ဖွင့်မပြောလည်းသိနေရမယ့်အချက်များ










ဆရာ၊ ဆရာမတစ်ယောက် ဖြစ်လာဖို့ဆိုတာ လွယ်ကူတဲ့ကိစ္စတစ်ရပ်မဟုတ်ပေမယ့် ဆရာသမား ဂုဏ်အင် နဲ့ညီမျှတဲ့ ဆရာ၊ ဆရာမတွေဟာ လူအများရဲ့ရိုသေလေးစားခြင်းခံရပါတယ်။ အထူးသဖြင့် ကျောင်းသား မိဘတွေအနေနဲ့ ကိုယ့်ကလေးရဲ့ဆရာ၊ ဆရာမတွေအပေါ် လေးစားမှုထားပြီး ဆရာမတွေဘက်က ဖွင့် မပြောပေမယ့် ကိုယ့်ကလေးနဲ့ပတ်သက်လို့ အလိုအလျောက်သိနေရမယ့်အချက်တွေလည်းရှိနေပါတယ်။ မိဘတွေအနေနဲ့ ဆရာဆရာမတွေရဲ့ ကြိုးစားအားထုတ်မှုနဲ့ ကိုယ့်ကလေးရဲ့ ပညာရေးလမ်းကြောင်း တည့်မတ်စေရေးအတွက်ဦးဆောင်လမ်းညွှန်မှုတွေအတွက် အခြေခံအချက်တွေကို သိရှိနားလည် ထားရမှာဖြစ်ပါတယ်။ 

ဆရာ၊ ဆရာမတွေဟာ ကိုယ့်ရဲ့သားသမီးတွေနဲ့ အချိန်အတော်များများရှိနေတတ်လို့ တစ်ခါတလေမှာ ကိုယ့်ကလေးရဲ့အမူအကျင့်တွေနဲ့ပတ်သက်လို့ ကိုယ့်ထက်တောင် ပိုမိုနားလည်နိုင်စွမ်းရှိပါတယ်။ အဲဒီတော့ မိဘတွေအနေနဲ့ ဆရာ၊ ဆရာမတွေရဲ့အမြင်တွေကို တန်ဖိုးထားလေးစားရမှာဖြစ်ပြီး သူတို့က လည်းကိုယ့်ကလေးအတွက် အကောင်းဆုံးအရာတွေဖြစ်လာစေရေးဆန္ဒနဲ့ လမ်းညွှန်သွန်သင်ပေးနေ တာကိုလည်း နားလည်ရမှာဖြစ်ပါတယ်။ ဆရာ၊ ဆရာမတွေဖွင့်မပြောလည်း ကိုယ့်ဘက်က အလို အလျောက်သိနေရမယ့်အချက်တွေကိုပြောရမယ်ဆိုရင်ဖြင့် ကလေးအတွက်အိမ်စာ ပါ၊ လူကြီးအတွက် မဟုတ်ပါ။

 ဆရာ၊ ဆရာမအများစုဟာ မိဘတွေက ကလေးတွေရဲ့အိမ်စာတွေကို ကူညီလုပ်ဆောင်ပေးနေတာ မပြောပေမယ့်သိနေပါတယ်။ ဘာဖြစ်လို့လဲဆိုတော့ ကလေးတွေအနေနဲ့ ပေးလိုက်တဲ့အိမ်စာတွေ လုပ်နိုင်၊ မလုပ်နိုင်ကို ဆရာ၊ ဆရာမတွေကသိထားလို့ပါပဲ။ မိဘတွေဘက်ကလည်းသားသမီးတွေရဲ့ အိမ်စာတွေကို ကိုယ်တိုင်လုပ်မပေးဘဲ တကယ်လို့ သူတို့နားမလည်နိုင်ဖြစ်နေမှ နားလည်လာအောင်ဘေးကနေ ရှင်း လင်းပြောဆိုပေးတာမျိုးလောက်ပဲ ပြုလုပ်ပေးသင့်ပါတယ်။ ဆရာမတွေဘက်ကလည်း ကလေးတွေရဲ့ အိမ်စာကို မလုပ်ပေးရဘူးလို့ မိဘတွေကိုပါးစပ်ကဖွင့်ပြောတာမျိုးပြုလုပ်မှာမဟုတ်ပေမယ့် မိဘတွေဘက် ကဒီအချက်ကိုအလိုအလျောက်နားလည်လက်ခံထားဖို့လိုအပ်ပါတယ်။ ကလေးတွေအတွက် အချိန်ပေးပါ။

လက်ရှိအချိန်မှာဘ၀ရှင်သန်ရပ်တည်မှုအတွက်လူတိုင်းလှုပ်ရှားရုန်းကန်နေရပြီး မိဘအများစုအနေနဲ့လည်း သူတို့ရဲ့မိသားစုဘ၀ သာယာစိုပြေရေးအတွက် အလုပ်တွေပြင်းပြင်းထန်ထန်လုပ်နေရပါတယ်။ ဒါပေမဲ့ မိဘတွေအနေနဲ့သားသမီးတွေအတွက် အချိန်ပေးသင့်ပြီး အဲဒီလိုသားသမီးတွေနဲ့ အချိန်ပေးတာက တခြား အရာတွေထက်ပိုမိုတန်ဖိုးရှိတာကိုလည်း နားလည်ထားရမှာပါ။ 

