မှားယွင်းနေတဲ့ဆက်ဆံရေးတစ်ခုကိုသတိထားမိစေတဲ့အချက် (၈) ချက်











လူသားတိုင်းမှာ အာရုံ(၆)ပါး စီ (The Six Sense) ရှိကြပါတယ်။ အကြောင်းအရာတစ်ခုခု မဖြစ်ပျက်ခင်မှာ ခံစားရတဲ့ခံစားချက်လေးတစ်ခုပေါ့။ ဥပမာပြောရရင် ငွေဝင်မယ်၊ ငွေထွက်မယ်ဆိုရင် လက်ဖ၀ါးပြင်တွေ ယားလာတာ၊ စကားများရန်ဖြစ်ရမယ်ဆိုရင် နှုတ်ခမ်းတွေလှုပ်လာတာ၊ မျက်ခုံးလှုပ်တာတွေ အစရှိ သဖြင့်ပေါ့။ အဲဒီလိုပဲ ဆက်ဆံရေး (Relationship) တစ်ခုမှာလည်း မကောင်းတာတွေ၊ ကောင်းတာတွေ ကိုပြသနေတဲ့ ကြိုတင်နိမိတ်လေးတွေရှိနေပါတယ်။ လူဖြစ်လာပြီဆိုကတည်းက ပျော်ရွှင်နွေးထွေးရတဲ့ ဘ၀ကိုပဲ ပိုင်ဆိုင်ချင်ကြတာမဟုတ်ပါလား။ အဲဒီအတွက် ကိုယ်နဲ့ ဘ၀တစ်လျှောက်လုံး လက်တွဲသွားမယ့် သူကို အကောင်းဆုံးရွေးချယ်နေကြတာမဟုတ်ပါဘူး။ အခုပြောပြမယ့်အချက်လေးတွေကိုတွေ့နေရပြီဆိုရင်ဖြင့် ကိုယ်ဟာမှားယွင်းနေတဲ့လူတစ်ယောက်နဲ့ ဘ၀လက်တွဲဖော်ဖြစ်ဖို့ ကြိုးစားနေတယ်လို့ မှတ်ယူကြရအောင်…

ဒေါသကိုမထိန်းချုပ်နိုင်သူ
ဒေါသဆိုတာကတော့ အသက်ကြီးငယ်မရွေး ရှိကြမြဲပါ။ ကိုယ်လက်တွဲနေတဲ့လူတစ်ယောက်ဟာ စိတ်ဆိုး၊ ဒေါသထွက်လာရင် မျက်စိရှေ့မှာမြင်နေရတဲ့ပစ္စည်းတွေ၊ လက်ထဲမှာကိုင်ထားတဲ့ပစ္စည်းတွေနဲ့ နံရံကို ပစ်ပေါက်တတ်တဲ့အကျင့်၊ အော်ဟစ်ဆဲဆိုတတ်တဲ့အကျင့်ရှိပါသလား။ ဒါက လုံးဝလက်ခံချင်စရာ မကောင်းတဲ့ အခြေအနေတစ်ခုဖြစ်ပါတယ်။ အဲဒီလိုလူမျိုးတစ်ယောက်ကို လက်တွဲမိနေပြီဆိုရင်တော့ လက်ရှိအခြေအနေကို ပြန်လည်စဉ်းစားသုံးသပ်ဖို့လိုနေပါပြီ။ ကိုယ်ဟာအနာဂတ်ကို ဘယ်လိုဖန် တီးချင် တာလဲ။ သူများတကာအားကျအတုယူရလောက်တဲ့ဘ၀လား။ ဒါမှမဟုတ် စိတ်ဖိစီးမှုတွေ စိတ်မချမ်းသာစရာ ပူပင်သောကတွေနဲ့ ပြည့်နှက်နေတဲ့ဘ၀လား။ ကိုယ့်အပေါ်မှာပဲမူတည်ပါတယ်။

ကိုယ့်ကို အမြဲစိတ်မချမ်းသာစရာဝေဖန်နေသူ
စဉ်းစားကြည့်ပါ။ ကိုယ်နဲ့တွဲနေတဲ့ ကိုယ့်ချစ်သူက ကိုယ့်ကိုဘယ်လိုမျိုးခံစားရစေလဲလို့။ ကိုယ့်ကို အမြဲတမ်း သတ္တိတွေ၊ ခွန်အားတွေပေးနေတဲ့လူ၊ ကိုယ့်ကိုစိတ်ချမ်းသာမှုတွေပေးတဲ့လူလား။ ဒါမှမဟုတ် ကိုယ်ဘာ လုပ်လုပ်၊ ဘယ်လိုနေနေ၊ ဘာဝတ်ဝတ်၊ ဘာစားစား အမြဲတမ်း ''လုပ်ပြန်ပြီ'' ''စားပြန်ပြီ'' ဝေဖန်ပြော ဆိုနေတဲ့လူလား။ ကိုယ်တန်ဖိုးထားတဲ့အရာတွေ၊ ကိုယ့်ရဲ့လုပ်ဆောင်မှုတွေကို ဝေဖန်ပြစ်တင်နေတဲ့ 
လူဆိုရင်တော့ ဒီဒုက္ခကလွတ်မြောက်ဖို့ ပြန်စဉ်းစားရမယ့်အချိန်ရောက်ပါပြီ။

ကိုယ့်ကိုယ်ကိုယ် အမြဲတမ်းအမှန်ထင်နေသူ
ကိုယ့်ကိုယ်ကိုယ် အမြဲမှန်နေတယ်ထင်တဲ့ ကိုယ့်လက်တွဲဖော်ကို ဝေဖန်လမ်းညွှန်ပြပေးဖို့ မစဉ်းစားပါနဲ့။ သူဟာသူလုပ်ခဲ့တဲ့ အမှားတစ်ခုကိုတောင် ကိုယ့်အမှားဖြစ်အောင် ပြောင်းလဲပြောဆိုလာပါလိမ့်မယ်။ ဒီလိုလူမျိုးနဲ့ တစ်သက်လုံးလက်တွဲသွားဖို့ ယုံကြည်ချက်ရှိပါရဲ့လား။

ကိုယ့်မိသားစု၊ ကိုယ့်ပတ်ဝန်းကျင်ကို ဝေဖန်သူ
ကိုယ့်ရဲ့လက်တွဲဖော်က ကိုယ့်ရဲ့မိဘဆွေမျိုးတွေ၊ သူငယ်ချင်းမိတ်ဆွေတွေကို ဘယ်လိုဘယ်ပုံ ဆက်ဆံနေ ပါသလဲ။ သူတို့ကို ဝေဖန်အပြစ်တင်နေပါသလား။ အထင်အမြင်သေးရွံရှာနေပါသလား။ အဲဒီလိုပဲ ကိုယ့်ကို သူငယ်ချင်း၊ မိတ်ဆွေတွေနဲ့ ပေါင်းသင်းဆက်ဆံရေးဖြတ်တောက် ဖို့ကြိုးစားနေတဲ့ လူဖြစ်ပါသလား။ ကိုယ်ပေါင်းသင်းနေတဲ့လူတွေကို သူမှလက်မခံနိုင်ရင် ဘယ်လိုလုပ်မလဲ။ ကိုယ့်အပေါ် နားလည်မှု မရှိတာပေါ့။ မိဘ၊ ဆွေမျိုး၊ သူငယ်ချင်းတွေနဲ့ ကိုယ့်လက်တွဲဖော်ဘယ်သူအရေးကြီးမလဲ။ ကိုယ့်ဆုံးဖြတ် ချက်အပေါ် မူတည်ပါတယ်။

ကိုယ့်ကို လိမ်ညာနေသူ
တကယ်လို့ ကိုယ်နဲ့လက်တွဲနေတဲ့လူဟာ ကိုယ့်ကိုလိမ်ညာနေတယ်ဆိုရင်တော့ အဲဒါမကောင်းတဲ့ လက္ခဏာ တစ်ခုဖြစ်ပါတယ်။ စဉ်းစားကြည့်ပါ။ ကိုယ့်ကိုလိမ်ညာတဲ့လူတစ်ယောက်နဲ့ ဘ၀ကိုဘယ်လို လက်တွဲသွားမလဲ။ အသေးအဖွဲကိစ္စလေးတစ်ခုကိုတောင် လိမ်ညာနေရင် ကြီးကြီးမားမားကိစ္စတွေကို မလိမ်ညာဘူးလို့ ယုံကြည်ချက်ရှိပါသလား။

ကိုယ့်ကို ခြိမ်းခြောက်ဖိအားပေးသူ
စိတ်တူကိုယ်တူဖြစ်တဲ့၊ ရှေ့သွားနောက်လိုက်ညီတဲ့လက်တွဲဖော်တွေဟာ အချင်းချင်းတိုင်ပင်ကြတယ်၊ ဆွေးနွေးကြတယ်၊ ညှိနှိုင်းကြပါတယ်။ ဒါပေမဲ့ မှားယွင်းနေတဲ့ဆက်ဆံရေးတစ်ခုမှာတော့ တစ်ယောက် ကတစ်ယောက်ကို အပြင်းအထန်လွှမ်းမိုးပါတယ်။ ကိုယ့်ရဲ့ထင်မြင်ယူဆချက်တွေကိုမမေးဘဲ ကိုယ့်ကိုသူ့ လမ်းစဉ်အတိုင်းဆောင်ရွက်ဖို့ကြိုးစားနေရင်၊ ကိုယ့်ကိုဖိအားပေးနေရင်တော့ သူ့ကိုစွန့်ခွာသွားဖို့ အချိန်ရောက်ပါပြီ။

တခြားယောက်ျားလေး၊ မိန်းကလေးတွေကို ချော့မြှူနေသူ
ကိုယ့်ချစ်သူက တခြားမိန်းကလေး ဒါမှမဟုတ် ယောက်ျားလေးတွေနဲ့စကားပြောတဲ့အခါ ဘယ်လိုပြုမူနေ သလဲဆိုတာ သတိထားမိပါသလား။ သူဟာစကားပြော၊ ဆက်ဆံသမျှ ယောက်ျားလေး ဒါမှမဟုတ် မိန်းကလေးတွေကို ကိုယ်ဟန်အမူအရာနဲ့တစ်မျိုး၊ စကားပြောပုံနဲ့တစ်ဖုံ ဖြားယောင်း မြှူဆွယ်နေတယ်လို့ ခံစားနေရပါသလား။ အဲဒီလိုခံစားနေရပြီဆိုရင်တော့ ဒီဆက်ဆံရေးကို ဖြတ်တောက်ပစ်ဖို့ အချိန်ကျပါပြီ။

ကိုယ့်ကိုနှိမ့်ချလှောင်ပြောင်နေသူ
ကိုယ့်လက်တွဲဖော်က ကိုယ့်ကိုလူကြားထဲမှာ လှောင်ပြောင်သရော်လုပ်တာတွေ၊ အရှက်ရအောင်လုပ်တာတွေ ရှိနေပါသလား။ အဲဒီလိုတွေဖြစ်နေပြီဆိုရင်တော့ ကိုယ့်ကိုခြယ်လှယ်ချင်သလို ခြယ်လှယ်တတ်တဲ့သူ့ကို ဖြတ်တောက်ပစ်လိုက်ဖို့ကောင်းနေပါပြီ။
တကယ်လို့များ ဒီအချက်တွေထဲက တစ်ခုခုနဲ့ကိုယ်ချစ်တဲ့လက်တွဲဖော်က ငြိစွန်းနေပြီဆိုရင်တော့ ကိုယ်နဲ့သူနဲ့ဆက်ဆံရေးကို ပြန်လှန်စဉ်းစားဖို့ အချိန်ရောက်ပါပြီ။
ဝဿန်


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment