ်၊ မှီခိုလိုစိတ်ကိုလည်း အတတ်နိုင်ဆုံးမေ့ဖျောက်ထားရမှာဖြစ်ပါတယ်။ သူတို့မပါဘဲ ဒီပြဿနာကို ကိုယ်တစ်ယောက်တည်း အကောင်းဆုံးဖြေရှင်းနိုင်ပြီဆိုရင် ကိုယ့်စိတ်ထဲမှာကိုယ့်ကိုယ်ကိုယ်ကျေနပ်အားရမှုထက်ပိုမိုတဲ့ ယုံကြည်မှုတွေရရှိလာမှာဖြစ်ပြီး အကူအညီတွေမပါဘဲ ပြဿနာအားလုံးကို ဖြေရှင်းနိုင်စွမ်းရှိတယ်ဆိုတဲ့ စွမ်းရည်ထက်မြက်တဲ့ အမျိုးသမီးတွေအတိုင်းခံစားရလာနိုင်ပါတယ်။ 

တစ်ယောက်တည်းသွားပါ
ဒင်နာလို ပွဲလမ်းသဘင်မျိုးတွေကို တစ်ယောက်တည်းသွားရချိန်မှာ စိတ်ကသိကအောက်ဖြစ်တာမျိုး၊ အရှက်သည်းတာမျိုးဖြစ်တတ်၊ ခံစားတတ်ပါတယ်။ ဒါပေမဲ့ စွမ်းရည်ထက်မြက်တဲ့အမျိုးသမီးတွေကတော့ အဲဒီလိုပွဲမျိုးတွေမှာ ယုံကြည်မှုအပြည့်နဲ့ တစ်ယောက်တည်းပွဲတိုးနိုင်စွမ်းရှိပြီး  ကိုယ့်ရဲ့လွတ်လပ်မှုကို ရဲရဲတင်းတင်းနဲ့ ပြောနိုင်စွမ်းလည်းရှိနေပါတယ်။ သူငယ်ချင်းအပေါင်းအဖော်၊ ချစ်သူမရှိရင်တောင် အကြောက်အလန့်မရှိ တစ်ယောက်တည်းသွားလာလှုပ်ရှားနိုင်တယ်ဆိုတာ သက်သေပြသရမှာဖြစ်ပါတယ်။ ရုပ်ရှင်သွားကြည့်ရင်လည်း အဖော်နဲ့မှဆိုတဲ့အတွေးမျိုး ဖယ်ထုတ်ထားရမှာဖြစ်ပြီး ကိုယ်တစ်ယောက်တည်းသွားချိန်မှာ မျက်လုံးပေါင်းများစွာက ကိုယ့်ဆီကိုကြည့်နိုင်နေပေမယ့် အဲဒီလိုအကြည့်ခံရရင် ရှက်ရွံ့သိမ်ငယ်ရမယ့်အစား ကိုယ့်ရဲ့လွတ်လပ်မှုနဲ့ပတ်သက်လို့ ဂုဏ်ယူနေပုံကို သူတို့သိအောင် ပြသရမှာဖြစ်ပါတယ်။ 

ပစ်မှတ်များထားပါ
ကိုယ့်ရဲ့အိပ်မက်တွေ အမှန်တကယ်ဖြစ်လာရေးအတွက် ရည်မှန်းချက်ဆိုတာထားရှိရမှာဖြစ်ပါတယ်။ မနက် အိပ်ရာနိုးတိုင်း အဲဒီနေ့အတွက်ပြီးမြောက်ရမယ့်အလုပ်တွေကို အစီအစဉ်တကျရေးဆွဲထားရမှာဖြစ်ပြီး အဲဒီအရာတွေက သေးငယ်တဲ့ပစ်မှတ်တွေဖြစ်နိုင်ပေမယ့် အဲဒီလိုပစ်မှတ်အသေးလေးတွေကနေ တစ်ဆင့်ပြီးတစ်ဆင့် မြင့်တက်လာနိုင်တာကိုလည်း နားလည်ထားရမှာဖြစ်ပါတယ်။ အဲဒီလို တစ်နေ့ချင်းစီ အတွက် ကိုယ့်ရဲ့ပစ်မှတ်တွေ အစီအစဉ်တကျထားရှိထားမယ်ဆိုရင် ကိုယ့်ရဲ့လုပ်အားနှုန်းတွေ တဖြည်း ဖြည်းမြင့်တက်လာတာကို သတိပြုမိလာပါလိမ့်မယ်။'

အကောင်းမြင်စိတ်ထားရှိပါ
တကယ်လို့ ကိုယ့်ရဲ့အထက်အရာရှိက အချိန်မီပြီးစီးဖို့မဖြစ်နိုင်တဲ့ အလုပ်တာဝန်တစ်ခုပေးအပ်လာပြီဆိုရင် သူသတ်မှတ်ထားတဲ့အချိန်ကာလအတွင်း အချိန်မီမပြီးစီးနိုင်ဘူးလို့ ညည်းညူတာမျိုး ပြုလုပ်တာက စွမ်းရည် ထက်မြက်တဲ့အမျိုးသမီးတွေရဲ့အလေ့အထတစ်ခုမဟုတ်ပါဘူး။ အဲဒီလို ညည်းညူနေမယ့်အစား အဲဒီ လုပ်ငန်းတာဝန်ပြီးစီးနိုင်ရေးအတွက် အစီအစဉ်တကျရေးဆွဲပြီး ကြိုးစားရမှာဖြစ်ပါတယ်။ 

စွမ်းရည်ထက်မြက်တဲ့အမျိုးသမီးတိုင်းဟာ ဘယ်အရာကိုမဆို အကောင်းမြင်စိတ်ထားရှိပြီး လုပ်ငန်းဆောင် တာတွေ၊ အခြေအနေတွေက သူတို့ကိုအလဲမထိုးနိုင်ဘူးလို့လည်း ပြင်းပြတဲ့ယုံကြည်ချက်တွေ ထားရှိ ထား ပါတယ်။ အဲဒီလို အခြေအနေတွေကို အချိန်မီဖြေရှင်းနိုင်လိမ့်မယ်ဆိုတဲ့ ယုံကြည်ချက်က စွမ်းရည် ထက်မြက်တဲ့ အမျိုးသမီးတွေရဲ့ အဓိကလက်နက်တစ်ခုဖြစ်ပါတယ်။ 

No ပြောဖို့လည်း ဝန်မလေးပါနဲ့ 
လူတိုင်းလေးစားအားကျရတဲ့ အမျိုးသမီးတစ်ဦးဖြစ်တယ်ဆိုတိုင်း သူတို့ဟာစူပါ အမျိုးသမီးတွေဖြစ် တယ်လို့ယူဆရင် မှားသွားပါလိမ့်မယ်။ ကိုယ့်မှာ စွမ်းရည်ထက်မြက်တဲ့ အမျိုးသမီးတစ်ယောက်ဖြစ် လာရေးအတွက် လုံလောက်တဲ့ထက်မြက်ကျွမ်းကျင်မှုနဲ့ မွေးရာပါအရည်အသွေးရှိနေတယ်ဆိုရင်တောင် အချိန်တစ်ခုတည်းမှာ လုပ်ငန်းဆောင်တာအများအပြား လုပ်နိုင်ဖို့ဆိုတာမဖြစ်နိုင်ပါဘူး။ 

အဲဒီအတွက်ကြောင့် ကိုယ့်ဘက်က အချိ့အရာတွေကိုငြင်းဆန်ဖို့ ၀န်မလေးသင့်ပါဘူး။ တကယ်လို့ အချိန်တစ်ခုအတွင်း အလုပ်တွေအများအပြားလုပ်မယ်ဆိုရင် ကိုယ့်ကိုယ်ကိုယ် ဖိအားပေးရာရောက်သလို အဲဒီအချိန်ကာလတစ်ခုအတွင်း ပြီးမြောက်ရစေမယ်လို့ အာမခံထားတဲ့ကိုယ့်ရဲ့ကတိကလည်း ပျက်ယွင်းသွားနိုင်တာကြောင့် တချို့အရာတွေကို No လို့ပြောဖို့လည်း ပြင်ဆင်ထားရပါမယ်။

တခြားလူတွေကို အကူအညီပေးပါ
ကိုယ့်ကိုယ်ကိုယ် ထိန်းချုပ်နိုင်စွမ်း၊ မောင်းနှင်နိုင်စွမ်း အပြည့်ရှိသွားပြီဆိုရင် တခြားလူတွေကို အကူ အညီပေးဖို့ ကြိုးစားရမှာဖြစ်ပါတယ်။ ဘုန်းကြီးကျောင်းမှာ၊ မိဘမဲ့ဂေဟာမှာ၊ ဒုက္ခသည်စခန်းမှာစသဖြင့် အကူအညီလိုအပ်နေတဲ့နေရာတွေမှာ ဗော်လန်တီယာအဖြစ် ၀င်ရောက်လုပ်ကိုင်ရင်း တခြားသူတွေရဲ့ လိုအပ်ချက်နဲ့လိုအင်တွေကို ဖြည့်ဆည်းပေးရမှာဖြစ်ပါတယ်။ အဲဒီလို တခြားသူတွေရဲ့ လိုအပ်ချက်တွေကို ဖြည့်ဆည်းပေးခြင်းအားဖြင့် ကိုယ့်ကိုယ်ကိုယ် စွမ်းရည်ထက်မြက်တဲ့အမျိုးသမီးအဖြစ် ပိုမိုခံစားလာရမှာဖြစ်ပြီး အဲဒီလိုလုပ်အားဒါနအလှူက ကိုယ့်ရဲ့ဘ၀မှာ အကောင်းဆုံးဖြစ်တယ်ဆိုတာကို နားလည်လာပါလိမ့်မယ်။

ကိုယ်ဖြစ်ချင်တာကိုမမေ့ပါနဲ့
ဆယ်ကျော်သက်အရွယ်မှာ ကိုယ့်ဘ၀ရဲ့ရည်မှန်းချက်တွေအတွက် အပြည့်အ၀အာရုံစိုက်ထားရတော့ မှာဖြစ်ပါတယ်။ ကိုယ့်ကို ဆရာဝန်မကြီး၊ အင်ဂျင်နီယာမကြီး ဖြစ်စေချင်တဲ့ မိဘတွေရဲ့မျှော်လင့်ချက် ကိုမေ့ထားပြီး ကိုယ်ဘာဖြစ်ချင်သလဲဆိုတာကိုပဲ အပြည့်အ၀အာရုံစိုက်ထားရမှာဖြစ်ပါတယ်။ 

လူမှုပတ်ဝန်းကျင်ရဲ့ ဖိအားနဲ့တောင်းဆိုတာမျိုးတွေကို တောင့်ခံထားရမှာဖြစ်ပြီး ကိုယ်ဖြစ်ချင်တာကို ကိုယ့်ဘာသာကိုယ် ဆုံးဖြတ်ရမှာဖြစ်သလို တခြားသူတွေရဲ့ ထင်မြင်ယူဆချက်တွေကိုလည်း နားမယောင်မိဖို့လိုအပ်ပါတယ်။ ကိုယ်ကစွမ်းရည်ထက်မြက်တဲ့အမျိုးသမီးတစ်ယောက်ဆိုရင် ကိုယ်ဘာဖြစ်ချင်သလဲဆိုတာကို တိတိကျကျ သိရှိရမှာဖြစ်ပြီး အဲဒီအရာတွေ တကယ်ဖြစ်လာဖို့ ကြိုးစားရမှာလည်းဖြစ်ပါတယ်။ ကမ္ဘာပေါ်မှာရှိတဲ့ အမျိုးသမီးတိုင်းမှာ စွမ်းရည်ထက်မြက်တဲ့ အမျိုးသမီးဖြစ်လာဖို့ အခွင့်အရေးရှိနေပြီး အဲဒီအခွင့်အရေးကို အမိအရဆုပ်ကိုင်နိုင်ဖို့ပဲလိုအပ်ပါတယ်။ 

--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape



Share on Google Plus

0 comments:

Post a Comment