ကလေးတွေနဲ့စကားပြောတာမျိုးထက် သူတို့စိတ်ထဲမှာဖြစ်ချင်တာတွေကို ဆွေးနွေးတိုင်ပင်တာမျိုးက ပိုမို ထိရောက်ပြီးကလေးတွေဘက်ကလည်း သူတို့ရဲ့ဘ၀အပေါ် မိဘတွေဘက်က ဘယ်လောက် စိတ်ဝင် စားမှုရှိသလဲဆိုတာကို အထူးဂရုပြုတတ်ကြပါတယ်။ 

ဆရာတွေကလက်ထပ်ခြင်းရဲ့အတိုင်ပင်ခံမဟုတ်ပါ ကိုယ့်ရဲ့ပြသသနာကို ဘယ်လို အခြေအနေမျိုး ပဲဖြစ်ဖြစ် အားမနာစတမ်းရင်ဖွင့်လေ့ရှိတဲ့လူမျိုးတွေလည်းအများအပြားရှိကြပါတယ်။ တကယ်လို့ ကိုယ်ကအဲဒီလူမျိုးထဲမှာပါဝင်နေမိပြီဆိုရင်တော့ ကိုယ့်ကလေးရဲ့ ဆရာဆရာမတွေနဲ့ တိုင်ပင်ရင်ဖွင့်တာ မျိုးပြုလုပ်ဖို့မသင့်တော်ပါဘူး။ 

ဆရာ၊ ဆရာမတွေနဲ့ ဆွေးနွေးရာမှာ ကိုယ့်ကလေးရဲ့ အနာဂတ်အတွက်ပဲ ဦးစားပေးသင့်ပြီး ကလေးငယ် ရဲ့ပညာရေးတိုးတက်မှု၊ ဆုတ်ယုတ်မှုတွေအပေါ်မှာပဲ ဆွေးနွေးပွဲရဲ့ခေါင်းစဉ်ကရှိသင့်ပါတယ်။ ဆရာ၊ ဆရာမတွေဆိုတာ အချစ်ကိစ္စတွေရဲ့အတိုင်ပင်ခံတွေမဟုတ်သလို သူတို့အနေနဲ့ ကိုယ့်ရဲ့အိမ်ထောင်ရေး နဲ့ပတ်သက်လို့ ကောင်းသည်ဆိုးသည်ဝေဖန်ပိုင်းခြားဖို့လည်း စိတ်ဝင်စားမှာမဟုတ်ပါဘူး။ မိဘတွေ ဘက်က အိမ်ထောင်ရေးပြဿနာတစ်ခုခုဖြစ်နေပြီဆိုရင် ဆရာ၊ ဆရာမတွေဆီ အပူမကပ်ဘဲ သက်ဆိုင်ရာပညာရှင်တွေနဲ့ပဲ တိုင်ပင်ဆွေးနွေးသင့်ပါတယ်။

ကောင်းမွန်တဲ့နည်းလမ်းများသင်ကြားပေးပါ။
ဒီနေရာမှာ မိဘတိုင်းဟာ ကိုယ့်သားသမီးကောင်းကျိုးအတွက်ပဲ ရှေးရှုတာမှန်ပေမယ့် ဒီလိုသင်ကြားပြ သရာမှာ မှန်ကန်တဲ့နည်းလမ်းတွေဖြစ်ဖို့လည်း လိုအပ်ပါတယ်။ အထူးသဖြင့် ယဉ်ကျေးသိမ်မွေ့တဲ့ သားကောင်းရတနာတွေဖြစ်အောင် မိဘတွေဘက်ကလည်း ရှေ့ဆောင်လမ်းပြအဖြစ် သင်ကြားပြသ ရမှာဖြစ်ပါတယ်။ ဒါပေမဲ့ အချို့မိဘတွေကတော့ အကြောင်းပြချက်အမျိုးမျိုးနဲ့အတူ ကလေးငယ်တွေရဲ့ အကောင်းဆုံးသောရှေ့ဆောင်လမ်းပြဖြစ်ဖို့ ပျက်ကွက်နေပြီး ကလေးတွေရဲ့အနာဂတ်ကောင်းမွန်ခြင်း၊ မကောင်းမွန်ခြင်းက မိဘတွေနဲ့တိုက်ရိုက်အချိုးကျနေတယ်ဆိုတာကိုလည်း နားလည်လက်ခံရပါလိမ့်မယ်။

ကလေးတွေအမှားကျူးလွန်တာကိုလည်းလက်သင့်ခံပေးပါ
ကလေးငယ်တွေကို အကောင်းဆုံး၊ အတော်ဆုံးဖြစ်စေချင်တာ မိဘတိုင်းရဲ့ဆန္ဒဖြစ်ပေမယ့် ငယ်ရွယ်စဉ် အချိန်ကတည်းက အမှားတချို့ကျူးလွန်မိတာကိုလည်း ကိုယ့်ဘက်ကလက်သင့်ခံပေးရမှာဖြစ်သလို အဲဒီလို အမှားမကျူးလွန်ဖို့ ကူညီကယ်ဆယ်တာမျိုးမပြုလုပ်ဖို့လည်း လိုအပ်ပါတယ်။ အဲဒီအမှားတစ်ခုအတွက် ရရှိ လာမယ့်သင်ခန်းစာတွေက ကလေးအတွက် အနာဂတ်လမ်းညွှန်တစ်ခုအတွက်ဖြစ်ပြီး ကလေးငယ်တွေ ရဲ့စိတ်ထဲမှာလည်း ကိုယ့်ကိုယ်ကိုယ်ယုံကြည်အားကိုးမှုရှိလာမှာသေချာပါတယ်။



--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment