ဆရာနှင့်တပည့်ဆက်ဆံရေးဆိုတာ…

ဆရာနဲ့တပည့်ဆက်ဆံရေးဆိုတာ ကလေးတွေအတွက်အရေးပါတဲ့ အကြောင်းအရာတစ်ခုဖြစ်ပါတယ်။ ကလေးတွေဟာ တစ်နေ့တစ်နေ့ (၅)နာရီကနေ (၇)နာရီလောက်ထိ ဆရာတွေနဲ့အတူရှိနေပြီး (၁၀)လနီးပါးကြာတဲ့အထိ အဲဒီလိုထိတွေ့ဆက်ဆံနေရတာဖြစ်ပါတယ်။ ဆရာနဲ့တပည့်ကြား ကောင်းမွန်တဲ့ဆက်ဆံရေးတည်ဆောက်ဖို့ဆိုတာ ခက်ခဲတာမှန်ပေမယ့် နှစ်ဦးနှစ်ဖက်စလုံး ဆက်ဆံရေးကောင်းမွန်ချင်တဲ့ဆန္ဒရှိနေရင် ဒီအရာကမျှော်လင့်ထားတာထက် ပိုမိုလွယ်ကူလာနိုင်ပါတယ်။

ကောင်းမွန်တဲ့ဆက်ဆံရေးဆိုတာ

ကောင်းမွန်တဲ့ဆက်ဆံရေးဟာ ဖော်ရွေစွာချဉ်းကပ်ခြင်းနဲ့ တိုက်ရိုက်သက်ဆိုင်နေပါတယ်။ ဆရာတွေ အနေနဲ့ တပည့်တွေကိုပညာသင်ကြားပေးရာမှာ ဖော်ရွေစွာဆက်ဆံဖို့လည်းလိုအပ်ပါတယ်။ ဆရာနဲ့ တပည့်တို့အကြား ကောင်းမွန်တဲ့ဆက်ဆံရေးက စာသင်ခန်းထဲမှာရိုသေလေးစားမှုရှိခြင်း၊ တပည့်ဘက်က အခန်းထဲမှာဆရာရဲ့သင်ကြားမှုကို စိတ်ပါဝင်စားစွာနားထောင်ခြင်းနဲ့ ဆရာဘက်ကလည်း တပည့်ရဲ့အခြေအနေကို မပြတ်စောင့်ကြည့်ခြင်းတို့ပဲဖြစ်ပါတယ်။

မူလတန်းအရွယ်မှာ အရေးကြီးဆုံး

ဒီလို ဆရာနဲ့တပည့်ဆက်ဆံရေးမှာ အရေးကြီးဆုံးက မူလတန်းကျောင်းနေအရွယ်တွေဖြစ်ပြီး ကျောင်း သားကျောင်းသူတွေအနေနဲ့ အနာဂတ်ပညာရေးကိုစိတ်ဝင်စားလာစေဖို့ မူလတန်းကျောင်းတွေက အဓိက အရေးကြီးဆုံးအခန်းကဏ္ဍကနေ ပါဝင်နေပါတယ်။ ကလေးတွေဘက်က စာတွေလေ့လာ သင်ကြားရာမှာ ပုံစံအမျိုးမျိုးနဲ့ ချဉ်းကပ်မှာဖြစ်ပြီး သူတို့ရဲ့ရည်မှန်းချက်တွေပြည့်မြောက်စေဖို့ ကြိုးစားမှာသေချာပါတယ်။ စာသင်ခန်းထဲမှာ တပည့်အများစုက စာတွေကိုပုံမှန်လေ့လာသင်ယူနိုင်စွမ်းရှိပေမယ့် တချို့ကတော့ သင်ခန်းစာတွေကို နားလည်အောင်လို့ အချိန်ယူရတဲ့ကလေးတွေလည်းရှိပါတယ်။ အဲဒီလို ကလေးမျိုးကို ဆရာဘက်က ကိုင်တွယ်ထိန်းသိမ်းရာမှာ သူ့ကိုစာသင်ကြားရာမှာ ပျော်ရွှင်လာဖို့အတွက် ဖျော်ဖြေမှုဆန်ဆန် ပြုလုပ်ပေးရပါမယ်။

တပည့်ဆိုးတွေကို ဘယ်လိုကိုင်တွယ်ထိန်းသိမ်းမလဲ

အများနဲ့တစ်ယောက်ဖြစ်တာကြောင့် ဆရာအနေနဲ့ စိတ်ရှည်သည်းခံဖို့လိုတာကတော့ အထူးပြောနေစရာ မလိုပါဘူး။ ကိုယ့်အခန်းထဲမှာ လိမ္မာတဲ့တပည့်တွေရှိနိုင်သလို တပည့်ဆိုးတွေလည်း ရှိနိုင်တာကို လက်ခံရ ပါမယ်။ ဒီနေရာမှာ ဆရာအနေနဲ့ အဲဒီတပည့်ဆိုးကို အသေးစိတ်စောင့်ကြည့် မှတ်သားစစ်ဆေးရမှာဖြစ်ပြီး အဲဒီတပည့်မှာ ဘာအခက်အခဲတွေရှိ နေသလဲဆိုတာလေ့လာရမှာဖြစ်ပါတယ်။ ကလေးတွေအနေနဲ့ ကြောက်လန့်ခြင်း၊ ပတ်ဝန်းကျင်ပယောဂမကင်းခြင်းတို့ကြောင့် အခုလိုဆိုးရွားနေတာမျိုးဖြစ်နိုင်ပြီး ဆရာအနေနဲ့ သူ့ရဲ့ပြဿနာကို သတိပြုမိသွားရင် သူ့ကိုကိုင်တွယ်ဖြေရှင်းဖို့လည်း လွယ်ကူသွားပါလိမ့်မယ်။ ဒီနေရာမှာ အဲဒီတပည့်ဆိုးကို တခြားတပည့်တွေထက် ပိုမိုစိတ်ရှည်ဖို့လိုအပ်ပြီး စာသင်ခန်းထဲမှာ အဲဒီကလေးငယ်ကြောက်လန့်တာမျိုးတို့မဖြစ်ရအောင် ကိုယ့်ဘက်ကစီစဉ်ပေးရမှာပါ။

တပည့်ရဲ့ ရိုးရာယဉ်ကျေးမှုကို နားလည်ရမယ်

ရန်ကုန်လိုမြို့ကြီးမျိုးမှာ မတူညီတဲ့ရိုးရာယဉ်ကျေးမှုနဲ့ နောက်ခံသမိုင်းကြောင်းတွေ ရှိနေတယ်ဆိုတာ ဆရာတွေဘက်က နားလည်ထားရမှာဖြစ်ပါတယ်။ ဆရာတွေဟာ တပည့်တွေရဲ့ ကြီးပြင်းလာမှုအခြေအနေကို မပြတ်စောင့်ကြည့်ရမှာဖြစ်ပြီး တပည့်ဖြစ်သူရဲ့ ရိုးရာယဉ်ကျေးမှုကို နားလည်လာမယ်ဆိုရင် ဆရာနဲ့တပည့်ဆက်ဆံရေးက ပိုမိုကောင်းမွန်လာမှာသေချာပါတယ်။ ဆရာတွေအနေနဲ့ စာသင်ခန်းထဲမှာ ကျောင်းသား၊ ကျောင်းသူတွေကို အော်ဟစ်ဆူပူကြိမ်းမောင်းတာမျိုး ပြုလုပ်တာက တပည့်တွေကို စာသင်ကျောင်းမှာမပျော်ရွှင်တော့တဲ့ ခံစားမှုမျိုးဖြစ်ပေါ်စေနိုင်ပါတယ်။ ဒါပေမဲ့ တစ်ခါတလေမှာလည်း ကိုယ့်အပေါ်ချစ်ကြောက်ရိုသေလာအောင် တည်တည်တံ့တံ့နေတာမျိုးနဲ့ ကျောင်းသားတွေကို ဆက်ဆံသင့်ပါတယ်။

မူလတန်းတပည့်ကို ဘယ်လိုကိုင်တွယ်မလဲ

မူလတန်းအရွယ် ကျောင်းသား၊ ကျောင်းသူတွေကို သူတို့ရဲ့ ပြသဿသနာတွေပြောပြလာအောင် ဆရာဘက်က တိုက်တွန်းနှိုးဆော်ရမှာဖြစ်သလို ကျောင်းသား၊ ကျောင်းသူတွေအနေနဲ့ ဆရာဖြစ်သူရဲ့ ပြောစကားတွေကိုလည်း နားထောင်ချင်ပါတယ်။ အဲဒီအတွက် ဆရာဘက်က တပည့်တွေကို တန်ဖိုးထားတယ်ဆိုတာ ပေါ်လွင်အောင်ပြုလုပ်ရမှာဖြစ်ပါတယ်။ စာသင်ကြားချိန်မှာ အဲဒီအကြောင်းအရာနဲ့ပတ်သက်လို့ တပည့်တွေရဲ့အမြင်ကို မေးမြန်းတာမျိုးတို့၊ သူတို့သာဆို ဘယ်လိုလုပ်လိုက်မယ်ဆိုတဲ့ အတွေးမျိုးတွေကိုပြောလာအောင် ဆရာဘက်ကလမ်းညွှန်ပေးရမှာဖြစ်ပါတယ်။

သင်ကြားပုံများ

များသောအားဖြင့် ဆရာတွေဟာ သင်ခန်းစာအတိုင်း ကလေးတွေကို သင်ကြားလေ့ရှိပေမယ့် တကယ်ဖြစ်သင့်တာကတော့ ကလေးတွေဆီက စဉ်းစားတွေးခေါ်နိုင်မှုတွေထွက်ပေါ်လာအောင် ကိုယ့်ဘက်ကဆွဲဆောင်နိုင်ဖို့က ပိုအရေးကြီးပါတယ်။ ဒါပေမဲ့ ဒီလိုမျိုးပြုလုပ်ရင် အချိန်ပေးရမှာဖြစ်ပြီး ကလေးတစ်ဦးချင်းစီကို လေ့လာရမှာဖြစ်လို့ ဆရာ၊ ဆရာမ အများအပြားလည်းလိုအပ်ပါတယ်။ ဆရာနဲ့တပည့် ဆက်ဆံရေးမှာ တစ်ယောက်နဲ့တစ်ယောက် အပြန်အလှန် အလေးထားမှုရှိရင် စာသင်ကျောင်းတွေမှာ ကလေးတွေရဲ့အပျော်တွေညံနေမှာသေချာပါတော့တယ်။

ဖြိုးတေဇာ

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape