ယောကျာ်းရသွားလို့ ယောကျာ်းလုပ်စာကိုမှီခိုအားထားပြီးနေရသူမဖြစ်ချင်ဘူး.....ယွန်းမီမီကျော်








ညီမရဲ့အိမ်ထောင်ရေးထက် ညီမရဲ့ Life Style လေးမှာ နှစ်ယောက်လက်တွဲသွားရသည်ဖြစ်စေ၊ တစ်ယောက်တည်းဖြစ်သွားသည်ဖြစ်စေ ကိုယ့်ရဲ့အစွမ်းအစ၊ ကိုယ့်ရဲ့ပညာအရည်အချင်းလေးနဲ့တော့ ရပ်တည်သွားချင်တယ်။ 

ကိုယ်က ယောက်ျားရသွားလို့ ယောက်ျားလုပ်စာကို မှီခိုအားထားပြီးတော့ မနေချင်ဘူး။ ကိုယ့်အလုပ်လေးနဲ့ ကိုယ့်ဝင်ငွေလေးနဲ့ကိုယ်နေချင်တယ်။ ပြီးတော့ ညီမရဲ့အိမ်ထောင်ရေးကို အေးအေးဆေးဆေးလေးဖြတ် သန်းသွားချင်တယ်။ 

Family တစ်ခုဖြစ်လာပြီဆိုရင်လည်း ညီမရဲ့ Family နဲ့ပတ်သက်ပြီး လိုအပ်တယ်ဆိုရင် အလုပ်လုပ်မယ်။ အဲလိုမလုပ်ရဘူးဆိုရင်လည်း တည်ငြိမ်အေးချမ်းမယ့် အိမ်ထောင်တစ်ခုကို ဖန်တီးမယ်။ Family Type ကို အေးအေးချမ်းချမ်းနဲ့ ဖြတ်သန်းချင်တယ်။ ဆူညံပွက်လောရိုက်နေတာမျိုး မဖြစ်ချင်ဘူး။ စိတ်ချမ်းသာမှုကို ပိုလိုချင်တယ်။

ကိုယ်ချစ်တဲ့သူတွေနဲ့ နားလည်မှုလွဲတဲ့အခြေအနေတွေ ဖြစ်ဖူးတယ်။ နားလည်မှုလွဲတာက တစ်ခါတလေ ကိုယ်က စေတနာနဲ့ပြောလိုက်တာ မိဘရော၊ ညီမချစ်သူရော၊ ညီမသူငယ်ချင်းတွေရော။ ကိုယ်ကတော့ ရိုးရိုးသားသားနဲ့ပြောလိုက်တာ သူတို့ကတစ်မျိုးထင်ပြီးတော့ ကိုယ့်ကိုနားလည်မှုလွဲပြီးပြောလိုက်တဲ့ အခါမျိုးတွေရှိတယ်။ 

ညီမအိမ်ဆိုလည်း အဲလိုပဲ ညီမပြောတဲ့ အဓိပ္ပာယ်ကတစ်မျိုး၊ သူတို့နားလည်လိုက်တာကတစ်မျိုး၊ အဲလို မျိုးလေးတွေဖြစ်သွားတယ်။ တစ်ခါတလေကျရင် ကိုနိုင်းဝမ်းနဲ့ ကိုယ်ကစေတနာနဲ့လုပ်လိုက်တဲ့ ကိစ္စတစ်ခု မနေ့ကတောင် ပြဿနာတက်ကြသေးတယ်။ မုန့်သွားစားရင်းနဲ့ သူ့ကိုတစ်ဝက်စားပေါ့နော်။ အဲဒါကို သူက မစားဘဲနဲ့ ငြင်းလိုက်တဲ့အချိန်မှာ ကိုယ်ကစိတ်တိုပြီး ဆက်မစားတော့ဘူး။ 

အဲလိုမျိုးလေးတွေရှိတယ်။ သူကလည်း ကိုယ့်ကို အကုန်စားစေချင်တယ်။ ကိုယ်ကလည်း သူနဲ့တူတူ စားရတာကို သဘောကျလို့ကျွေးတယ်။ အဲဒါတွေက ခဏခဏဖြစ်တယ်။ အဲလိုဆို စိတ်တိုပြီးတော့ စားလည်းမစားတော့ဘူး။ စကားလည်း မပြောတော့ဘူး။ မပြောတာမှ ဘယ်သူနဲ့မှကို မပြောတော့တာ။ အဲလိုမျိုးလေးတွေ တစ်ခါတလေ စိတ်ထဲမှာစနိုးစနောင့်လေးတွေဖြစ်ရတယ်။ အလုပ်နဲ့ဖြစ်တာကတော့ ရှားပါတယ်။ သူငယ်ချင်းတွေနဲ့ဖြစ်တာလည်းရှားတယ်။


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 


Share on Google Plus

0 comments:

Post a Comment